♤🔥 خطيئة وردية ♧🔥

#الحلقة 67

#الحلقة 67 :
• حياة : مارانيش عارفة كنت ديت عليه نظرة ماشي مليحة بصح دوكا تأكدت بلي انسان مليح بعد لي داره معاك
• حسناء : يعني غادي تقوليله وي !
• حياة : حطت عينيها ف الارض ، وي .
عاود وقفت و بنظرة تاع وحدة مزيرة روحها ، بصح ما غاديش ندير فيه الأمان يعني لازمك تعاونيني راني   حاباتك تتاستيهلي ، و حكمتني من يديا ، انا تفاجأت منها
• حسناء : كيفاش نتاستيه !
• حياة : باش نعرف اذا يحبني ولا يلعب علينا في زوج ، هي زعما ما تغيضنيش اذا لعب بيا لأنو مام حنا رانا كاذبين عليه ف بزاف حوايج هههه
• حسناء : زعما يتقبلني لوكان يعرف بلي انا انسانة خارجة طريق !
• حياة : واش تقصدي !
• حسناء : نقصد مازن ، اسكو تبانلك نبقى عزيزة عليه لوكان يع ف حقيقتي وبلي كذبت عليه
حسيتها ما عرفتش واش تقول
• حياة : بصح نتي كان عندك ظروف خلاتك تديري هاكا
• حسناء : عادي حياة عارفة بلي ما يتقبلنيش و عارفة روحي كي دايرة خلاص بلا ما تواسيني
• حياة : مالا نديبلوكيه ! واش رايك
نضت و خليتها رحت نتكسل
• حسناء : ديري لي تحبي ...
علابالي ماكانش لازم نعاملها هاكدا بصح الله غال ما قدرتش نتحكم ف روحي ، بقيت نلعب ب تيليفوني قلت نحكي مع مازن ف الفايبر و نفرغ لي ف قلبي
• مازن : واش راكي !  ما كنتيش بيان تقلقت عليك .
• حسناء : سمحلي قلقتك ، راني مليحة دوكا
• مازن : حياة راحت لدارهم !
• حسناء : لا راهي بايتة ، معايا علاه توحشتها واقيلا !