انتقام كوبرا "الجزء الاول والثاني"( الرواية الاولى من سلسة روايات انتصار انثى)

الفصل الثاني عشر

الفصل 12 ❤

في كافيتيريا الجامعه عند سيلا
تسمع سيلا صوت كرستينا وهي تقول ببكاء: سيلا انتي كويسه؟ انتي فوقتي إمتي؟
سيلا: أيوه يا كرستي كويسه الحمدلله
كرستينا ببكاء: بس انتي كنتي في غيبوبة.. ثم قالت برعب: سيلا انتي ايدك بتنزف تعالي نروح للدكتور
سيلا برفض: لأ انا كويسه ده جرح سطحي مفيش حاجه
كرستينا بدموع: بس.. قاطعتها سيلا: انا كويسه والله.. يالله بقى على المحاضره بتاعتك عشان هتبدأ
كرستينا: إنتي تعبانه أسيبك إزاي
سيلا ببعض الحده: كرستي أنا كويسه متقلقيش ويالله علي المحاضره بتاعتك
كرستينا: حاضر..إنتي لسه عندك محاضرات
سيلا: لأ خلصت.. أنا شويه وهروح
كرستينا: ماشي.. باي يا حبعمري ههههههه
سيلا: هههههه باي... ثم غادرت كرستينا ليأتي إليها محمد وأصدقائه ليقول محمد: سيلا أنا آسف والله
سيلا ببرود: أروح اصرف أسفك في أي بنك
محمد:انا آسف والله... وبعدين إحسبيها بالعقل كده يعنى انتى تتوقعي أعمل إيه لما أشوف اختي اللي هربت من البيت من 10 سنين.. أروح أخدها بالحضن و أقول أختي حبيبتي تعالي في حضن اخوكي
سيلا ببرود: و انت عايزني اعمل ايه لما أهلي اللي هما اهلى بيعاملوني معاملة الخدامين و أي حاجة أطلبها يقولولي لأ وواقفين قصاد حلمى وعلطول بيقولوا عني فاشله و صايعه و انت وأخوك تتريقو عليا و بتعاملوني زي الخدامه ها أعمل ايه.. أفضل قاعده و حاطه ايدي علي خدي و أعيط و أسيب حلمي يضيع قصادي
لينظر إليها محمد بندم فهم كانو يعاملوها أسوأ معامله و إذا أخطأت كانت تضرب من الجميع
محمد بأمل أخير: طب إديني فرصه أخيره عشان خاطري
سيلا بسخريه: ملكش خاطر عندي
أحد أصدقائه: هو ندمان بجد اديله فرصه أخيره
سيلا ببرود: سيبني أفكر يومين و بعدين هقولك
محمد بأمل: خدي راحتك
لتقول سيلا و هي تقف: طب همشي دلوقتى عشان مش فاضيه
محمد: تمام اتفضلي... لتغادر سيلا.. ليقول محمد بعد ذهابها:يارب تسامحني يارب..ثم يوجه كلامه لأصدقائه:هي لو سامحتني ممكن أجيبها تقعد معانا
$$$:هي مش هتوافق
محمد:هحاول أقنعها..بس انتو موافقين الأول عشان انتو شركاء معايا في الشقه
***:لو هي وافقت مفيش مشاكل
محمد:تمام

💦💦💦💦💦💦💦💦💦💦💦💦💦

عند أزاد

أزاد ببرود:ايه الجديد بخصوص كوبرا و منير
مالك:الراجل اللي كان هيخطف سيلا بس معرفش، منير خطف مراته و عياله و بيهدده بيهم فهو راح الجامعه لسيلا النهارده و ضربها بالنار بس كانت اصابه سطحيه .. ومنير قال لرجالته يراقبوها و يخطفوها بكره...و هي هتروح لأهلها بعد بكره بعد غياب 10 سنين
أزاد : امممم تمام سيب منير يجرب يخطفها بكره مع انه مش هيعرف و إخطفها انت و هي عند أهلها
مالك:ماشي...بس ايه اللي مخليك متأكد كده ان منير مش هيعرف يخطفها
أزاد: عشان البت دي مش سهله ولا ضعيفه
مالك:ماشي..همشي أنا بقي..و يغادر مالك

🎉🎉🎉🎉🎉🎉🎉🎉🎉🎉🎉🎉🎉

عند كرستينا
عندما انتهت من محاضراتها ذهبت إلي منزلها وهي خائفه أن تفقد سيلا كما فقدت أهلها لتتذكر كيف وجدها أولئك الناس الطيبون بعد موت أهلها
فلاش باك
عندما نزل مالك ليري ماذا يحدث نزلت منار خلفه و رأت كيف مات أهلها ومن الصدمه لم تستطع النطق بكلمه وعندما إشتعل المنزل بالنار وذهب مالك ليبحث عن منار ولم يستطع الوصول إليها وخرج من المنزل شاهدته منار وخرجت من المنزل بصعوبه و لكنها لم تجد أخيها ظلت تبكي كثيرا بسبب خسارتها أهلها ثم أخذت تسير في الطرقات بدون هدف ولكن صدمتها سياره وهي تسير لينزل ذلك الرجل الطيب هو وزوجته من السياره ليحملها الرجل و يذهب بها إلي المستشفي ليفحصها الدكتور و أخبرهما أنها تعرضت لصدمه عصبيه و مر يومان و منار لم تستيقظ و لكن استيقظت في اليوم الثالث ليقول الرجل:انتي اسمك ايه يابنتي
منار:لا رد
زوجته:يا حبيبتي متخافيش و قولي انتي اسمك ايه و مين أهلك
منار :لا رد
لينادي الرجل علي الدكتور
الدكتور:هي فقدت النطق و الله أعلم هترجع تتكلم امتي
الرجل : تمام يا دكتور شكرا تعبناك معانا
الدكتور:تعبك راحه ياباشا...ثم يغادر الطبيب
الرجل و يدعى《ياسر》وهو يوجه كلامه لزوجته:طب هنعمل ايه دلوقتي
زوجته وتدعي<أماني>: هنعملها ورق بإسم جديد و نربيها إحنا دي بنت جميله وكيوت و مينفعش نوديها ملجأ او نسيبها في الشارع
ياسر:بس...
زوجته بدموع:والنبي يا ياسر أنا اتحرمت من الخلفه و أنا نفسي ابقي أم وهي هتبقي بنتي
ياسر:خلاص متعيطيش بكره وكل حاجه هتبقي جاهزه
أماني وهي تحتضن منار:شكرا اووي يا ياسر..ثم قبلت خد منار ياله يا عسل انتي نروح البيت لتومئ منار لها ليأخذها هذان الاتنان إلي قصرهما و في صباح اليوم التالي أصبح الورق جاهز و أصبح إسمها من (منار كمال النويري) إلي (كرستينا ياسر المحمدي) و ظلت منار أو كرستينا فاقده النطق لمدة 3 سنوات
نهاية الفلاش باك
لتمسح كرستينا دموعها وتقول:وحشتوني أووي ثم أكملت ببكاء شديد يا ريتكوا ما سبتوني ومشيتوا زي ما أهلي سابوني 😢😢😢 ....وحشتني أوووي يا مالك 😢 لتظل تبكي ونامت مكانها من شدة البكاء

💐💐💐💐💐💐💐💐💐💐💐💐💐

عند سيلا
بدلت ملابسها ثم بحثت عن شيئ لتأكله و جلست علي السرير تسمع أغانى و ظلت تفكر في موضوع مسامحت أخوها و أهلها وقررت أن تسامح محمد لأن مهاجمة ذلك الشخص اليوم كان يريد قتل محمد و معني ذلك أنه يريد أن يأذي شخص من أهلها و خاصتا محمد لأنه كان بإمكانه أذية أي شخص من أفراد أهلها غير محمد و سيلا لن تستطع فعل شيئ لأنها بعيده عنهم و لكنه إختار محمد وذلك يعني أن محمد في خطر لذلك ستسامحه وهي تعلم أنه سيخبرها أن تعيش معه ف بالتالي ستستطيع حمايته .
في ال 8 مساءا يرن جرس شقة سيلا لتذهب وتفتح الباب وتدخل ليدخل إياد ويغلق الباب ويقول:إيه يابنتي اللي حصل النهارده في الجامعه دا
سيلا بعدم اهتمام:ولا حاجه بس هو كان عايز ينتقم مني عشان هو مفكر ان رئيسه خطف مراته و عياله بسببي
إياد باستغراب:ليه
سيلا:عشان رئيسه كان بعته يخطفني في المستشفي بس معرفش و أنا ضربته ومشيت
إياد:اه صح مقولتيش فوقتي امتي و ايه اللي حصل
سيلا:أنا فوقت من أسبوع بس كنت بمثل إني لسه مافوقتش
إياد بصدمه:اييه من أسبوع وليه مقولتيش وكنتي بتمثلي ليه
سيلا:عشان أعرف إذا كانت المافيا بتدور عليا و عايزه تخطفني ولا لأ
إياد:يعني انتي كده حياتك بخطر
سيلا:أيوه...ومش أنا لوحدي
إياد:مين كمان
سيلا:أهلي و كرستينا
إياد بخوف:طب إيه دخل كرستينا في الموضوع
سيلا:عشان هي نقطة ضعفي الوحيده فهيهددوني بيها
إياد:دي لازم نعين عليها حراسه عشان نحميها
سيلا:أيوه
إياد:طب و أهلك
سيلا:هو الشخص الوحيد اللي عليه خطر كبير هو محمد
إياد:و إشمعنا هو
سيلا:عشان هو أكتر شخص كنت بحبه من عيلتي
إياد: أهااا...طب هتعملي إيه
سيلا:محمد قالي أسامحه ف أنا هسامحه و هو هيقولي أعيش معاه
إياد:و انتي عرفتي إزاي إن هو هيقولك كده
سيلا:أخويا و أنا عارفه تفكيره
إياد:وهتعملي إيه
سيلا ببرود:ولا حاجه هروح أعيش معاه
إياد:اه ماشي..نعععععم يختي ت ايه معاه
سيلا بضحكه مكبوته: أعيش معاه
إياد بغضب:تعيشي معاه إزاي وهو معاه صحابه
سيلا:عادي
إياد بجنون:هو إيه اللي عادي انتي عايزه تعيشي معاه وهو معاه صحابه دول 4 و انتي بنت
سيلا:ولا يقدروا يعملو حاجه انت نسيت أنا مين ولا إيه...دا أنا كوبرا ياض
إياد بغيره أخ علي أخته:لأ بردو مش هتعيشي معاهم
سيلا:خلاص يا إياد بقي ده أخويا و أنا لازم أحميه
و بعد محاولات عديده استطاعت سيلا إقناع إيتد أن تعيش معهم ف سيلا تعتبر إياد مثل أخيها و تأخذ موافقته فإياد منذ أن كانت في 15 من عمرها كان دائما يعطيها الحنان و يشجعها علي تحقيق حلمها و كان نعم الأخ لها وهي أيضا كذلك إياد يعتبرها أخته ويحكي لها كل شيئ فهو يتيم وهي كانت بمثابة أخت له ويحبان بعضهما بشده حب أخوات
سيلا وهي تعانقه:شكرا يا ديدو يا عسل
إياد بمرح:بس ابت متقوليش ديدو دي
سيلا :ولااااا متقوليش بت و إلا هعورك
إياد بخوف مصطنع:لا يا كبير خلاص أنا لسه صغير علي الموت و أنا لسه سنجل و أنا نفسي أتجوز و يبقي عندي عيال
سيلا ببرود:علي فكره أنا قولت أعورك مش أموتك
إياد :لأ ما أعورك بتاعتك دي يعني ممكن تقطعي رقبة حد وتقولي دا أنا عورته تعويره بسيطه ههههه
لتنظر سيلا له بغضب ليقول إياد:طب سلام بقي الساعه داخله علي 12 الصبح
سيلا:ماشي سلام .....ليغادر إياد ثم تذهب سيلا إلي النوم

ــــــــــــــــــــــــــــــــ