♤🔥 خطيئة وردية ♧🔥

#الحلقة 79

#الحلقة 79 :
ستنيت ستنييييت طولت عليا حياة غادي غير لا رقدت وهي مازال ما كملت حكاياتها معاه ، بعد 3 ساعات عيطتلي حياة و هي تبكي
• حياة : ....
• حسناء : مالكي تبكي حبيبتي !
• حياة : دابزت انا ومازن ، ايماجيني معايا قلتله وعدتني نتلاقو كي تجي قالي غادي نوصل تعبان حتى منبعد ونشوفك الوقت طويل باش نشوفو بعض
• حسناء : بصح كلامه صحيح حياة غادي يجي تعبان علاه راكي تديريله هاكدا
• حياة : نتي بنت ختي ولا بنت خته ، يااا سمعينييي قلتله نتشاوفو غير 5 دقايق ويروح بعدها للدار
• حسناء : معليش حياة بصح هذا سبب صغير دابزتو علاجاله !
• حياة : لا ما حبستش هنا خلاص فهمت بلي ما يقدرش يجي ، المشكلة راني حاساته راه خادعني حسناء ختي
• حسناء : قلت ف قلبي ما كفيتينش نتي نزيد بنت أخرى يا رب صبرك ، مازن ماشي من النوع لي يخدع كيفاه حتى خممتي هاك ممكن غير احساس غالط ماشي بالضرورة كل لي يجيك ف بالك صح
• حياة : لا خليني نفهمك كنت يوميا نحكي معاه و مرات يكون برا و نسمع صوت بنت و كي نقوله يقولي راني مع صحابي خلينا منبعد ان شاء الله نحكو يكذب في وذنيا ويقولي راني مع صاحبي ما يحشمش
• حسناء : فكرتيني ب سهيل مرة دارهالي كان بايت مع بنت و قالي مع صاحبي
• حياة : حسناااء ، يقولك ما تقولش لإنسان يحتضر بلي غادي يموت ، زدتي كملتي عليا اوموا كذبيني وقوليلب ما يديرهاش
• حسناء : خلاص ما تزعفيش روحك ما يديرهاش
• حياة : حتى قلتلك قلتيهالي ، ياااا واش ندير ، و زادت بالبكا