انتقام كوبرا "الجزء الاول والثاني"( الرواية الاولى من سلسة روايات انتصار انثى)

الفصل 31 "الجزء الثاني"

الفصل31 الجزء الثاني ❤️

تغمض سيلا عينيها وترفع يدها للأعلى وتقول : أنااا..ا..قاطع كلامها صوت زين الغاضب

زين بغضب : ورحمة امي و أمك ياسيلا لو نطقتيها ساعتها هتكون نهايتك على أيدي..مش واحد زي دا كلامه يأثر فيكي ويخليكي تستسلمي

كريم : يخسارة تربية 7 سنين ضاعت في الفاضي بس واحد زي دا

لتبتسم سيلا وتقول : في ايه ياعم انت وهو استنوا لما أخلص كلامي الاول ثم تنظر إلى أزاد وتقول وهي تبتسم : شكلك لسه متعرفنيش كويس برضو لتتابع وهي تركله بسرعه في رأسه : دا انا كوبرا يا روح امك يعني مبستسلمش
لتكمل ضربها وهو يدافع عن نفسه وتقول : كلامك اللي قولته دا شجعني اكتر.. شكرا ليك ياباشا

ليبتسم أزاد ابتسامه جانبيه ويبدأ هو الآخر في الهجوم وتشتد المواجهه بينهم مره أخرى......... وبعد وقت

الحكم : انتو داخلين في الساعه أهو ولسه محدش كسب...طولتوا اوي

زين لسيلا : انتي بحركه واحده منك تقدري تكسبي

كريم : انجزي خلصي

سيلا بمكر : لأ أصلها صعبه شويه اني أزاد يتحملها دا غير ان شكله هيبقى وحش اووويييي قدام الناس دي كلها

أكرم : يبنتي بطلي غبائك دا وانجزي

لتنظر له سيلا بحده مصطنعه..ولكن باغتها أزاد بضربه أسقطتها أرضاً ولكنها قامت بضربه خلف ركبته ليسقط هو الأخر وجاءت أن تنهض ولكن أمسكها أزاد بسرعه وقال : كانت حركه غبيه منك لما ضربتيني وخلتيني أقع

لتضع سيلا يدها حول رقبته وهي مزالت أرضاً وقالت : مين قال كده بس

جاء ازاد أن يرد ولكن شعر بألم شديد في رأسه بسبب ضغط سيلا على منطقة ما في رقبته

أما زين فابتسم لانه علم ما يحصل

أزاد للحكم : مش ناوي تعد خلينا نخلص

الحكم بانتباه : اه اه صح بس انا اتفاجئت

وما ان بدأ الحكم في العد حتى ضغطت سيلا على رقبته بقوه أكبر و ازاد لا يستطيع أن يرفع يده لانها ستستطيع ان تقف ليغمض عينه من قوة الألم ولكن عندما ضغطت سيلا بقوه اكثر حتى تركها بسرعه ونهض ووضع يده على رأسه بألم ليتفاجأ الجميع منه
لتنهض سيلا سريعا وثواني وكانت تضربه بقدمها بقوه في قدمه وخاصتا منطقة العضله الظنوبيه الأماميه التي تؤدي الى شل حركته نتيجة الألم وتليها مباشرة ضربة ليست قوية في قصبة الساق التي جعلت أزاد يسقط على ركبته بسبب شعوره بالغثيان و عدم قدرته على الوقوف على قدمه ( هي مضربتهوش فيها جامد عشان الضربه القويه في المنطقة دي هيكسر رجله ولو كان الكسر خطير هيمزق شظايا العظام الأوعية الدموية وده هيخليه يحس بالصدمه وهيسببله شلل كامل )