♤🔥 خطيئة وردية ♧🔥

#الحلقة 57

#الحلقة 57 :
ما عرفتش لي صرالي داني النوم لفترة طويلة ماشي  من عادتي نرقد لهاد الدرجة نضت مع 12 حسيت  عظامي مكسرين نضت نعرج و حالتي حالة شفت الساعة تفكرت بلي حياة هددتني اذا ما وجدتش مع الوقت ما تروحش واذا ما راحتش ننحط ف وموقف محرج يحسبني كذبت عليه بين ما غسلت وجهي ، كليت ، لبست حوايجي و درت المايك أب تاعي جيت مع الوقت نيشان كانت ال3 قلت نخرج من الدار بكري نوصل قبل الوقت احسن من أنو ندير الروطار كي جيت نحبس طاكسي عيطت ل حياة ما ردتش باينة تكون سبقتني ، بصح مازال ما قلتلهاش وين غادي نتلاقو ياااااا ماحددناش اصلا البلاصة لي غادي نتلاقو فيها بعتت لمازن ميساج
• حسناء : نتلاقو ف كافيتيريا لابوتي
• مازن : سمحيلي حسناء عندي امور ف الجامعة اسكو تقدري تجي للفوايي نتي وبنت خالك !!
يا المصيبة الكحلة واش داني للجامعة لوكان يسقسي عليا كاش حد نكون رحت فيها  بصح معليش نساعفه
• حسناء : أوك
تم تم بعتت ميساج لحياة فهمتها الحالة كي راهي تدور باش تدير حسابها باسكو يعرفوها تما ، ما رتش عليا باينة تكون ف الطريق ما داتش مني فترةطويلة و كنت تما ، غير وصلت عيطلي 
• مازن : وين راكي !
• حسناء : عند الباب داخلة... أي أي
• مازن : مالكي حسناء ! وشبيك تتوجعي ألو ..، اقعدي وين راكي راني جاي