" ဂျင်ဝူးရေ ကျွန်တော့်ကို ဒီနေရာလေးပြင်ပေးပါဦး သိပ်သဘောမတွေ့လို့ "
" ဘယ်နေရာလဲ ဆော့ဂျင် "
" မောင်က ရိုမီယိုလို အသက်မစွန့်နိုင်ပေမဲ့ ဒဿလိုတော့ မရှုံးချင်ဘူးဆိုတာလေ "
ဆော့ဂျင်, ဂျင်ဝူးရှေ့ ရေးလက်စ ဇာတ်ညွှန်းစာရွက်လေး ထိုးပေးလိုက်သည်။
" ဘယ်နားအဆင်မပြေလို့လဲဆော့ဂျင် "
" ဒဿ ရှုံးတယ်ဆိုတဲ့နေရာလေ ဒဿက မရှုံးပါဘူး ဂျင်ဝူးရဲ့ လူတွေက အတွေးလွဲနေကြတာ "
" ဟမ် ဘာလို့ "
ဂျင်ဝူး စားပွဲခုံပေါ် မေးထောက်ရင်း အလှလေးကို မော့ကြည့်လိုက်သည်။
" ဂျင်ဝူး စဥ်းစားကြည့်ဗျာ ဒဿက သီတာ့ကို ချစ်နိုင်သလောက်ချစ်ပေးခဲ့တယ်လေ သူ့ရဲ့ဆန္ဒက သီတာ့ကို ချစ်ဖို့ပဲ အဲ့တော့ သူမရှုံးဘူး ဂျင်ဝူး
တကယ်ရှုံးသွားတာ သီတာ "
ဆော့ဂျင်ရဲ့ ဒဿရှင်းခန်းကို ဌာနတစ်ခုလုံး စိတ်ဝင်စားကာ အနားဝိုင်းလာကြသည်။
ရှင်းပြချင်ဇောလောနေတဲ့ ဆော့ဂျင်ကတော့ နှုတ်ခမ်းဖူးဖူးလေး စူထွက်လျက်ရှိသည်ကို သတိမထားမိ။
" ဆိုစမ်းပါဦး ပညာရှိလေးရဲ့ သီတာက ဘာလို့ရှုံးရတာတုန်း "
စီနီယာတစ်ယောက်က စိတ်ပါဝင်စားစွာ ဆော့ဂျင်စကားကို ထောက်ပေးသည်။
" ဒီလိုလေ သီတာက ရာမနောက်လိုက်သွားပေမဲ့ ရာမက သီတာ့ကို ယုံမှမယုံကြည်ဘဲ ချစ်တယ်လို့လဲမဆိုနိုင်လောက်ဘူးလေ ဟုတ်တယ်မလား
သိပ်ချစ်ပေးတဲ့ လူရဲ့ ရင်ခွင်ကို ခြေစုံကန်ပြီး ကိုယ့်ကိုမယုံတဲ့လူဆီ ဘဝ ကိုပုံအပ်မိတဲ့ သီတာကမှ အရှုံးကြီးရှုံးတာပေါ့ဗျ "
ဆော့ဂျင် စကားဆုံးတော့ ဂျင်ဝူးမျက်နှာပြုံးသွားသည်။ကိုယ်မင်းရဲ့ ဇာတ်လမ်းမှာ ဒဿ ဖြစ်လို့ရမလား ကလေးငယ်။
" ဆော့ဂျင်ပြောမှ စဥ်းစားမိတယ် ကိုယ်ဇာတ်လမ်းကို ပြန်ပြင်လိုက်ပါ့မယ် "
" ဟုတ်ကဲ့ ဂျင်ဝူး "
ဆော့ဂျင်ပြောပြီး ပါးစပ်ခြောက်လာတာမို့ အလုပ်ခန်းထဲကထွက်လာလိုက်သည်။
YOU ARE READING
တိမ်ငယ်-တိမ္ငယ္(uni>zawgyi)complete
Fan fikciaUni ဖမ်းဆုပ်ဖို့မတတ်နိုင်တဲ့တိမ်စိုင်ငယ်လို မင်းကို ကိုယ်က သိပ်ချစ်ခဲ့တာပေါ့...... Zawgyi ဖမ္းဆုပ္ဖို႔မတတ္နိုင္တဲ့တိမ္စိုင္ငယ္လို မင္းကို ကိုယ္က သိပ္ခ်စ္ခဲ့တာေပါ့......