الفصل 21❤️
كان حازم يقترب من منار بشده وهي تبعد عنه حتى إصتدمت في الحائط
منار بدموع / واللهي أصوت ألم عليك الشركه
وكادت أن تصرخ ولكن قاطعها عندما قام بتقبيلها بشده وهي تحاول أن تبعده عنها ولكن لم تستطع ، ليمرر يده بجرأه على جسدها لتتسع عينيها بصدمه شديده وتحاول أن تبعده عنها ولكن أمسك يدها بقوه وابتعد عنها عندما شعر بالإختناق ليبتعد عنها قليلا لتقوم بصفعه بقوه وهي تبكي بشده لتأخذ أشيائها وتغادر الشركه بسرعه
حازم بخبث / إخرجي بقا
لتخرج ساره وهي تبتسم بخبث وتقول / إتفضل الصور أهي وتعطيه التليفون الذي يوجد عليه الصور
ليبتسم بخبث ويقول / تسلم ياجميل
ساره / هتعمل ايه بالصور
حازم بخبث / ههددها بالصور وهخليها تجيلى الشقه ههههههه
ساره / هههههههه أحسن تستاهل
✴️✴️✴️✴️✴️✴️✴️✴️
قبل قليل في الصعيد
الجد لسيلا / بجولك يابتى
سيلا / نعم ياجدو
الجد / عايزك تچهزي حالك بليل لأ في ضيوف چايين يتعشو معنا
سيلا / حاضر ياجدو
في وقت العشا جاء رجلين من كبار الصعيد وشاب والعمده
الرجل 1 / عامل ايه يا حچ نعمان ( جد سيلا)
نعمان / الحمدلله وانت عامل ايه
الرجل 1 / الحمدلله
نعمان للعمده / البيت منور ياعمده
العمده / منور بصحابه يا حچ نعمان.
الرجل 2 / احنا سمعنا إن حفيدتك رچعت من السفر (أهل سيلا كانو قايلين إن سيلا كانت مسافره مش هربانه عشان الفضايح )
نعمان / ايوه الحمدلله رچعت بالسلامه
الرجل 1 / هي فين
نعمان / إتفضلو الوكل هيبرد وهي هتنزل دلوج
ليذهبوا ويجلسو منتظرين سيلا
وبعد قليل تنزل سيلا وهي ترتدي بنطلون تلجي ضيق وقصير ولكن ليس كثيرا وتيشيرت أزرق عاري الأكتاف وجعلت شعرها على الجانبين
لينظرو لها بصدمه من تلك الملابس والتي زادت جمالها
سيلا / أسفه لو أخرتكو على الأكل
مي وهي تحاول إحراجها / أيوه أخرتينا مكنش لازم تزوقي نفسك وكنتى إنزلى إنتى متعرفيش إن عندنا ضيوف ولا إيه
سيلا ببرود وهي تجلس / لأ أعرف ان فيه ضيوف كويس اووي وأنا مكنتش بزوق نفسي ولا حاجه دانا لبست هدومي بس ولا حطيت مكياج ولا غيره وبعدين جدو قالى إن العشا الساعه 7 وانا نازله 7 ودقيقتين يعني هما دقيقتين اللى اتأخرتهم كنتى كل اللى هتلحقي تعمليه في دقيقتين إنك تكلى معلقتين تلاته ثم تبتسم ببرود
لتنظر لها مي بإحراج وذلك الشاب بإعجاب
نعمان / إتفضلو كلو
ليبدأو في تناول الطعام
العمده / إنتى عندك كام سنه يابتى
سيلا / عندي 25 سنه
الشاب ويدعى مصطفى / إنتى متخرجه من كلية إيه
سيلا / كلية شرطه
الرجل 1 / ربنا يوفجك يابتى
سيلا / الله يخليك
وبعد قليل يرن هاتف سيلا لتقول بتأفف / أنا نفسي اعرف التليفون ده مبيحلاش ليه الرن غير وقت الأكل
نعمان / ههههههه معلش يابتى ، ردي عليه
سيلا بهمس لجدها / أنا هقوم أرد بره
نعمان بهمس / ردي هنا عشان متحرچنيش معاهم ويجولو جليله الزوق
سيلا وهي تنظر للإسم وتقول / حاضر ياجدو ثم تجيب
عند منار
كانت تجلس في غرفتها وهي تبكي لتسمع صوت رنين هاتفها لتجده رقم غير معروف لتتردد في الرد عليه ولكن ردت
منار / أيوه مين
حازم / عامله ايه ياقطه
منار / اا انت جبت رقمي منين
حازم / حاجه سهله جدا
منار / اا انت عايز ايه وبترن ليه
حازم بخبث / هبعتلك عنوان تجيلى عليه وهبسطك اوي
منار بخوف / لا طبعا انت مجنون ولا ايه
حازم / لو مجاتيش صورتك الحلوه هتوصل لكل اللى في الشركه وشوفي بقا إيه اللي هيحصل
منار بخوف / صص صور ايه
حازم / الصور الحلوه بتاعتني أصل أنا صورتها اه أومال
منار بدموع / ااا انت كداب
حازم بخبث / براحتك ياقطه أنا هبعتلك العنوان في مسدج ولو مجاتيش شوفي إيه اللي هيحصل بقا تشاااووو ههههههههه ثم يغلق الخط
لتنهار في البكاء الشديد
منار ببكاء / أعمل إيه دلوقتي...أه مفيش غير سيلا هي اللي هتساعدني
ــــــــــــــــــــــــــــــ
في الصعيد
سيلا / أيوه ياموني
منار ببكاء شديد / إلحقيني ياسيلا
لتنتفض سيلا من مكانها بشده مما جعلهم ينظرون لها سيلا بخوف/ مالك يامنار بتعيطي ليه وإيه اللي حصل
منار / أنا في مصيبه كبيره وملقيتش غيرك ممكن يساعدني
سيلا / يابنتي إيه اللى حصل مترعبنيش أكتر مانا مرعوبه
لتقص لها منار ماحدث وسيلا كانت عيونها حمراء من شدة الغضب وكان منظرها مرعب لدرجة خوف الجميع من منظرها
منار بعدما قصت عليها كل شيئ/ وأنا من الأول ما دخلت الشركه وأنا مش مرتحاله ولما جيت أقول لآسر قالى نتكلم بعدين
سيلا / قولتيلي آسر طب تمام اوي
منار بخوف / طب هعمل إيه أنا دلوقتي
سيلا بهدوء / إنتى هتفضلي في البيت متروحيلهوش ولا تردي عليه
منار / بس كده هينشر الصور في الشركه
سيلا / متقلقيش انا هرجع بكره الصبح وهتصرف وتروحي الشركه بكره عادي ولا أكن فيه حاجه وحتى لو نشر صور زي مابيقول متشغليش دماغك وإمشي في الشركه عادي ولا أكن فيه حاجه
منار ببكاء / أنا خايفه اووي
سيلا / إهدي ومتخافيش أنا معاكي،، هو إسمه ايه
منار / كل اللى أعرفه ان هو إسمه حازم
سيلا / اوك ياقلبي إهدي بقا وبطلي عياط ونامي ولا أكن في حاجه وأنا بكره الصبح هكون عندك وساعتها هتشوفي هعمل فيه ايه
منار / هتعملي فيه إيه
سيلا / هتشوفي بكره
منار / واللهي أنا نفسي أقتله
سيلا بمرح وهي تخرج سلاحها / وأنا المسدس جاهز أهو إقتليه وأنا أخرجك منها زي الشعره من العجين
منار / هههههههه يامجنونه
سيلا / أيوه كده إضحكي
لتبتسم منار بحب وتقول / واللهي ياسيلا أنا مش عارفه أنا من غيرك هعمل إيه ربنا يخليكي ليا يارب
سيلا / ويخليكي ليا ، روحي نامى بقا
منار / حاضر تصبحي على خير
سيلا / وانتى من أهله ثم تغلق الخط وتعود ملامحها إلى الغضب الشديد مره أخرى وتقوم بالإتصال على آسر
سيلا بغضب / إنت يازفت ياللى إسمك آسر هي دي الأمانه اللى مأمناك عليها
آسر بخوف / في إيه اللي حصل
سيلا بغضب / الحيوان اللى بيدرب كرستينا إسمه حازم إيه
آسر / ليه
سيلا / إنجز إنت هتعمل معايا تحقيق
آسر / إسمه حازم مختار بس ليه
سيلا / هتعرف بكره وحسابك معايا كبير اوى
آسر / طب انا عملت ايه
سيلا / بكره تعرف ثم تغلق الخط وتعود ملامحها للبرود مره أخرى
نعمان بإستغراب من حالتها / في ايه يابتى
سيلا بابتسامه / ولا حاجه ياجدو ثم وجهة كلامها للجميع آسفه ياجماعه عشان العشا اللى باظ
العمده / ولا يهمك يابتى المهم ان كل حاچه بخير
نعمان / إتفضلو كملو الوكل وبعدين بنجعد في الصالون
وبعد قليل إنتهو من تناول الطعام وتوجهو إلى الصالون وبعد العديد من الكلام قال العمده / إحنا چايين نطلب القرب منك وبنطلب إيدك حفيدتك سيلا لتتچوز مصطفى ولد هذا الرچال ( الرجل 1 )
ــــــــــــــــــــــــــ
يتبـــــــــع.#
أنت تقرأ
انتقام كوبرا "الجزء الاول والثاني"( الرواية الاولى من سلسة روايات انتصار انثى)
Actionلتنظر من باب الغرفه لتجد حارسين إحداهما نائم والآخر ليس منتبها لتقترب منه بحذر وفي ثواني قامت بكسر رقبته فمات وأخذت منه مسدس وكاتم صوت ثم أطلقت على الحارس الذي إستيقظ فمات هو الآخر لتأخذ من جيبه على ورقه وقلم وكتبت بها شيئ ثم وضعتها على الباب وسارت...
