حرام مستباح

البارت العشرون

ضحكت على طريقة كلامها ووصفها لـ رؤى واجت ملاك بصفها وكرصتها بايدها وحجت بتحذير : هيي شبيج ماصدكتي تشوفيلج وحده تكصينها؟

مروه : ياا شكص غير هذا الصدك ولا غيبة على الفاسقون

ملاك : وين عرفتيها فاسقة .. عيب هلحجي انجبي دوختي العروس

ساره : لا وربـي كلش تونست بجيتجن انتن وزينب وياسمين الله شاهد عبالك خواتي حاضرات وياي.

مروه : بالخدمة يحلوه رجعيها النه بزواجنه

ملاك : عززه بعينج استجني ولجج

ياسمين : كاعده يم فروحه تلعبها زينب .. حسيتها مو على بعضها كتلها : شبيج زنو حاستج ضايجه

زينب : تردين الصدك اي ولله افكر بـ مامه .. من قبل فتره تحس بـ بابا متغير عليها وهسه يكلها اريد اتزوج اعرف من حقه بس هيه تحبه ماتكدر تتقبل هلفكره وهسه همه دائما الوضع بيناتهم متكهرب وعلاقتهم مو تمام ..

بلعت ريكي وماعرفت شجاوبها .. رجعت كالت : ادري شتستفاد لتخرب بين زوج وزوجته؟
هسه خلن عيونجن ع اي رجال مو مزوج ماتفكرن زوجته خطيه مادري شيحسن هذن لمايخافن الله .. شتكولين ياسمين معقولة بابا شايفله وحده؟

توترت ماعرفت شحجي اصلا شحجي وشكول اكلها انه الوحده التحجين عليها؟
انه الي ابوج حابني وهامل امج؟
انه السبب بتوترت علاقة ابوج وامج؟

رجعت حجت : اصلا هنه ماعدهن عقل ليسوون هيج؟
تحبن رجال متزوج مثل ماخان زوجته وام اولاده وام بيته وعشرت عمر بيناتهم خانها وياج اكيد رح يخونج وهوا مايريد غير يتونس وياج ..

نقذني من الموقف ومن الرد ولجواب مروه وملاك اجن يمنه وضلن يسولفن غيرنه الموضوع ..

سارة : مرت نص ساعه وصعدتني ريام للغرفة وانه ارجف كلش خايفه .. البارحه كعدت وياي ام احمد وحجت وياي وفهمتني على هواي اشياء جنت غافلة عليهن ... بس متت من الخجل وهيه وريام يضحكن عليه ..

جهزلي ملابس البسهن وطلعن وشويه سمعت الصوت عرفت حيزفون يالله ولله كضني مغص .. علكت الهوسات والهلاهل .. ودخل احمد وسد الباب ..

اقترب مني خله اصبعه جوه حنجي ورفع وجهي اله مغمضه عيوني بس احسه يتأمل وجهي .. همس وانفاسه تضرب وجهي : شمعتي افتحي عيونج

بلعت ريگي وفتحت عيوني شفته كلش قريب مني ابتسمت وكال : شهلحلاوه يابه تره مااتحمل كلبي رﭼـيـﭻ .. نزل عيونه لشفايفي وكمل : منين نبدي من الفراوله من العسل ..

كومني وحضني بهدو۽ وابتعد وايده تسلسلت لضهري فتح السحاب وانه ارجف واحس صخنت من الخجل ..
كمل شغلة وفتح الفستان وشفايفه تمشي على طول رڰبتي .. خلاني اهد۽ واذوب بين ايديه وجان كلش هادئ وياي خلاني اتجاوب وياه صح حسيت بألم بس بسيط مو مثل ماجنت اتوقعه .. او يمكن احمد السبب هوا الي مخلاني احس بشي .. غير حبه الي ..