♤🔥 خطيئة وردية ♧🔥

#الحلقة 84

#الحلقة 84 :
• حياة : بعدت يديها و بقات ترجع للورا  خطوة ب خطوة و مشوكية ، نتي مشي حسناء لي نعرفها لا لا نتي مشي حسناء متأكدة بنت ختي ما تديرش هاكدا فيا ، فسدتي حسناء ماكانش لازم ندعمك كي قلتيلي ، ماكانش لازم نعاونك وقت طلبتي مني نشوفلك واحد
• حسناء : كان لازم تسمحي فيا و تخليني ميتة ف فراش العار لي درته وجبته لعايلتي ، علاش وقفتي معايا
• حياة : حطت راسها ف الأرض وراحت
بقيت وحدي فالجاغدن واقفة كان نهار شباب الحال دافي والسماء صافية بصح حسيته شغل تغيم ف هاديك اللحظة ، خسرت آخر وحدة كانت ف صفي ، راني غير نخلط ف حياتي حتى و نموت واحد ما يحوس عليا ولا يجيب خبري اهلي يتهناو
رحت نمشي للدار مع أنو بعيدة بصح حبيت برك نمشي بالاك يصفى مخي مع أنو لو مشيت من ولايتنا لو ولاية أخرى ماكانش غادي يصفى ، أحسن حاجة نديرها نروح ل سهيل نعطيه الفرصة باش يقتلني في طريقي للدار شفت بنات صغار خارجين من الليسي لابسين طابلية و يضحكو و يحكو تفكرت ياماتي مع نسيمة ، الدموع ينزلو من على خدودي
• حسناء : علاااااااااااش يااااا ربييييي علاااااش لازم نقاسي هاد الحوايج
شافو فيا الناس ب نظرة تاع شفقة ....
• ؟؟؟ : مسكينة باينة كاش ما صرالها
• ؟؟؟ : شابة وصغيرة بالاك عندها مشاكل ولا جنازة ف دارهم
كامل راهم شافقين عليا شفت ف روحي ولباسي فقدت صغري و شرفي وأعز حوايج كانو يميزوني حبيت نكبر روحي بالسيف لدرجة الناس ما رجعوش يميزو بلي مازالني صغيرة
فاتو يامات على هاداك النهار و انا حابسة روحي ف بيتي فجأة وصلني ميساج ما يهمنيش شكون باينة كاش تهديد من سهيل بصح قلت نشوف
• مازن : راني محتاجك ف موضوع ردي عليا
مااااازن والله غير مازن ...مارانيش مصدقة عينيا
طولت باش رديت عليه لأنو كنت خايفة نواجهه
• حسناء : تفضل
• مازن : فهميني علاش درتي هاكا
• حسناء : بعتاتك حياة لعندي ولا واش !
• مازن : ما تلعبيهاش ما علابالكش بلي انا وحياة تسيبارينا ، خلينا من هاد الموضوع احكي راني نعرف سهيل مليح ماشي من النوع لي غادي يختار بنت باش يتزوجها