4☄️
#نانا
غيث: نانا وينتا راح تحبسي عناد وتجي معايا ماراهيش فمصلاحتك تقعدي هنا
جمعت يديا وحطيت رجل فوق رجل مازلت نتجاهل فيه بعد ساعة ونص كاملين لقعدة فبيتنا انا وميرا نتفرج فالتيليفزيون هي راحت للجامعة معا هذاك ديلن بقيت انا مكنتش نتفرج كنت نبحلق فيه بلا فهامة المهم منشوفش في غيث لاني لا يشوف اول حاجة راح نطرطق بالبكا .
مانيش مأمنة لحد الان هو كان سبب فكلش الخطف تع اللبنات الاعتداء لصرا المصيبة الكبيرة في دار الابيرا
_غيث وينتا راح تفهم لي بيناتنا كمل يلا اللبنات سامحوك الله اعلم علاش انا مراحش نسامحك
_روحي معايا دوك وسامحيني بعد ستين عام معليش نقارع
_منروووحش معاااكم
حكم وجهي بيديه وجبرني نشوف في عينيه النوازات
.
شحال توحشتك💔
.
_الله يخليك ن..
_دفعتلو يديه من وجهي بعنف
_متتلمسينننيييش كون ما نروحش معاك ؟ واش ؟؟؟ يجو يدونا منا؟؟ علاش؟ بصكو عطيتهم بلاصة وحدخرا باش يخطفو منها اه؟؟؟
_راني خايف عليك نتي واللبنات مراحش يطلقوكم بصكو شفتيهم كامل داك النهار
_كيما مطلقووووش رولااااا
محسيتش صوتي كي خرج مقهور رولا لي لابوليس في شهر تحوس عليها😢 عينين غيث شعو بكل شعور حزن وحط راسو
_راح نرجعها وعد
قمت من بلاصتي وشفت فيه مزال قاعد وشرت للباب
_لااازم عليك ترجعها بصح دوك روح شوف كي تصلح الغلطة تاعك بعييييد عليااا انا منعرفكش ومنروحش معا واحد مانعرفوش
وجهو نعصر عينيه لكانو يعطو انطباع الحزن رجع غضب القبضة تاع يدو تزيرت قام من بلاصتو دوك الاطول بيناتنا كان هو
.
كون غي قعد كيا كان صدقت انو أنا طويلة عليه🙄 ونحكم
.
قلبي بدا يضرب هذا غيث اكزاكتلي لي كنت نهدر عليه عمرو ما تعصب مني هادا لتقهرني انو عمري ما خفت منو دوك الوضع يدو ظربت حدا راسي بعنف
_نانا علاااااش راسك خشين
عصرت عينيا الشئ لخلا دمعة خاينة طيح..ستوعبت الأسبوع تاعو صوتو رجع هادي مالجديد
_نانا ☹️ س..سامحيني مقصدتش نخوفك
يدو رجعت لوجهي بصح انا دورتو باش يدو تقعد معلقة فالهوا
_غيث يا طروح يا نعيط والظابط راه هنا مزال يحقق معا صحاب الميتم يلا ما رميتكش فالحبس نهار الحريق نرميك دوك بمجرد انو قلت دوك الكلمات ندمت!! كيفاش قدرت نكون بهاد القساوة معاه
مقدرتش نشوف في وجهو مقدرتش نشوف شحال وجعتو بكلامي كنت مزالت غالقة عينيا حتى سمعت الباب ورايا تغلق بقوة وانا أخيرا سمحت لنفسي باش ننهار فلرض كي رجعت وحدي فالبيت.
☄️
#ميرا
حطني ديلن عند الباب تاع الميتم مكانش عاجبو الحال باش يخليني هنا الله اعلم واش راه يدور فراسو
حياتي كاملة فهاد الميتم امنة كثر من اي دار وحدخرا علاش مش حابني نقعد هنا؟ قالي حرفيا راح يحل الموضوع لمانيش فاهم أصلا المشكل تاعو؟
أحيانا يحب يسطر على كلش في حياتي مزال مفهمش انو حبسنا عقلية خاطف ومختطف🙄 واصلا منخليش نانا وحدها بعد التبني تاع ريا ورولا لي مرجعتش😢😢 ريا حاولت محاولة باش نجو معاها بصح هادوك زوج كانت باينة حبينها هي كون عينهم يدونا وغيث كليوم يجي يحاول نانا باش نروحو معاه لدارو "الميتم ماشي امن" هذا واش يقول كل مرة تعتارض حتى باش تشوف فوجهو شفتو خارج مالباب الكبير شهقت
_غيييييييثثثث!!!!
رحت جربت عندو عنقتو فتحلي دراعو بكل ترحاب حاول يتبسملي بصح تبسيمتو مكانتش زابطة معايا كيما يقولو🤨
_واش بيك:(
خذ نفس عميق وسلم على راسي
_لازم نروح دخلي متقعديش برا
كان حاب يقول هدرة وحدخرا حل شفاهو عاود غلقهم وهكدا راح لطنوبيلتو البيضة باينة هاد المرة ناظت كبيرة بينهم أخ منك يا نانا علابالي الغلطة تاعو بصح حاول كلش باش يصلحها حتى انو هو لي سلكنا علاش ماشي بتعطيه فرصة؟؟..ماعليه خصو يعطيها وقت نشاله تتصلح نكره نشوفهم هاك يوجعو فبعضهم :(
دخلت للميتم تحيت مدام رؤيا بصح كي شفت شكون كان واقف معاها تجمدت
.
الظابط...لاء...
.
راجل لعدبني هو ولدو حياتي كاملة واقف قدامي يستوحب فالمدام رؤيا الانظار كاملة رجعت عليا كنت راح ندور ونلحق غيث بصح كنت بزاف روطار كي حبسني داك الغول
_ميرااااال ارواحي هنا
_م..م..يرا اسمي م..ميرا
وجهو عبس وطلب مالمدام رؤيا تخلينا وحدنا بصح انا شدييت فيها كحبل النجاة كون نطلقها نمووووت
_يعني كنتي حاسبة راح تهربي من الدار وتعمليلي فظيحة لهاد الدرجة راكي باغية تبيني للناس انا اب ماشي مليح؟؟
هزيت راسي لا بعنف مخصنيش نديرهم والو الشوفة تاع عينيه القاسية تبرهن كلش
_مدام رؤيااا
'_انعم
_وجدولها غراضها ترجع لدارهم
حسيت كلش جمد فيا العالم تاعي حبس مالدوران نرجع؟ نرجعلو هو ولدو؟؟؟ هزيت راسي لا بعنف وتاخدت زوج خطاوي للورا تخبيت ورا مدام رؤيا شديت فالغوب تاعها بقوة مكنتش عارفة يديا يقدرو يمدوها
عطاتني نظرة تعاطف وحطت يدها على يدي شفت فيها مابين الدموع
_مدام ؤريا الله يخليك راهم يآذوني تمااااا
طلعت راسها وشافت فالملعون تاع صلاح لي مسمي روحو طابط ويد اليمين للدولة
رؤية: منقدرش نفورصي ميرا حظرة الظابط يلا محبتش متقدرش تديها
هدرتها خلات وجهو ينقلب وطلع صبعو فيها
_تخالفي اوامري؟ نحب نفكرك حظرة المديرة بصلاحياتي على هاد المنطقة حتى عليك وعلى خدمتك
مثلا تبلعلك الميتم تاعك.
تبسم بثقة على وجوهنا المخلوعة
_ وراني موقع على عقود التبني رماهم فوق البيرو بعنف حتى ثبعثرو كامل فوق لرض
هادوك زوج كلمات لقالهم بمعنى اخر التهديد لي رماه فوق راس المدام رؤيا خلاها مربطة من لسانها ومن صلاحياتها ومن كلش قادر حتى يحبسها ونكاش لراح يعارضو. بداو دموعي يطيحو تمنيت كون قعدت مخطوفة ع الأقل تماك كان كاين ولاد معملوش واش عمل أدم!!! مدام رؤيا نحات اللينات تاعها عينيها المذبالين شافو فيا بأسى تما وين عرفت انو خلاصت عليا هي كانت آخر دفاع عندي
_نتا اكثر ظابط فاسد شفتو فحياتي حاب تبين لناس انك باني عائلة سعييييدة بصح الحقيقة انك واحد لازم يتبلع عليه فحبسو هو و ولدو متخدعش الناس بالعايلة السعيدة وتجبرني بالقوة انا وديلن باش نكون منها نتا ك..
معرفتش كيفاش جاتني الجراءة باش نقول داك الكلام كون ماشي الظربة على خدي لسكتتني قبل ما نزيد نفظحو كثر. الظربة كانت تحرق حريق حتى اني متأكد هدي راح يرجع زرق غدوا.
_ادوها
واحد الرجال دخل ورفدني على كتفو وانا نعيط شفت باقي اللبنات منهم نانا لي خرجو كي سمعو تواغي فالكولوارات نانا عينينا وساعو ولحقتني حاولت تجبدني مالقبضة تاعو بصح الراجل الزاوجة منعها حتى دخلوني للطونوبيل وانا نعيط...صوتي فجأة رجع بح حبالي الصوتية مقدرتش تزيد تستحمل الألم.
ترميت فبيتي القديمة لي كنت فيها قبل ما نهرب هاد البيت راهي تبانلي حبس نحلف بكل حاجة عزيزة عندي اني تقلقت نرجع للبيت نخطفت فيها معا ديلن على هادي
قعدت نبكي فلرض شعري الذهبي طايح على عينيا كراح ندير بعدما هددني انو راح يغلق الميتم كون نهرب منقدرش نكون بهاد الانانية ونتسبب فغلقو نانا و البنات لخرين راح يترماو فالشارع بعدما ترباو في حظن مدام رؤيا سنين طويلة و الأطفال لي كيفنا تخلاو عليهم والديهم ماعندهمش ويييييين كيفاش يكبرو برا و الدنيا مترحمش زميت شفاهي وقمت مستحملة خدي لمزال يوجع
_دوري ودوري وترجعي غي لهنا
درت لقيت أدم متركز على الباب متبسم تنفظت من بلاصتي وبعدت خطاوي كي شفتو قرب ملقيتش وين نزيد نهرب كي ظهري لصق فالحيط جسدو ركز عليه وانا تحتو هو وقامتو طويلة حام فوقي كالغول
_ريلاكس مراح نعمل والو.....ومال لنيفو تاعي همس فودني.....ع الأقل ماشي اول يوم ليك..
تحت فلرض ولميت رجليا لصدري هز كتافو وتبسم
_مرحبا بيك فالعايلة مالجديد...نتشاوفو فالحشا تشاو
.
.
Bad boys alyws do it better 🤸
.
.
ديلن أين انت😂🌚
