♤🔥 خطيئة وردية ♧🔥

#الحلقة 3

⚠ ❌❌❌❌❌❌ حسبي الله ونعم الوكيل ف أي وحدة تسرقها بدون ذكر اسمي 😡😡⚠⚠⚠⚠⚠🚫🚫
#الحلقة 3 :

من بعد هاديك المناوشة قعدت فالقسم و عقلي كامل مشي معايا كانت عندنا حصة تاع تاريخ و جغرافيا والاستاذة سامطة تحكي بزاف  و حصتها اسمط منها
• الأستاذة : حسناء .. حسنااء
فرح صحبتي بقات تهز فيا
• فرح :حسناء الاستاذة راهي تسقسي فيك ردي
• الأستاذة : انسة حسناء عاوديلي لي كنت نشرح فيه
• حسناء : نعم استاذة سمحيلي ..مانيش عارفة
• الاستاذة : نهبل ونعرف برك عقلكم وين يكون مين نكون نشرح ف الدرس اول مرة واخر مرة ، تعاوديها المرة الجاية استدعاء لولي الامر

بعد الكلام لي سمعته من هاديك الاستاذة  خرجت من الثانوية كافرة و مورالي واصل لتحت رجليا كنت رايحة وحدي للدار حكموني وحدين من ورا و غمضولي عينيا ما قدرتش نشوف كانوا بسيارة كبيرة طلعوني بالسيف ميزت من كلامهم بلي كانو 3 رجال
• حسناء : (نبكي و خايفة ) شكون نتومااا ... علاه راكم ديرولي هاكدا ... تعيشووو خلووني ..
واحد فيهم غلقلي فمي
ما عييت نعيط بصوت غير مسموع و لكن للأسف ماكانش لي يسمعني
• ؟؟؟ : غلقيييي فمك ... زيد ربطها مليح خير ما تهرب
• ؟؟؟ : علاش راكي تديري ف الحس تحوسي تلايمي علينا الناس خلينا نشبعوا منك برك
• حسناء : .... (نبكي على طول جهدي )
بعد محاولة و شحال وانا نقاوم فشلت .. و اغتصبوني بابشع طريقة و منبعد رماوني كي الكلبة عند وين لقاوني ...رجعت لدارنا ف حالة ما ينشافش فيا كي وصلت لباب الدار طحت تغاشيت بعد ما فقت كنت ف دارنا ف غرفتي و ميتة بالوجع ...
• ماما : فقتي بنتي تقلقنا عليك 3 ايام و نتي راقدة
وانا ما قدرت نحكي ما قدرت نبكي بقيت نشوف فالسقف حكى معايا بابا و هو منارفي
• بابا :  احكيييي معانااا رديي علينا
• ماما :( وهي خايفة و ترجف )  يا راجل لازملنا نجيبولها طبيب حالتها ما راهيش تعجب
حاولت بابا بزاف حتى جاب طبيب كي جا شافلي عينيا و فحصني من ساسي ل راسي
• الطبيب : مادام موسيو بنتكم ما عندها والو ممكن راه عندها صدمة نفسية راهي مخليتها ف هاد الحالة
• ماما : وكيفاش الحل دكتور ما غاديش تشفى بنتي
• الطبيب : ما بيدي والو مادام كلشي ب بيدها هي لي دخلت روحها ف هاد الحالة و كي تحب ترجع ل وعيها ترجع لازم حتى هي تتخطى لي ف راسها  لأنو  المرض النفسي ما يشفيه ني طبيب ني دوا