ဒါပေမယ့်ချူးလျန်ရဲ့ နာကျင်နေတာကို ကြံကြံ့ခံနေတဲ့ သနားစရာပုံလေးကို မြင်လိုက်ရတော့ စိတ်ထဲမှာ ဒေါသကထောင်းခနဲဘဲ။
သူက လက်သီးကိုတင်းတင်းဆုပ်ပြီး ဒေါသပြေအောင် အသက်ဝဝရှုလိုက်ရတယ်၊ဒီလို အပြုအမူတွေကဘဲ သူ့ပုံစံကို ပိုပြီး အေးစက်သွားစေတယ်။
သူက ချူးလျန်နံဘေးကို ခြေတံရှည်တွေနဲ့ အပြေးသွားရင်း အေးစက်စက် အသံနဲ့မေးလိုက်တယ် "ဘာဖြစ်သွားတာလဲ "
ချူးလျန်က သူမ နံဘေးကို ရောက်လာတဲ့ ခြေသံတွေကို ကြားလို့ မော့ကြည့်မိတော့ အံ့သြသွားတယ်၊ သူမ ရဲ့ မုတ်ဆိတ်တွေနဲ့ ကယ်တင်ရှင်လေးက ဘေးရောက်နေတာကို မြင်လိုက်ရတော့ သူမ နာကျင်နေတာတွေတောင်မေ့မေ့လျော့လျော့ဖြစ်ပြီး စကားတွေကို ထစ်လို့ဘဲ "ရှင်.... ရှင် ဘာလို့ ထွက်လာရတာလဲ"
ဟေးစန်းလန်က သူမ မေးခွန်းတွေကို ပြန်ဖြေချင်စိတ်ရှိမနေဘူး၊ သူက ခေါင်းကို ငုံပြီး သူမ ကိုင်ထားတဲ့ ညာဘက်ခြေထောက်လေးကို ကြည့်လိုက်တယ်။
ချူးလျန်က နည်းနည်းတော့ လိပ်ပြာမလုံသလိုဖြစ်သွားရတယ်၊ သူက သူမမေးတာကို ပြန်မဖြေဘဲ တနေရာထဲကိုဘဲ စူးစိုက်ကြည့်နေတယ်၊ ဒါကိုမြင်တော့ ချူးလျန်က သူမ ဝတ်စုံ အနားစလေးကို ဆွဲဖုံးပြီး အကြောင်းပြချက်ပေးလိုက်တတယ် "ဒါက ဘာမှ မဟုတ်ပါဘူး နည်းနည်းပါးပါး အဆစ်လွဲသွားတာပါ"
တဖက်လူက ဘာမှ ပြန်မပြောလာတော့ ချူးလျန်ကလည်း ထပ်ပြီး စိတ်မရှည်တော့ဘူး၊ ဒါနဲ့ တဖက်လူကို ဒေါသအကြည့်လေးနဲ့ ပြန်စိုက်ကြည့်လိုက်တယ်၊ ဒါပေမယ့် တဖက်လူရဲ့ မျက်ဝန်းတွေထဲက အေးစက်မှုတွေကို ခံစားမိတော့ သူမ ခြေထောက်ကို ဆွဲဖုံးထားတဲ့ ဝတ်ရုံစလေးကတောင် အားလျော့သွားရတယ်။
ဟေးစန်းလန်က အပေါ်ကနေ သူမကို စူးစိူက်ကြည့်နေတယ်၊ သူရဲ့ စူးရှတဲ့ မျက်ဝန်းတွေက သူမရဲ့ အစိမ်းရောင်စကတ်အောက်နားမှာ ဖုံးထားတဲ့ နီရဲနေတဲ့ ခြေထောက်လေးကို မြင်လိုက်ရတယ်။
ဟေးချန်ဒီရဲ့ မျက်ဝန်းတွေ ကျဉ်းမြောင်းသွားတယ်၊ သူက ခွင့်ပြုချက်တောင်မတောင်းဘဲနဲ့ သူမ လက်ကို ဆွဲယူပြီး အနားစကို လှန်ကြည့်လိုက်တယ်၊ သူမြင်လိုက်ရတာက သူမရဲ့ သေးသေးသွယ်သွယ် ညာဘက်ခြေထောက်လေးက တိရစ္ဆာန် ထောင်ဖမ်းတဲ့ ညှပ်နဲ့ ဖမ်းမိနေတာကိုဘဲ၊ သူမျက်ဝန်းတွေက အချိန်မရွေး မီးထတောက်တော့မလို ဖြစ်လာတယ်။
YOU ARE READING
Transmigrator meets reincarnator (mmtranslation)
Historical FictionTitle: Transmigrator meets reincarnator Not my own story.Just translation. Credits to: Written by:Snow Mountain Mists Translated by:timebun, Premonition,Myst Edited by: renderedreversed Total-340chapters Start date-10.7.2021
