الفصل 30❤
فى شقة سيلا
مازن لمحمد / بقولك يامحمد
محمد / نعم
مازن / انت وصحابك هتتنقلو الشقه اللي جمبنا
محمد باحراج / اه ماشي، بس احنا ضيقناكم في حاجه
مازن / لأ بس مينفعش تفضل هنا عشان منار ومراتي يعرفو ياخدوا راحتهم
محمد / انت متجوز؟
مازن بابتسامه / ايوه
محمد / ربنا يسعدك يارب
مازن / يارب
محمد / انا هروح اقولهم ونروح الشقه التانيه
مازن / ماشي
ليذهب محمد ويخبر أصدقائه ثم يأخذو أغراضهم ويذهبو إلى الشقه الثانيه
ـــ
مؤنس / احنا اتنقلنا هنا ليه
محمد / عشان منار ومرات مازن ياخدو راحتهم
مؤنس بغضب / مكان ييجوا هما هنا ونفضل هناك
محمد بغضب / انت متضايق اوي كده ليه، دا بيتها وهي حره فيه
مؤنس بغضب / هتزلنا يعني عشان بيتها
زياد / خلاص يا مؤنس مفيش حاجه تستاهل كل ده
ليتركهم مؤنس ويذهب إلى أحد الغرف وليقول بهمس غاضب / اهو بعدوني عنها بس مش مشكله، انا مش هرتاح غير لما اعمل اللي انا عيزه ثم يبتسم بخبث
✴️✴️✴️✴️✴️✴️✴️✴️
ليلا فى قصر العقرب
كانت سيلا تجلس في شرفة غرفتها لترى مراد يجلس بالأسفل لتنزل له.... تجلس سيلا بجانبه
مراد وهو ينظر لها / ايه اللي مصحيكي لحد دلوقتي
سيلا / عادي مش بنام دلوقتي
مراد / اومال بتنامي امتى الساعه داخله على 1
سيلا / فوكك فوكك
ليبتسم مراد ويظلا صامتان لبعض الوقت
سيلا / ذاكرت ولا لعبت
مراد / اكيد لعبت
سيلا / انت المفروض تذاكر معتش غير اسبوعين على الامتحانات
مراد / مش جايلي مزاج أذاكر، والمنهج صعب ومش عارف حاجه فيه
سيلا بابتسامه / عادي هساعدك تذاكر وهسهلك المنهج وان شاءلله هتنجح وتعدي السنه دي ثم تقول وهي تريد أن تصل إلى شيئ ما / وعشان تبقى ناجح وليك شغلك زي أخوك
مراد بسخريه / ده مافيا ياماما، عيزاني ابقى زيه
سيلا / انت ليه أخدت السيئات اللى فيه ومخدتش الحلو
مراد بكره / عشان هو مفيش فيه حاجه حلوه
سيلا بإكمال / ليه أخدت بالك ان هو مافيا ومختش بالك ان هو رجل اعمال ناجح ومشهور، ليه محطتش النقطه دي في دماغك وبقيت زيه، خليك زيه
مراد بكره وغضب / بس بقا انا مش كل ماحد يكلمني ليه مبقتش زيه، شايف أخوك شايف زفت، أنا بكرهههه
سيلا / بس هو ده اللي انا عايزة اوصله، استوب هنا ثواني
مراد بعدم فهم / يعني ايه
سيلا / انت بتكره أزاد عشان كله بيقولك ليه مبقتش زيه وهو أحسن منك، وبيقارنو بينكم
مراد بحزن / ايوه
سيلا / على فكره انت مش بتكرهه
مراد بغضب / لا بكرهه جدا
سيلا / لأ انت بتغير منه بس مش اكتر
مراد / ما الغيره بتسبب كره
سيلا / لأ، انت بتهيقلك كده لكن انت مش بتكرهه، أنت زعلان عشان كله بيقارن بينكم وبيقولو عنك فاشل وهو ناجح، وعشان والدتك هي اللي بتكرهك فيه..... لكن انت بتحبه بس مش عارف
مراد بعند / لأ بكرهه، وبكره اخلص منه وساعتها محدش هيقارني بيه ويقولي أخوك عمل أخوك معرفش ايه
سيلا / حاول تبعد عن أمك ومتسمعلهاش وقرب من أخوك، وساعتها هتعرف انك مش بتكرهه
ليصمت مراد
سيلا / ذاكر وانجح واشتغل واثبتلهم إنك مش فاشل، وقرب من أخوك
مراد / يعني انتي شايفه كده
سيلا بثقه / أيوه واسمع مني ثم قالت بهمس لم يسمعه أنا مجربه وعارفه
مراد / بتقولي ايه
سيلا بابتسامه / مش بقول حاجه
مراد بابتسامه / شكرا ليكي
سيلا / عفوا
مراد / ما تتكلمي عن نفسك شويه
سيلا وهي تنظر للسماء / اكلم عن نفسي اقول ايه، مفيش حاجه اقولها
مراد/ هو انتي هربتي من أهلك ليه
سيلا بمرح مصطنع / عشان زهقت منهم، قولت ادور على أهل جديده
مراد برفعة حاجب/ لا ياشيخه
سيلا ببرائه مصطنعه / اه وحيات الشيخه
مراد بسخريه / لأ صادقه يابت
سيلا بحده مصطنعه / بس يلا متقوليش بت
مراد بسخريه / لاحظي ياحجه اني اكبر منك وبتقوليلي يا ولا
سيلا بسخريه ومرح / حقك عليا يا سي السيد ههههههه
لينظر لها بقرف مصطنع وهو يكتم ضحكته
سيلا بمرح / اضحك ياعم لتموت ونت كاتمها
ليضحك مراد / ههههههههههه قومي يابت من هنا
سيلا وهي تذهب / ياخويا قايمه ثم تتجه إلى غرفتها ولكن أزاد سحبها إلى غرفته
سيلا / فى ايه ياعم بتشد كده ليه
أزاد بغضب / كنتى قاعده مع مراد في الوقت ده ليه
سيلا ببرود / ونت مالك
أزاد بغضب / لو عدت اشوفك واقفه معاه تاني او مع أي راجل هتزعلي من رد فعلي
سيلا ببرود / ونت ماالك دي حياتي ونا حره فيها
أزاد بغضب وهو يمسكها من عضدها بقوه / حياتك مش ملكك لوحدك،انتي ملكي أنا ومش من حق حد تانى
سيلا بغضب وهي تبعد يدها عنه / ابعد ايدك دي..ونا مش ملك حد انت فاهم
أزاد / سيلا متعصبنيش انتي مللكككيييي انااااا،حقي انا بس
سيلا ببرود / افهم ايه من كلامك دا..قصدك ايه..بتحاول تقول ايه يعني
أزاد بحب / سيلا انا..انا
سيلا ببرود / هاا انت ايه
أزاد وهو يفرك وجهه / مفيش يا سيلا مفيش...عايزة تروحي روحي
سيلا بضيق / استغفرالله العظيم يارب،طب لزمته ايه اللي حصل طالما مفيش حاجه..ثم خرجت من غرفته وذهبت إلي غرفتها
أنت تقرأ
انتقام كوبرا "الجزء الاول والثاني"( الرواية الاولى من سلسة روايات انتصار انثى)
Actionلتنظر من باب الغرفه لتجد حارسين إحداهما نائم والآخر ليس منتبها لتقترب منه بحذر وفي ثواني قامت بكسر رقبته فمات وأخذت منه مسدس وكاتم صوت ثم أطلقت على الحارس الذي إستيقظ فمات هو الآخر لتأخذ من جيبه على ورقه وقلم وكتبت بها شيئ ثم وضعتها على الباب وسارت...
