الفصل 35 الجزء الثاني ❤️
وبعد قليل يصلا الى المكان الذي قامت الفتاه بوصفه لزين
سيلا : ايه بعد كده
زين : قالت أوصل لآخر الشارع
سيلا : طب انت واقف في الأول ليه..ما تدخل........
زين : دخلت ياستي
سيلا : هو فين البيت بقى
زين : مش عارف
سيلا : لو معاك رقمها اتصل عليها
زين : مش معايا
سيلا : جدع..لتخرج سجاره من جيب الجاكت وتشعلها
زين بحده : مش ملاحظه انك بقيتي تشربي سجاير كتير
سيلا : لأ ملاحظه...و اتفضل بقا خلينا ننزل عشان اتخنقت من العربيه... و اسأل أي حد على اسمها
لينزل زين ويليه سيلا
سيلا : البيوت كتير..هو أي بيت بقى
زين : قولت مش عارف
سيلا : طب اتصرف بقا
زين : اسكتي بس ودلوقتي لو شوفت حد خارج من أي بيت هسأله..
سيلا : المشكله ان الشارع فاضي..تقولش الساعه 12 بليل..دا احنا لسه الساعه 4 ونص لتسند على السيارة وتقول : اديني قاعده أهو اما نشوف
زين : اهدي بقى وبطلي شرب سجاير
سيلا : طول ما انا متعصبه وبشرب سجاير محدش يقولي حاجه.. تمام...
وبعد 10 دقائق
يرن هاتف سيلاسيلا : أيوه يا فندم
عزمي بغضب : شوفي ياستي آخر عنادك وأنك ماشيه براسك..أزاد خطف بنتي أهو وببهددني بيها.. والله يا سيلا لو بنتي جرالها حاجه او أزاد ولا رجالته قربولها لهتكون نهايتك على أيدي
سيلا ببرود : انت بتهددني
عزمي : يعني انتي سبتي كل كلامي ومسكتي في التهديد
سيلا : يعني هددتني..هو انا بتهدد يا فندم؟؟
عزمي : يابنتي بطلي برود واستفزاز وخلي أزاد يبعتلي بنتي
سيلا : انت بتتكلم معايا بأمر ولا انا بتهيقلي ؟؟
عزمي بغضب،: الله يهدك يا بعيده..حسبي الله ونعم الوكيل فيكي يا سيلا .. والله كل المشاكل اللي بتحصلك بسبب عمايلك دي...
سيلا : لأ بسبب دعائك عليا.. سلام
عزمي : طب وبنتي
سيلا : متقلقش هي كويسه
عزمي : ازاااي كويسه وهي مع أزاد..انتي ايش عرفك
سيلا : محدش يعرف أزاد اكتر مني يافندم..انا عرفاه كويس وعارفه انه مستحيل يعمل فيها حاجه
أنت تقرأ
انتقام كوبرا "الجزء الاول والثاني"( الرواية الاولى من سلسة روايات انتصار انثى)
Actionلتنظر من باب الغرفه لتجد حارسين إحداهما نائم والآخر ليس منتبها لتقترب منه بحذر وفي ثواني قامت بكسر رقبته فمات وأخذت منه مسدس وكاتم صوت ثم أطلقت على الحارس الذي إستيقظ فمات هو الآخر لتأخذ من جيبه على ورقه وقلم وكتبت بها شيئ ثم وضعتها على الباب وسارت...