♤🔥 خطيئة وردية ♧🔥

#الحلقة 61

#الحلقة 61 :
كي كان مازن يمشي و يحكي مع حياة وقف ف نص الطريق
• مازن : وينك ! 
• حياة : ألووو ...مانيش نسمع فيك
تكوبات لابال ، مازن حاكم التيليفون و يشوف ف حياة من بعيد و يضحك كانت تشوف ف تيليفونها باينة الريزو راحلها
• مازن : فقرة أسئلة و أجوبة ههههه يعني هي
بقات تتلفت و تشوف ف كاش واحد حاكم  التيليفون ف يده راحت عند واحد حسباته مازن بصح باين ردها خايبة و مازن ميت بالضحك كي شبع ضحك قرر يروح عندها ، بصح قبل ما يوصل عندها عيطتله باش تتأكد وين راه
• حياة : سمحلي الريزو راحلي ، حسبتك وحد السيد غلطت فيه وينك نتا !!
• مازن : راني قدامك طلعت يدي الفوق شفتيني .
تلفتت لعند مازن وشافت فيه مدهوشة أشرت عليه ب صبعها  وهو جاي يتقدم ليها خطوة ب خطوة
• حياة : نتا ! نتاااااا لي راك جاي !!!! مازن
مازن كوبا  عليها و قرب منها ، ويدور عليها ويشوف من الفوق للتحت حط صبعه عند فمه .
• مازن : امممم تحسن ملحوظ ف اللبسة تاعك
• حياة : كيييفاااش بصح ! مستحيل تكون الصدفة هاكدا
• مازن : خلينا نروحو حسناء راهي تستنى
كان هادئ معاها بزاف لدرجة دخلها الشك منه كانو يمشو ما قدرتش تكتم فضولها
• حياة : أ....
• مازن : ما خلاهاش تحكي ، هاهي حسناء  اسبقيني عندها رايح نشري حاجة
حكمها من يدها و مدلها التيليفون ، راح يشري ماشي بعيد علينا و جات حياة تجري
• حياة : يا الكلبة غادي نقتلك إيماااجيييينييي معايا مازن هو نفسه ماازن
• حسناء : وعلاه مازن غادي يكون حد اخر باينة نفسه