عيلة سين

61-63

#عيلة_سين

مشهد ٦١

ظهر هذا اليوم :

توالى حضور أفراد العائلة واحدا تلو الآخر لغرفة سيف بعد أن ذيع خبر إستيقاظه أخيرا !

زفر سليم وهو يحاول إقناعه بالأمر :

-" اشرب الشوربة يا سيف واتقي الله بانيه وبشاميل ايه الي عايزه بعد العملية !"

زفر سيف وهو يهمس بضيق طفولي معهود منه :

-" هو مش بيقولك نولد من هنا نحط فرخة من هنا ؟"

اعترض سالم الذي لانت ملامحه قليلا منذ علمه أن سيف عاد لوعيه أخيرا ولم يتركه :

-" عأساس انك كنت بتولد يعني ؟ انت اي حاجة فيها اكل ؟"

عاد سيف " يتحفهم " باراءه العظيمة :

-" اش عرفك انت هتهبد في الطب كمان ...هو مين خد الرصاصة انا ولا انت ؟"

-" انت "

-" يبقى تشيل شوربة الخضار دي لو فاكرني ارنب مش هتجبلي الجزر دا كله وهاتلي محشي وبطة حلوة

حينها وصلت بوادر الجلطات الجماعية لأقصاها وهم يسمعون اراء سيف وطلباته تهتف سلمى بحنق :

-" انت حلوف يا بني بط ايه ونيلة ايه ما تشرب الشربة وتبقى عيان محترم كدا متحضر ...ناقص تقول اكلوني كوارع !"

همس سيف بتشدق مستمتع :

-" يا سلام لو متشوحة في بصل كدا ومعاها شربة عدس بالعكاوي ! يا سلااااام "

-"عكاوي !"

هتفت سلم بإمتعاض ...ليهتف سالم بسخرية :

-" اسامي الاكلات الي انت قولتها لوحدها كفيلة تموتك ...كل بقى تعبت اعصابنا ...مكنت فضلت مغمن عليك !"

امتعض سيف واحتدت ملامحه يسخر بحنق :

-" مانا كنت نايم ...انا كنت نايم ...وبعدين دلوقتي بقيت وحش وكنتوا بتعيطور عشان الدنيا تنور بوجودي كدا تاني ...دلوقتي قرمط بقى وحش !"

تدللت سلمى عليه وهي تتقرب منه بحذر تهمس :

-" يا سفسف ياخويا انت تعمل الي انت عايزه بس لازم تشرب الشوربة بردو !"

انتبه لتلك الكلمة وهو يهمس بقلق :

-" بلاش موضوع سفسف دا ..بتيجي عالسيرة !"

وكما توقع سيف بالظبط صدح صوت ترنيم الرفيع الحاد وهي تقترب بوجه أحمر تتكأ على رقية المبتسمة برقة يسمع صوت ترنيم يخترق جميع طبقات طبلة الأذن تاركا عاهة مستديمة بها :

-" قولت أجي أطمن عليك تاني يا سيف ياخويا ..."

هتف حينها بحنق يؤنب سلمى :

-" لما انت مبروكة كدا كنت جبت سيرة فرخة ولا وزة ...هاكل فيها اي دي ...دي تاكل بلد !"

امتعضت ترنيم وهي تهمس متسائلة من حنقه :