♤🔥 خطيئة وردية ♧🔥

#الحلقة 1

ممنوووووووووع النقل بذون اذنيييييي ❌⚠⚠⚠🚫⚠ ❌❌❌❌❌❌ حسبي الله ونعم الوكيل ف أي وحدة تسرقها بدون ذكر اسمي 😡😡⚠⚠⚠⚠⚠🚫🚫

الكاتبة : عبير ♢

في هاد الدنيا كاين لي انكتبت عليه يعيش ف الرخاء و كاين لي مكتوبه غرفة بين ربع حيطان ، أما انا ف كنت من النوع الأول ، أمي ما تجيبش الذراري والأب تاعي يقدر يشري العالم بكل ب دراهمه تبناوني و ف عمري شهرين فتحت عينيا ف العز و الدلال ، اسمي حسناء و كان إسم على مسمى كبرت ب زين يهبل و نفتن من صغري وانا نتعرض للتحرش من قبل مختلف نوعيات الناس أولهم كان الأب تاعي أما الأم تاعي ماكانتش مهتمة بتربيتي كيما الأمهات الأخرين شغلها الشاغل كان الذهب والدراهم و أنو نكون بنت مثالية ما نحشمهاش قدام الجارات والحباب ، كملت المرحلة الابتدائية و المتوسطة بأعلى النتائج لأنو كنت ذكية و تعاملت مع العالم ب طيبة حاولت نحب كامل الناس لكن دايما كانوا يستغلوني ، كي طلعت للثانوية و ف نهاية السنة الثالثة ثانوي كان عندنا أمتحان تجريبي والمدرسة لي كنت نقرا فيها عندهم أسوء نظام تدريس و أفسد مدير ، الأولوية للأغنياء والمكانة العائلية هي لي تحدد مرتبتك فالثانوية ، كانوا يقسمونا على قسمين لي يقراو مليح مع بعض ( بطبيعة الحال كامل لي عندهم الدراهم ) و لي ما يقراوش مليح مع بعض ( الفقراء والمتوسطين ماديا )
كنا مريحين نجهزو ف رواحنا للإمتحان ف العادة يحرسونا 3 أساتذة ولكن بما أنو حنا مجتهدين 2 ولا واحد يكفي ، المهم دخل الأستاذ الثاني حطلنا المواضيع
• حسناء : راني متأكدة بلي كنت حافظة واش بيا كيفاه نسيت ....( توترت و ما قدرتش نجاوب مليح غلبني البكاء )
جا عندي الأستاذ
• الأستاذ : حسناء تفضلي معايا للمكتب تاعي
• حسناء : .... (رحت معاه )
• الأستاذ : حابة تشربي الماء ! تفضلي ..
• حسناء : ن..ن..نعم أستاذ سمحلي برك توترت و شكرا لي مديتلي الماء راني مليحة دوك نقدر نرجع الوقت باش نكمل أمتحاني .
• الأستاذ : ( قرب مني و حصرني مع الحيط ) و شبيك فاش يهمك الامتحان و عندك استاذك ف كتافك
• حسناء : (تديرونجيت و حبيت نبعد منه ) س..س.سمحلي استاذ بصح ل..لازم نروح
• الأستاذ : ( زير عليا مع الحيط و بنظرة خبيثة) راني نحكي معاك طلعي راسك فيا نمدلك أعلى النقاط و نضمنلك تتكرمي على مستوى الولاية برك خليني نقرب منك ياك راكي فاهمتني حسناء ...( مرر صباعه على رقبتي )
• حسناء : ( نخلعت وبعدته بالقوة عليا ) بعد يدك عليا بعدني...عيب عليييك و هذا ماشي تصرف مليح من استاذ لتلميذة ما تحشمش على عمرك يا خسارة تدريسك ف مؤسسة تربوية