+ 18 ايناس فتاة مصرية هادئة .جميلة .ذكية .منطوية الى درجة ما .تسافر لتكمل دراستها بنيويورك .نيلها لشهادتها في علم النفس من جامعة نيويورك هو هدفها الاسمى في الحياة و لكن هاته المدينة تخبئ لها اكثر من الشهادة .لننضم الى ايناس في رحلة حياة جديدة...
استيقظت ايناس على صوت الحياة في الشوارع، ابتسمت و مدت يديها ثم توجهت الى الحمام حيث غسلت وجهها و نظفت اسنانها عادت الى الغرفة لترتدي بنطلون جينز ازرق باهت و قميص بيج به خطوط صفراء سرحت شعرها الكستنائي القصير و تركته مفرودا ثم لبست حذاءها من ماركة فانس نزلت لتجد كارلا قد ارتدت ملابسها بالفعل ووقفت في المطبخ تحضر الافطار . ايناس: صبح صبح يا عم الحج كارلا: صباح الخير يا اختي ايناس : ها هنعمل ايه النهاردة .لسه قدامي يومين على مالدراسة تبتدي كارلا: احنا هنتفسح شوية في المدينة النهاردة .هوديكي للجامعة نستكشفها و هعرفك على شوية ناس هيبقو مهمين اوي بالنسبة ليك. ايناس: و دول مين دول كارلا : الولد للي هيطبعلك الورق بتاع المحاضرات و الولد للي هيزودك بمخزونك اليومي من القهوة و الشاي ايناس: هما دول للي هيبقو مهمين بالنسبالي ؟ كارلا : اه اصل دي هتبقى حياتك بعد يومين .ورق و قهوة ههه ايناس: ايه القرف ده مش كانو بيقولولي اجتهدي بس انتي يا ايناس في الثانوية و بعد كده هترتاحي في الجامعة ؟ كارلا ضاحكة و هي تجرها خارج المنزل : ههه اااه انتي هتدلعي اخر دلع .
انطلقت الفتاتان الى الجامعة التي لم تكن بعيدة جدا عن منزل كارلا و قد كانت مزدحمة بالفعل .الكثير من الطلبة هنا و هناك لقد بدت كمدينة صغيرة فيها كل مايلزم للعيش . كارلا : تعالي احنا هنبدأ باهم حاجة ، الكافيه ، في هنا كافيه بيتجمعو فيه اغلب الطلبة العرب و المصريين و تقريبا هو الوحيد هنا للي بيقدم وجبات و مشاريب مصرية . دفعت كارلا الباب ليقابلها البارمان يرمقها بشدة ثم يرفع حاجب و يخفض الاخر : كارلا ؟ خلاص ماتقوليش دي اكيد اختك انتو تقريبا رسمة وحدة بس اتلونت بالوان مختلفة ههه كارلا: هاها قمة الفكاهة انت يا نادر يا بني . نادر : بصي انا كنت معجب بيك من لما كنت طالبة هنا بس خلاص راحت عليك يا ماما انت اتخلعتي من كرسي العرش (كان يحملق في ايناس و هو يتحدث ) كارلا : ههههه و انا للي كنت جايباها اعرفها على اخوها للي هيبقى سندها في الغربة نادر: انتي تعتمدي علي فموضوع السند ده بس سيبك من الاخوة انا ماينفعش ابقى اخو وحدة حلوة لو في قرابة لازم تبقى بننا فخلينا ولاد عم كارلا: خلاص ولاد عم ولاد عم طالما قهوتك لسه بنفس الجودة نادر: لا احنا تطورنا بقى و بقينا نعمل كابتشينو و هوت شوكلت و شغل الخواجات ده كلو انا هجيبلك قهوة .تشربي انت كمان ؟ موجها كلامه لايناس . ايناس اومئت نعم برأسها نادر لكارلا : هي اختك مابتتكلمش ؟ لا حول و لا قوة الا بالله هي دايما بتيجي كده . الحلو مايكملش . كارلا : هههه بطل غلاسة دي بس لسه ماخدتش عل المكان بعد كده انت هتضربها بالجزمة عشان تقفل بقها شوية ذهب نادر ليحضر القهوة بينما قالت كارلا لايناس بأن نادر صديقها منذ كانت طالبة هنا و هو مصري ايضا يمتلك هذا المقهى الذي به مكتبة ايضا يمكنها المذاكرة بها . عاد نادر بأكواب القهوة و جلس يتذكر هو و كارلا الايام التي كانت تقضيها عنده في الكافيه ايام كانت طالبة. ارتشف قهوته بطريقة مسموعة كي يلفت انتباه ايناس التي كان يتأملها منذ اكثر من عشر دقائق بينما هي لم تنتبه .رفعت ايناس رأسها على الصوت فمد يده بابتسامة عريضة : متشرفين يا انسة ايناس . ابتسمت ايناس و مدت يدها لتصافحه. ---------------
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ده نادر .ياترى هيكون ليه دور في الرواية و لا هيكتفي بتقديم القهوة ؟
