အာဏာရှင်ငရဲမင်းကြီးနှင့် သူ၏အချစ်ကလေး (၁)

162. Confrontation on the Outskirts

သူတို့အနောက်ဘက်တွင် သလင်းတစ်ခုရှိနေပေမဲ့ အဲ့ဒီ့သလင်းက ဒီတိုက်ကြီးပေါ်တွင် လွယ်လွယ်တွေ့နေကြ သလင်းမျိုးနှင့် မတူပေ။ နက်မှောင်တဲ့စိမ်းပုတ်ပုတ်အရောင်အလင်းတို့ ရောင်ပြန်ဟပ်နေပြီး အလွန့်အလွန် များပြားလှတဲ့စွမ်းအားတို့ကို ထုတ်လွှတ်လို့နေ၏။ မျှော်စင်နတ်ဘုရားနှင့် အခြားသူတွေရဲ့ လှုပ်ရှားမှုကြောင့် ၎င်းထံမှ အားကောင်းတဲ့ အလင်းတို့ ထွက်လာကာ ရောင်ခြည်ခြောက်သွယ်ထွက်လာပြီး ကောင်းကင်ဘုံမြင်ကွင်းရှုမှန်အတွင်းသို့ ဝင်ရောက်သွားပြီး မှန်အတွင်းက မြူခိုးထူထူတို့က ချက်ချင်းကို လွင့်ပြယ်သွားတော့ကာ ဝါးနေသောမှန်က တဖြည်းဖြည်း ကြည်လင်လာပြီး စိမ်းလန်းစိုပြေနေတဲ့ တောအုပ်ထူထူတစ်ခုကို ထင်ဟပ်ပြသလာ၏။

တောအုပ်ပုံရိပ်က နှစ်စက္ကန့်လောက်သာ ကြာကာ အဲ့နောက်မှာတော့ အဝေးကနေပြနေရာကနေ အနီးကပ်မြင်ကွင်းအဖြစ်ပြောင်းသွားပြီး တောအုပ်တစ်လျှောက် ဖြတ်သွားကာ တောင်တန်းတွေ တိမ်တွေကို ကျော်ဖြတ်သွားပြီးနောက် မြို့တစ်မြို့ရဲ့ အပြင်ဘက်တွင် ရပ်တန့်သွား၏။

၎င်းမြို့အပြင်တွင် ပြင်းထန်တဲ့ အငြင်းပွါးမှု ဖြစ်နေသော အဖွဲ့နှစ်ဖွဲ့ရှိသည်။ သိပ်မလှမ်းမကန်းမှာ ရပ်နေကြတဲ့ လူနှစ်ယောက်ပုံရိပ်ကို တုန်ခါနေတဲ့မှန်တွင် မြင်လိုက်ရ၏။ အရပ်ရှည်ရှည်နှင့်လူက ချောမောခန့်ညားပြီး သူ့မျက်နှာထက်က ဘာသိဘာသာနေတတ်ဟန် စွက်နေတဲ့ မျက်နှာထားက တင့်တယ်လွန်းလှသည်၊ အရပ်ခပ်ပုပုလူကတော့ ချောမောလှပပြီး သိမ်မွေ့သည့်မျက်နှာရှိပြီး တောက်ပသော မျက်လုံးတစ်စုံ ရှိသည်။ အခု သူက အကြီးအကျယ် ပြုံးနေကာ သူ့ရဲ့ သွားစွယ်နှစ်ချောင်းကိုပါ လှစ်ဟပြလို့နေ၏။ သူ့မျက်လုံးအစုံက သူတို့အရှေ့က အဖွဲ့နှစ်ဖွဲ့ထံ စူးစိုက်နေကာ သူ့လက်ထဲတွင် အသားကင်တံစို့ကို ကိုင်ထားသည်။

"သူတို့ပဲ" မီးခိုးရောင်ဝတ် အဘိုးအိုက ပြောလိုက်၏။

မျှော်စင်နတ်ဘုရားက ခေါင်းညိတ်လိုက်ပြီး သလင်းနက်တစ်ခုကို ထုတ်ယူလိုက်ကာ လူကြီးနှင့ ဆယ်ကျော်သက်လေး၏ ရုပ်သွင်ကို မှတ်တမ်းယူထားလိုက်သည်။