Unicode ver
Sep 29, 2021
"ဟွန်း"
သြရှရှဖြတ်စီးလာသည့်အသံသည် တိတ်ဆိတ်နေခဲ့သောညစာထမင်းစားဝိုင်းအားအသက်သွင်း၏
Steak တစ်လွှာလှီးဖြတ်နေရာမှ မျက်နှာချင်းဆိုင်ကအာဏာမျက်ဝန်းတို့ဆီ အကြည့်ကိုဆုံမှတ်စေလိုက်သည့်အခါ မလုံမလဲစိတ်တို့ကရင်ကိုတုန်စေလျက်
"ကျောင်းမှာအဆင်ပြေရဲ့လား?"
"ဟင် အဆင်ပြေပါတယ်
ဘာလို့မေးတာလဲ""ဘာလို့လဲတဲ့
ဒီတိုင်းပဲ ကိုယ့်ညီလေးအကြောင်းသိချင်လို့ပေါ့"လက်တစ်ဖက်အားလှမ်း၍ ဆံနွယ်တို့ကိုထိုးဖွလာသည့်အခါ မီးမှိန်မှိန်အောက်ခပ်ရေးရေးပေါ်လာသည့် အပြုံးသေးသေး
"တစ်ခုခုဆို အကို့ကိုပြောမယ်မလား
အကိုလိမ်တာမကြိုက်ဘူးလို့ပြောထားတယ်နော်"ချက်ချင်းပျောက်ကွယ်သွားသည့်အပြုံးရေးရေးအား ကွက်ခနဲပျက်သွားသည့်မျက်နှာအမူအရာနဲ့အစားထိုးခံလိုက်ရပါသည်
တစ်ဖက်သူသည်တော့ ပျက်ယွင်းသွားသည့်မျက်နှာအမူအရာကိုဖမ်းမိလိုက်ကာ အလိုမကျစွာမျက်ခုံးတန်းတို့ကိုတွန့်ချိုးပစ်လိုက်၏
"ဟျူးနင်းခါအီ ပျောက်သွားတဲ့ကိစ္စက ဟွန်းနဲ့ဆိုင်နေတာလား?"
ရှင်းပြတ်ပြတ်မေးလာသည့် မေးခွန်းမှာ အထိတ်တလန့်မျက်လုံးဝိုင်းတို့က မဝံ့မရဲမော်ကြည့်လာလျက်
"အ..အကိုက ဟျူးနင်းပျောက်သွားတဲ့ကိစ္စကိုဘယ်..ဘယ်လိုသိတာလဲ"
"အကိုပြောပြီးပြီလေ
ဟွန်းအကြောင်းအကုန်သိပါတယ်လို့"နှုတ်ဆိတ်သွားသည့်နှုတ်ခမ်းပါးလေးက သူ့အပြစ်သူနားလည်သည့်အတိုင်း..
ယောန်ဂျွန်သည်လက်နှစ်ဖက်တွင်ကိုင်ထားသော ခက်ရင်းနှင့်ဓားအားပန်းကန်ထက် ပစ်ချပစ်လိုက်ရင်း သက်ပြင်းသာသာအားမှုတ်ထုတ်နေ၏
"အကို စိတ်မကောင်းဘူး
ဟွန်းက အကို့ကိုလိမ်တဲ့နေ့မျိုးရောက်လာလိမ့်မယ်ဆိုတာတွေးမထားခဲ့မိတာ"
![](https://img.wattpad.com/cover/278689535-288-k557031.jpg)
YOU ARE READING
𝚂𝚒𝚗𝚐𝚞𝚕𝚊𝚛𝚒𝚝𝚢 (𝒞ℴ𝓂𝓅𝓁ℯ𝓉ℯ𝒹 )
Fanfiction'ချစ်ခြင်း' ဆိုတဲ့ ချို့ယွင်းချက်ကိုသာ ရှာမတွေ့ခဲ့ရင် ကိုယ့်ဘဝက ကိုယ်ဖြစ်ချင်သမျှနဲ့ဘဲ ပြည့်စုံနေခဲ့မှာ ခံစားချက်တွေပေါက်ဖွားရာက ကိုယ့် အားနည်းချက်ဖြစ်လာမယ်ဆိုတာ သိခဲ့ရင် "မင်း" ကို မပိုင်ဆိုင်ချင်ခဲ့လောက်ဘူး ညီ.... ...