انتقام كوبرا "الجزء الاول والثاني"( الرواية الاولى من سلسة روايات انتصار انثى)

الفصل 37 "الجزء الثاني"

الفصل 37 الجزء الثاني ❤️

في اليوم التالي

منار بصراخ : عاااااااا و أخيراً هنروح ألاسكا ، يسسسس

آسر بضحك : اهدي يا مجنونه ليه الفرح دا كله

منار : عشان كان نفسي اروحها من زمان وخصوصاً المكان اللي انا وسيلا كنا روحناه.. مكان روووعه ايه رأيك نروحه

آسر : ماشي خليني اعرف ايه المكان اللي هابلك اوي كده

منار : توعدني اننا نفضل فيه حتى لو محبتهوش

آسر بإستغراب : ومش هحبه ليه

منار : معرفش بس البت سيلا قالتلي اسر مش هيحب المكان

آسر : وسيلا تعرف منين اننا هنسافر

منار : ايه يا اسر وانا من امتى بخبي حاجه عن سيلا...قولتلها اننا هنسافر ألاسكا وهخليك بالعافيه نروح المكان اللي انا وهي كنا روحناه قالتلي انك مش هتحبه...اوعدني اننا نروح المكان دا ونفضل فيه

آسر : مش لما اعرف ايه هو الأول..و افرضي انا محبتهوش فعلاً

منار : أهم حاجة انا اكون حباه لاني هفضل فيه..يلااا اوعدنييييي

آسر : ليه مصممه اوي كده..بت انا بدأت اشك فيكي

منار : ياجدع بقولك بحبه .. بحبه زي ما بحبك كدا

آسر : انتي بتقارنيني بمكان يابت

منار : وه .. محصلللشششش..انا مبحبش حد قدك يا أسورتي بس بحب المكان دا أوي... عارف ليه

آسر : ليه

منار بتأثر : لأن المكان دا كنت شوفته في التلفزيون وانا صغيره .. في اول ما عرفت سيلا .. مش فاكره كان عندي كام سنه..بس سيلا كان عندها 16 سنه..المهم قولت لسيلا انا نفسي اروحه دا مكان جميل قالتلي لما تكبر ويبقى معاها فلوس كتير هنسافر المكان دا ونفضل فيه الوقت اللي انا عيزاه .. وفعلا بعد ما بقى معاها فلوس سافرنا المكان دا وفضلنا فيه اكتر من شهر... وكانت من احسن الايام.. عشان كده انا بحب المكان دا ...والنبي يا اسر اوعدني نفضل في المكان دا حتى لو محبتهوش

آسر بابتسامة : اوعدك ياروحي

لتعانقه منار وتقول : عااااا بحبك اوي

ليضمها إليه أكثر ويقول : وانا بعشقك

.....منار : يلا نمشي بقى بسررررعهه

ليضحك عليها ويقول : يلا يختي يلا

ثم يغادران

★____________★

بعد قليل في كلية الشرطة

حسام : بت انتي مبتسقعيش من لبسك دا

فقد كانت ترتدي بدي رصاصي قصير بحمالات رفيعه و چيبه چينز سوداء

سيلا :, الاااه هو انا هقعد اقول الكلام ده كتير..قولت قبل كده عندي حساسيه من الهدوم الشتوي وبتخنقني..