♤🔥 خطيئة وردية ♧🔥

#الحلقة 25

#الحلقة 25
التلاميذ ناضوا يديرو الفوضى واضحة الصدمة على وجوههم وأول وحدة طاحت عيني عليها هي نجلاء ، لأول مرة ف حياتها تكون  الاولى ف القسم كانت ظلي دايما مستحيل تكون الاولى لوكان ما سمحتلهاش ف بلاصتي  وكانت تستنى ف الاستاذ يمدحها ، ضرب الاستاذ المكتب و هو منارفي
• الاستاذ :خلاااااص ، اسكتو خلونا نرجعوا لموضوعنا ، نجلاء ،كنتي الأولى مبروك ليك ، بصح نتمنى منك تقدري تساعدي زميلتك حسناء باش ترجع لمكانتها ممكن راهي مضغوطة على الرغم من انو معدلها كارثي الا انو ما فقدتش الامل منها
فالاولى الابتسامة بانت على وجه نجلاء  شافت فيا باستعلاء ، بعدها ملامحها تغيرت كي سمعت كلام الاستاذ ،عطى ملاحظات للبقية وخلاصت الساعة ،غير خلاصت جات عندي نجلاء
• نجلاء : واش هو احساسك كي خذيت بلاصتك!باش تعرفي مكانتك ، بلا دراهم باباك نتي ما تسوي والو ،ممكن باباك ما عطاهمش دراهم هاد المرة
• حسناء : راكي تحكي معايا انا ، و تلفتت
ورايا ، ايه صح راكي معايا بصح حابة نسقسيك اسكو انا الوحيدة لي نتبهت بلي الاستاذ ما كانش حاب يكرمك نتي ، حكيلي برك واش هو احساسك ونتي البديلة تاعي حتى ونتي الاولى تبقي ظلي .
رفعت يدها باش تضربني
• حسناء : ما ننصحكش ..نكسرهالك ،بعدي من طريقي
و دفعتها جيت رايحة
• نجلاء : هاهو وجهي حسناء ... تطلبي السماح عند ركابيا و ما نسمحش
خرجت من الليسي ورحت ندور وحدي لأنو نسيمة كانت غايبة كون جات هنا كونف فرحتني ف نجلاء
طولت باش نرجع للدار دخلت مع 5 ونص ،انا وصلت دخلت للدار لقيت نجلاء عندنا فالدار و حالتها حالة مجروحة من يدها وبابا منارفي
• بابا : وين كنتي حتى لدوكا
• حسناء : وين رايحة نكون نقرا باينة ، واش راهي دير هادي هنا !
•ماما : حسيتك هبلتي بصح كي سمعت لي صرا تأكدت بلي ضاعت حياتك ماشي غير هبلتي