الفصل 19❤
ليصدما بشده عندما وجدا أن الحارسان ميتان ليدخلا إلى الغرفه بترقب ليجداها فارغه وسيلا ليست موجوده
أزاد بغضب / هربت عرفت تهرب زي ماقالت ليشد شعره بعنف ويقول / طب دي عرفت تخرج من الأوضه إزاي و أنا متأكد إن أنا قافلها وهي كانت مربوطه كويس
ليلاحظ ورقة معلقه على الباب اتجه لها وقرأ ما فيها وكان محتواها
( أكيد مستغرب أنا هربت إزاي وأكيد متضايق عشان أنا هربت بس معلشي تعيش وتاخد غيرها
أنا قولتلك إنى لو عايزه أهرب ههرب وأنت إتحدتني وكوبرا مبتخسرش وكسبتك في التحدي ده
قولي بقا ياتري أنا اللي خيالى واسع ولا إنت اللي خيالك محدود، أجاوبك أنا إنت اللي خيالك محدود
أكيد انت هتدور عليا ومش هتسكت بس مش هتعرف تلاقينى غير لما أكون أنا عايزه أعرفك مكانى
أما بقا حكاية اللعبه فأنا موافقه ألعبها ومن غير أي شروط بس بعد ما تعرف تلاقيني
ياله بقا سلاموز وأسيبك تتقهر مع نفسك )
أزاد بغضب وصراخ / اااااه والله ماهسيبك ياكوبرا وانا وانتى والزمن طويل وهجيبك يعني هجيبك بس أسيبك تتهني يومين قبل ما تبدأ اللعبه
مالك باستغراب / فيها إيه للرساله دي
أزاد / خد إقرأ ليعطيه الورقه ليقرأ مالك ما فيها بصدمه شديده ويقول / البت دي جبااره جابت الجرأه دي منين
ليسمعا صوت صراخ من الخارج ليركضا سريعا وينظران إلى ما تشير إليه الخادمه بصدمه
فكانت تصرخ لأنها رأت جثث الحراس على الأرض
أزاد بغضب وصراخ للحراس / إزاااي ده يحصل يا شويه أغبيه إزاااي البت تهرب وتقتل الحراس من غير ماتحسوا اييييه هو انا مشغل معايا بهايم ولا اييييه
رئيس الحرس برعب/ ياباشا والله إحنا كنا موجودين مشفناش حد دخل أو طلع ولا سمعنا أي صوت
أزاد بغضب شديد / غووووروااااا من وشيي حااالااااا
ليهرول الجميع من أمامه بسرعه
مالك بصدمه /إزاي ده يحصل أنا مش فاهم حاجه ايه البت دي
أزاد بغضب / غور من وشي أنت كمان
ليخرج مالك سريعا
أزاد بغضب / ماشى ياكوبرا يانا يانتى واللهي لوريكي
ــــــــــــــــــــــــــ
عند سيلا
تستيقظ وتذهب إلى الحمام الموجود بغرفتها وتأخذ حمام دافئ حتى يريح ألم جسمها قليلا وبعد فتره تخرج سيلا وتذهب لترتدي ثيابها لتستيقظ في ذلك الوقت منار وتشاهد تلك العلامات التي تملأ جسد سيلا لتنتفض منار من مكانها وتقترب من سيلا بسرعه وتقول ببكاء / سيلا انتى كويسه وايه اللي عمل فيكي كده
سيلا بحنان / اهدي ياموني أنا كويسه متخافيش وبطلى عياط بقا
منار / انتى مش شايفه جسمك عامل ازاي هو ايه اللي حصل
سيلا / اهدي هقول دلوقتي لكله مره واحده...ياله ياعسل ادخلى غسلي وشك كده وفوقي
منار / حاضر ثم تدخل إلى الحمام
أما سيلا فترتدي بيجامه باللون الأسود والنبيتي بأكمام طويله حتى لا يلاحظ أحد يدها وجعلت شعرها في هيئة كعكه فوضويه فكانت جميله لتخرج من غرفتها وتذهب إلى غرفة مازن و توقظه
سيلا / مازن ولا يامازن
مازن بنوم / عايزه ايه
سيلا / فوق بقا كده وبطل نوم شويه
مازن وهو يجلس / فوقت أهو
سيلا / شاطر ياموزو
مازن برفعة حاجب /انتى بتكلمى ابن أختك ولا حاجه عشان تقوليلي شاطر
سيلا بتجاهل / سيبك من الموضوع ده ، انت عرفت منار انك أخوها.
مازن / اه أنا عرفتها كل حاجه ... شكرا ليكي بجد انا لولاكي مكنتش لقيتها
سيلا وهي تحدف الوساده في وجهه / انت غبي ياولا مفيش أخ بيشكر أخته ولا انت مش بتعتبرني أختك
مازن بغيظ / ألزقك قلم أنا دلوقتي ولا أعمل إيه ثم قام بإحتضانها وقال انتي أختي وأمي وصاحبتي وحبيبتي وكل حاجه
لتبادله العناق وتقول / ربنا يخليك ليا يارب
مازن / ويخليكي ليا يارب
منار / خيااااانه
لينتفضا على صوتها
مازن بغيظ / في ايه يابت انتي
منار / خيااانه بين أخويا وأختي أنا مش مصدقه نفسي حراام إزاي جالكو قلب تعملو فيا كده مصعبتش عليكم أنا
سيلا ببرود / لأ مصعبتيش
منار بغيظ / أبو برودك ياشيخه
مازن بحب / تعالى ياموني ياقلبي
ليحتضنو الثلاثه بعضهم بحب شديد ثم إبتعدو
سيلا / قومي يامنار لما نجهز الأكل
مازن / طب احنا عايزين نعرف إيه اللي حصلك
سيلا / هقولكم بعد الأكل
ثم ذهبت هي ومنار وقامو بإعداد الطعام وبعد الإنتهاء من تناول الطعام
محمد / ممكن تعرفينا بقا ايه اللي حصل وخلاكي راجعه. هدومك متقطعه
لتنظرله بسخريه وتقول في نفسها عمرك ما هتتغير هتفضل طول عمرك بتشك فيا صحيح اللي قال ديل الكلب عمره ما يتعدل هه
لتخرج من شرودها وتقص عليهم كل ماحدث تحت صدمتهم الشديدة
أظن كده عرفتم كل حاجه أي أسأله
لينفي الجميع
سيلا / تمام ... اه صح أنا هسافر الصعيد بعد بكره
مازن / تاني
سيلا / اه وهروح لوحدي
مازن بغضب / لا بقا هو ايه اللي تروحي لوحدك
سيلا ببرود / خير فيها مشكله دي
مازن / اه فيها
سيلا / فيها إيه
مازن / افرضي حصل زي المره اللي فاتت بقا نعمل ايه
سيلا بثقه / لأ متخفش مش هيحصل
محمد / وواثقه اوي كده ليه
سيلا / أنا عارفه انا بقول ايه
مازن / وانا هاجي معاكي
سيلا / لأ مش جاي
وبعد مشادات كثيره وافق مازن على ذهاب سيلا بمفردها
سيلا ببرود / طب مكان من الأول لازم يعني تتعبني معاك
لينظرلها مازن بغيظ ويلقي عليها الوساده لتتأوه بخفه
مازن بخوف / انتى كويسه
سيلا / اه...انتو عندكم حاجه النهارده
لينفي الجميع
سيلا بمرح / تمام ياشباب ياله بقا نعمل سهره حلوه كده بدل الجو الممل ده
وقضوا وقتا جميل وممتع
وانتهي اليوم بسعاده وذهب الجميع للنوم
ــــــــــــــــــــــــــ
في الصعيد
معتز / يابوي..انت هتسيب سيلا عايشه في البندر اكده
أحمد / ونا مالي بيها دي مش بنتي..انت بس اللي ابنى
سيلا من خلفه بسخريه / ونا ميشرفنيش انك تكون أبويا أصلاً
معتز بغضب / انت مين يابت انتي
سيلا / أنا سيلا يا ياخويا
معتز / يا فاجره جايلك عين تيجي هنا
سيلا ببرود / ونت مالك هو انا جيت بيتك...ثم وجهت كلامها لجدها ازيك ياجدو..ازيك يا تيتا عاملين ايه
ليذهب لها الجد ويعانقها ويقول كويس يابتي انتي كيفك
سيلا / كويسه الحمدلله
ليبتعد عنها لتذهب هي الى جدتها و تعانقها / تيتا وحشتيني اووي
جدتها / ونتي كمان وحشتيني اووي..اخبارك ايه
سيلا / كويسه الحمدلله
معتز / اطلعي بره يا فاچره
الجد بغضب / ملكش دعوه بيها هي مش قاعده في بيتك
أحمد بغضب / بس...
الجد / أحممممد ملكش دعوه بحفيدتي
أحمد / حاضر يابوي
غاده بدموع / سيلا حبيبتي عامله ايه
لتنظر سيلا لها ببرود وتقول / الحمدلله
الجد / تعالي يابتي الوكل خلص
لتبتسم سيلا ثم تذهب وتجلس بجانب جدها الذي ذهب يجلس في مكانه
و
بعد قليل ينتهون من تناول الطعام ليجلسو قليلا ثم تقول سيلا / بعد اذنك ياجدو همشي أنا بقا
الجد / وه كيف اكده...انتي لازم تجعدي معنا كام يوم
سيلا / مينفعش ياجدو
الجده / انتي كنتي جايه ليه طلاما هتمشي دلوقتي
سيلا وهي تنظر في عين والدها / كنت جايه أعرف ناس كده اني مش فاشله و حققت حلمي و أكتر وبقيت مقدم و معيد في الجامعه كمان
الجده / ماشاءالله عليكي يابتي..
سيلا / شكرا يا تيتا عشان ساعدتيني
جدتها / ولا يهمك يابتي..أساعدك أنا طلاما امك مش بتساعدك
سيلا / يلا بقا عايزين حاجه
الجد / خليكي يومين كمان
الجده / عشان خاطري ياسيلا خليكي يومين كمان
و أمام اصرار جديها وافقت سيلا
سيلا / بس أنا معييش هدوم
الجد / يا سنييييه
س
نيه / نعم يابيه
الجد / خودي سيلا ل أوضتها وجيبلها خلجات اجديده
سيلا / لأ ياجدو خلاص هخلي حد يجبهوملي
الجد / على راحتك يابتي
سنيه / اتفضلي ياهانم
لتصعد معها سيلا إلى غرفتها وبعد أن غادرت سنيه أخرجت سيلا هاتفها و قامت بالاتصال على مازن
مازن / أيوه يا أسّو
سيلا / بقولك يا مازن أنا هفضل هنا يومين ومعييش هدوم جبلي هدومي معلشي
مازن / اوك مسافة السكه بس
سيلا / ماشي سلام...ثم تغلق الخط وتذهب لترتاح قليلاً
ــــــــــــــــــــــــــ
يتبع،#
أنت تقرأ
انتقام كوبرا "الجزء الاول والثاني"( الرواية الاولى من سلسة روايات انتصار انثى)
Actionلتنظر من باب الغرفه لتجد حارسين إحداهما نائم والآخر ليس منتبها لتقترب منه بحذر وفي ثواني قامت بكسر رقبته فمات وأخذت منه مسدس وكاتم صوت ثم أطلقت على الحارس الذي إستيقظ فمات هو الآخر لتأخذ من جيبه على ورقه وقلم وكتبت بها شيئ ثم وضعتها على الباب وسارت...
