#الحلقة 65 :
حسيت قلبي مقبوض ، بعدتله يده ماعرفتش علاه تنارفيت عليه
• حسناء : تقدر ما تزيدش تعاملني على أساس طفلة صغيرة
• حياة : مالكي حسناء علاه راكي تعيطي عليه مادارلك والو
• مازن : اسكو غلطت معاك ف كاش حاجة !!
• حسناء : سمحولي دوك نرجع ، رحت نغسل الجزء لي توسخ من الروبة تاعي
واش راني ندير علاه حاسة قلبي مقبوض كلشي تخلط عليا حتى الروبة ما حبتش تنغسل اوووووف ضربت يدي مع لافابو هاد لي ناقص ، رجت لبلاصتي كملت ماكلتي
• حسناء : سمحلي مازن ..
• مازن : لا عادي اصلا حييتك ماراكيش بيان من هاديك لابال
• حياة : آبال !! ما صرا والو فالدار !
• حسناء : ما صرا والو
• مازن : خلوني نكسر هاد الصمت ونقولكم حاجة ، حسناء حاب نقولك حاجة صح رانا غير ف يامات من لي تعرفنا بصح حبيت نقول حاجة بالحضور تاعك ، و نعرفك ما تردينيش لو مهما يصرا
• حياة : راني نشم ف ريحة حاجة كبيييرة غادي تصرا ، كلامك عنده معنى واحد
ما نكذبش عليكم فرحت كي سمعت منه هاد الكلام توقعت غادي يطلب مني نكوني حبيبته و جهزت روحي للكلام لي بعده ، بصح كلامه كان صادم بزاف
• مازن : عاونيني و قنعي حياة تكون حبيبتي ، دار عند حياة وشاف فيها ، راكي عاجبتني من مدة طويلة وما جاتنيش الشجاعة باش نقولك ما تخلينيش نحشم واذا حابة ترفضيني غير قولي وي و خليها منبعد و رفضيني هههه
حياة كانت تشرب ف jus خرجلها من نيفها ، مدلها البابي باش تمسح
• مازن : وشبيك هههههه غير بالشوية ، خلاص ما تتعجليش و تردي عليا خممي في خاطرك و ردي .
و انا ف هاديك اللحظة الزعاف كان واصل لسقف راسي
BẠN ĐANG ĐỌC
♤🔥 خطيئة وردية ♧🔥
Ngẫu nhiên❤🌸 المقدمة 🌸❤ : أحيانا الهبات الربانية تفسد البشر ، تجرفهم بعيدا ليعيثوا في الأرض فسادا غير مبالين كالجمال و الجاه والسلطة ، أما أنا فكنت واحدة مما ذكرت .... • أحببت الدنيا بشدة فأغرقتني في شهواتها لكني لم أقاوم🔥 جعلوا مني وحشا ثم كرهوني إلا...
