''ហេតុអីមិននិយាយការពិតប្រាប់អ្នកគ្រប់គ្នា?''គេអង្អែលផ្ទៃមុខអាល្អិតថ្នមៗ មើលចុះមុខមាត់ធ្លាប់ តែស្រស់ស្អាត បែរជាមានស្នាមម្រាមដៃច្បាស់ៗ ខូចសម្រស់អស់។''បើប្រាប់មានអ្នកជឿទេ សូម្បីតែលោកក៏មិនជឿខ្ញុំនិយាយដែរ''
''មិចក៏ថាយើងមិនជឿ?''
''ព្រោះលោកស្រែកសម្លុតឲ្យខ្ញុំចំពោះមុខគ្រប់គ្នា''
''ដោយសារម៉ាក់យើងនៅទីនោះ ណាមួយយើងមិនទាន់ដឹងរឿងច្បាស់ ពេលឃើញថ្ពាល់របស់ឯងមានស្នាមម្រាមដៃ ទើបយើងយល់ ការពិតមានរឿងអីកើតឡើង ឯងប្រាប់យើងបានទេ?''''នាងរករឿងខ្ញុំមុន ថែមទាំងដៀលម៉ាក់របស់ខ្ញុំថាជាប្រពន្ធចុងគេទៀត ខ្ញុំខឹងក៏ទះនាងមុន តែមកពីនាងថាឲ្យម៉ាក់ខ្ញុំធ្វើអី ទោះខ្ញុំវាយនាងមុនក៏ខ្ញុំមិនខុសដែរ''
''បានន័យថានាងនិយាយបំផ្លើសដាក់ឯង''អាល្អិតងក់ក្បាលបញ្ជាក់។
''យើងសុំទោសដែលស្រែកសម្លុតដាក់ឯង''
''មិនអីទេ ចុះលោកជឿខ្ញុំអត់?''
''បើយើងមិនជឿឯង យើងមិនមករកឯងនៅទីនេះទេ''''អរគុណណាស់ដែលជឿខ្ញុំ ហើយមកលួង លោមខ្ញុំពេលខ្ញុំពិបាកចិត្ត''គេឱបនាយម្តងទៀត ម្តងនេះឱបណែនជាងមុន។
''លើកក្រោយកុំធ្វើចឹងទៀតឮទេ បើម៉ាក់ឯងដឹង គាត់មិនសប្បាយចិត្តទេ''
''ហ្ហឹម! ដឹងហើយ ចុះលោកវិញនោះ?''
''យើងយ៉ាងមិច?''''ថ្ងៃនេះធ្វើព្រងើយដាក់ខ្ញុំ មិនសូម្បីតែសម្លឹងមុខខ្ញុំទៀត ខ្ញុំខលទៅក៏មិនទទួល ពេលទទួល លោកនិយាយតែបីម៉ាត់រួចក៏ចុចបិទបាត់ លោកកើតអីមែនទេ? ខឹងខ្ញុំឬ?''គេនៅតែឱបនាយដដែល ផ្ទៀងត្រចៀកស្តាប់ចង្វាក់បេះដូងរបស់នាយចង់ដឹងថាលោតញាប់កំរិតណា។
''មិនមែនយើងខឹងឯងទេ ដោយសារមានរឿងត្រូវដោះស្រាយតិចតួច''
''ហេតុអីចាំបាច់ធ្វើមិនស្គាល់គ្នាដែរ?''
''គឺ....''
''ឬមកពីម៉ាក់លោកបង្ខំ គាត់ប្រាប់ឲ្យលោកឈប់និយាយរកខ្ញុំមែនទេ? គាត់ស្អប់ខ្ញុំដែលខ្ញុំជាកូនអ្នកក្រហេ៎ស?''''មិនមែនបែបហ្នឹងទេ''
''ចុះបែបណាវិញ''ម្តងនេះគេមិនឱបនាយទៀតទេ គេសម្លឹងមើលមុខនាយបែបដាក់កំហិត រងចាំស្តាប់ចម្លើយរបស់នាយទាំងតក់ក្រហល់។
YOU ARE READING
💥ជម្លោះស្នេហ៍💥
Action''សម្បត្តិត្រឹមជាក្មេងប្រុសម្នាក់ដែលកាចឆ្នាស់ កាចជាងសត្វខ្លា មិនចេះខ្លាចក្រែងអ្នកណា សម្តីឈ្លើយ តែគេមានឥទ្ធិពលធ្វើឲ្យបេះដូងខ្ញុំលោតញាប់ រហូតលង់ស្រលាញ់គេដោយមិនដឹងខ្លួន'' Jimin ជីមីន ផាក ( Top ) & ជុងគុគ ជុង ( Bottom ) និពន្ធដោយ: ថេយ៍ស៊...