⚠ ❌❌❌❌❌❌ حسبي الله ونعم الوكيل ف أي وحدة تسرقها بدون ذكر اسمي 😡😡⚠⚠⚠⚠⚠🚫🚫
#الحلقة 8 :
رحنا لقسمي و كانت صدمتهم أكبر أني رجعت و ب نيو لووك ( مظهر جديد ) كانت عندنا حصة الأدب العربي و الأستاذة عاقلة دايرة جلباب و نحبها ماشي كيما بقية الاساتذة تخدم خدمتها بأمانة
• الأستاذة : هدوووووء ، زميلتكم رجعت بعد فترة من مرضها أتمنى أن تعاملوها ب طريقة جيدة ، تفضلي اجلسي و يمكنك استدراك الدروس من زميلاتك و ان اعترضتك اي مشكلة لا تترددي في طرح الأسئلة عودة ميمونة
طاحت عيني ف عين صحبتي بقات تشاورلي ب يدها و بصوت خافت شوية
• نسيمة : حسونتي حسوووونة هاني مرحبا عمري مزيا رجعتي
تبسمت معاها و رحت ريحت ف بلاصتي و لتلاميذ يحكوا و يوشوشو عليا كانو قاعدين ورايا
• ؟؟؟ : شوفي شوفي أول مرة تبدل الستايل تاعها
• ؟؟؟ : اسكتي برك خرجت تعيف ب هاداك المايك أب
حتى نطقت صحبتي نسيمة
• نسيمة : حتى حس الانتقاد ما سعيتوهش للأسف طول حياتكم و نتوما تقراو ف الأدب ما تعرفوش تنقدو كي الناس علابالكم بلي حسناء بلا مايك أب أحسن منكم كيما درتو في زوج و نتوما دايرين مايك أب انتقدوا لي ف المستوى تاعكم
و دارت عندي
حبيبتي هادي غيبة ما بان حسك ما حكيتي معايا كيفاش عطاك قلبك تخليني مقلقة عليك زعفت منك
كتبتلها ورقة و مديتهالها
• حسناء : خلي الحصة تكمل و نحكوا .
شاورتلي ب يدها بمعنى " أوك "
غير خلصت الحصة كان عندنا ساعة فارغة ، جاو عندي زوج بنات لي كانو يحكو فيا و وحدة فيهم تكرهني تموت اسمها نجلاء حتى هي شابة بصح دايما مرتبتها بعدي
• نجلاء : درتي شوية مايك أب نخلعتي ف روحك علينا ، حكيلي كيفاش غادي تقدري تستدركي الدروس الباك قرب
نطقت صحبتها
• ناريمان : وشبيك نجلاء حبيبتي عندها باباها يشريلها جامعة خاصة بيها يقبلوها بلا بكالوريا ههههه
و طرطقوا بالضحك عليا ، شفت فيها عاود تجاهلتها و كتبت ف الورقة ل نسيمة حاجة شافتها نجلاء و خطفتلي الورقة
• حسناء : سمحيلي مانيش نقدر نحكي لازملي فترة باش نبرا غادي نبقى نكتب للفترة الحالية
خطفت الورقة و بدات تنشر فيها قدام التلاميذ و هوما بداو يحكو لي يضحك لي يشوف فيا
• نجلاء : هههههه شوفووو شوفووو أميرتنا الشابة ما تقدرش تحكي ، من الخباشة الأسطورية للكاتبة الخرساء
والتلاميذ يضحكو عليا كنت مضغوطة ف هاديك اللحظة و خايفة ، ناضت نسيمة تدابزها حتى سبقتها ، ف هاداك الهدوء سمعو حاجة نضربت لي كان مشغول حط لي ف يده لي كانت تضحك حبست
أنت تقرأ
♤🔥 خطيئة وردية ♧🔥
Random❤🌸 المقدمة 🌸❤ : أحيانا الهبات الربانية تفسد البشر ، تجرفهم بعيدا ليعيثوا في الأرض فسادا غير مبالين كالجمال و الجاه والسلطة ، أما أنا فكنت واحدة مما ذكرت .... • أحببت الدنيا بشدة فأغرقتني في شهواتها لكني لم أقاوم🔥 جعلوا مني وحشا ثم كرهوني إلا...
