♤🔥 خطيئة وردية ♧🔥

#الحلقة 80

#الحلقة 80 :
• حسناء : يعني دابزتيه لهاد السبب  !
• حياة : ما حبش يرد عليا اصلا
• حسناء : كيفاش ما دابزتيهش و ما حبش يحكي معاك !
• حياة : هادو الحوايج مازالهم ف راسي ما قلتله والو ، باسكو راح يرقد علابيها ما ردش عليا
• حسناء : نقولك كلام العيب ! من الصباح و نتي تنوحي عليا مع التالي كلشي من خيالاتك
• حياة : وي صح سمحيلي
• حسناء : روحي ترقدي تعيشي
خسرتلي حساباتي كيفاش نقدر نقوللها و هي راهي ف هاد الحالة مستحيل تفهم كلامي اللهم نخليها تكمل بكا و شيكايات و الغدوة ان شاء الله نحكي معاها نيشان
رقدت نص رقاد من كتر حكاياتها لبارح نمتها هي و مازن ، ف الصباح عيطتلي وهي تضحك يا ربي صبرك كل يوم ب مود جديد
• حياة : نونوووستي صباح النووور
• حسناء : على حساب صوتك صباحك منور بالانوار خير ما صرا
• حياة : تصالحنا انا ومازن
• حسناء : ما كنتوش اصلا مدابزين يا بنت الناس فهمي كان راقد برك
• حياة : ما يهمش هههه ،حكيلي واش حبيتي تقوليلي لبارح ف الليل
• حسناء : قررت نصارحك ب حاجة
• حياة : مالكي جدية لهاد الدرجة غير احكي ههه
• حسناء : راه عاجبني  مازن و قررت نصارحه
• حياة : واش !! هبلتي حسناء راكي تتمسخري ياك
• حسناء : لا نحكي من نيتي ، ياك قلتيلي راكي تتمسخري بيه و نتي اصلا ما تحبيهش المهم راني قلتلك واذا حبيتي تحضري رواحي للجاغدن شوية هاكا و كوبيتلها ف وجهها بلا ما نسمع منها كلمة أخرى
بعتت لمازن ميساج
• حسناء : مازن راني ف مشكلة كبيرة تعيش رواح تعيييش مشكلة حياة وموت تلقاني فالجاغدن دوكا .  وجهزت روحي و تعطرت من الريحة ل عجباته ، سبقته للجاغدن ما طولش بزاف وجا باين عليه جاي مزروب ويش ف فيا مليح
• مازن : وشبيك حسناء راكي مليحة !! راكي تباني مليحة واش صرا
• حسناء : قربت منه بحركات تاع غزل ، توحشتك مازن
• مازن : جبتيني علاجال هاد الكلام !
• حسناء : حابة نعترفلك ب حاجة ، قربت شفايفي من رقبته ، نحبك مازن و فهاديك اللحظة كانت جات حياة كي شفتها شافتنا جيت نحضنه