BABYSITTING THE MAFIA'S KID

CHAPTER 46 - BROTHERS

ASHARI'S POV

It's not a bird,

It's not a plane,

It is boy tattoo Rebel Silvia with the bubuyog shades!

Rebel Silvia! Ang lalaking tattoo na tinubuan ng katawan ang siyang nakatayo sa harapan ko na nakasuot ng shades e umagang umaga naman at wala pang sikat ng araw.

Ano 'yan? Pabibo lang? Papogi ganern? Pasikat?

"Come with me." at akala mo pa talaga kung sinong feeling close kung maka-utos. Nakahawak pa sa braso ko habang pinanonood kami ng madlang mga schoolmate. Oh daig pa live kdrama.

"Bakit nandito ka?" 'yan agad ang unang bumulalas sa bibig ko. May sariling buhay ang kilay ko at nagsalubong ito kay Rebel.

Nakakapagtaka lang ha, bakit nandito ang isang 'to? Pwedeng pwede naman niya akong ipakidnap ulit o kaya pwede naman siyang magpadala ng tauhan niya. Oks sana kung yung dalawang pogi na ipinakilala niya sa akin doon sa yate, ano na nga pangalan ng dalawang 'yon? Cricket? Jonas? Ah, hindi ko na matandaan!

Pero bakit nga nandito siya? Ang under bhosxz maluphetz ng mga Silvia?

"I'll tell you later, come with me for now."

"Bitawan mo si Ashari."

Akmang hihilahin na ako paalis ni Rebel kaso nandito nga pala ang epal na pasimuno ng lahat ng 'to. E kung hindi siya nagmagandang isigaw ang pangalan ko, edi hindi sana ako nakita nitong si Boy Tattoo.

Hindi pinansin ni Rebel ang pinyang si Tony.

"Bitawan mo sinabi siya." marahas na inalis ni Tony ang hawak ni Rebel sa braso ko.

Ayan mga froglita, natupad na hiling niyo. Magkasama na si Rebel at Tony, may bonus na pag-uusap pa ha. Bakit feel ko e napanood ko na ang ganitong eksena sa kdrama? Ang haba naman ng hair ko, pinag-aagawan ako ng dalawang boylet oh HOHO!

Pero hindi ko pa din alam kung ano ang pakulo ni Rebel. Kung dati mangangatog na ang tuhod ko dahil sa takot at galit sa kaniya, pwes ngayon, neknok niya. Wala na akong pake sa mga mafia, wala na akong koneksyon sa kanila at alam kong hindi na ako gagalawin nitong si Rebel.

Binigyan na nga niya ako ng kwintas diba. Gold pa'yon, malapit ko na nga isangla e.

"Sino ka? Bakit mo pinipilit si Ashari na sumama sa'yo?" masungit na tanong ni Tony. "Ashari, sino ba'tong lalaking 'to?" ako na ang tinanong niya ng hindi siya sagutin ni Rebel.

Kita sa mukha ni Tony the pinya ang irita.

Nag-angat din ako ng tingin kay Rebel. Ganon pa din siya, iyong 'mind your own business' look pa din. Sarap suntukin. Kung ako si Tony kanina ko pa binigwasan 'to e.

"Ashari...huwag mong sabihing..." O ano nanamang tumatakbo sa utak ng pinyang 'to? "Ito ba 'yung boyfriend na sinasabi mo sa akin nung nakaraan?"

Bigla kong pinanlakihan ng mata si Tony. Ano bang pinagsasasabi ng isang 'to? Iyong mga froglita lalong naging echosera dahil sa narinig nila kay Tony.

"Hindi ko siya boyfriend!" Depensa ko. Sinibangutan ko ng tingin si Rebel.

"E ano mo siya Ashari?" Bwisit na Tony, parang nagpapa-awa pa na sagutin ko ang tanong niya para maliwanag siya sa mga nangyayari.

Leche ano isasagot ko? Hindi ko naman pwedeng sabihin na mafia si Rebel at minsan na niyang pinagtangkaan ang buhay ko.

"He-hehe." Natawa nalang ako ng wala sa oras ng maalala kong bigla ang collar na inilagay ni Rebel sa leeg ko higit isang buwan na ang nakakalipas. Ini-imagine ko palang na kung sumabog talaga 'yon, chunky corned beef na ako.