♤🔥 خطيئة وردية ♧🔥

#الحلقة 27

#الحلقة 27 :

بقى يعنف فيا باش ياخذ التيليفون و كي شافني رفضت نمدهله جبد عليا و عطاني ب ظهره وقال لماما
• بابا : حكي معاها وقوليلها من اليوم لا هي بنتي ولا انا باباها هي برك بنت حرام من دار الأيتام ما تستنى مني مصروف ما تستنى مني والو  .
• ماما : ماشي لهاد الدرجة تعيش
• بابا : اذا راكي ف صفها   حابتها لهاد الدرجة تطلقي و تفضلي معاها
شافت فيا ماما نظرة حزينة
• ماما : سمحيلي ..
راحت مع بابا لشومبرتهم و خلاوني مشوكية من الموقف لي صرالي واقفة وحدي فالكولواغ حاكمة تيليفوني بطراف صباعي برك ما عرفت نبكي كا عرفت نقول حاجة ما توقعتش الحالة توصل بيا لهاد الدرجة أول حاجة جاتني ف بالي درتها بلاما نتلفت ورايا ، عيطت ل سهيل
• سهيل : واش خبار الشابة تاعي..
ما خليتهش يكمل كلامه
• حسناء : خلينا نتلاقو
• سهيل : كيفاش... ! دوكا ! متأكدة هههه راه قريب الليل حابة تبقاي معايا ف هاد الوقت ماراكيش خايفة
• حسناء : نتلاقو ولا لا
• سهيل : ايه نتلاقو بصح وين !
• حسناء : نفس الاوتال لي تلاقينا فيه اول مرة
• سهيل : الأوتال.. !!
• حسناء : دقايق ونكون عندك
و كوبيت لابال ...
لبست أكثر حاجة قصيرة عندي و زينت روحي و تجهزت مليح وخرجت من الدار وصلت قبله ، ما طولش و جا
• سهيل : ما صدقتش وذني كي قلتيلي نتلاقو ، و مارانيش قادر نصدق عيني كيفاش راكي قدامي لوكان نلقى نخبيك ف عينيا .
•حسناء : راك ناوي تبقى تتغزل بيا هنا هاكدا ! اذا ما راكش قادر تصدق كاين بزاف طرق نخليك تصدق بيهم نروحو لبلاصة مافيهاش الحس ، قولي  ما نستاهلش شومبغ انا !
غلبه الضحك
• سهيل : حاسك بديتي تتعلمي طريقة كلامي وتحفظيني كيفاش داير ،علاجال عينيك الشابين نشريلك دا  ليك وحدك  ماشي غير شومبغ