⛓👱‍♀️صنع مني دميته👱‍♀️⛓|مكتملة✨️

9

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 94📖💜
جايكوب: تفضل..
المحامي مشا جلس فطاولة خاوية و حط الباليزة ديالو تيحل فيها...
سوكا وشوشات لجايكوب: واش نمشيو حنا ا يعقوب؟
جايكوب: اه بقاو على برا
المحامي جلس و ستأذنات سوكا مع لوبي خلاوهم بزوج...
المحامي شاف فجايكوب: تنعتاذر بعدا..اسف بزاف لوفاة مستر جوليان..
جايكوب مسح يديه و حط المنديل: موريس.. ممكن تبدا فالموضوع نيشان؟
المحامي مد ليه واحد الجوا: تفضل مستر
جايكوب حل الجوا و هز ورقة بدا تيقرا فيها و حطها فوق الطبلة و شاف فالمحامي: كيفاش هادشي؟؟ و كايل ميمكنش يسكت؟
المحامي: نتا عارف مزيان انه حتى القانون مغيوقفش معاه ابدا خصوصا فاش تهور و بدل الكنية ديالو لي تتخليه قانونيا دابا ماعندو حتى صلة ب فادر
جايكوب بابتسامة ساخرة وقف غادي عاطيه بالظهر و تلفت ليه: واش احسابليك كايل غايدوز للقاضي يدعيني؟
المحامي: انا القانون لي تيهمني ا مستر راه مغيوقفش معاه ابدا و على حسب الوصية و لي مكتوب بخط الفقيد شخصيا نتا هو الوريث الوحيد لإمبراطوريتو لي بناها!
جايكوب: خصك تعرف ا سي لمحامي بلي حنا متنتعاملوش بقانونك.. مبغيتش نتحط فموقف يخليني نقتل الاخ الوحيد د فادر.. الاب الروحي ديالي
المحامي ناض: خصو يفهم هادشي و كختام لهاد اللقاء تنقولك مبروك المنصب الجديد
جايكوب اشار ليه بيدو و مشا...
جايكوب هز الجوا و هي تدخل لوبي فاش شافت المحامي خرج...
جايكوب: فين خليتي سوكا؟
لوبي: مشات تضور مع هانك قالت ليه يدير ليها شي تحاليل و هاكا
جايكوب تلفت ليها بسخرية: مع هانك؟ سوكا مع هانك؟
لوبي: كانو فرحانين و مفاهمين
جايكوب دورها لعندو: احسن..باش نبقاو بوحدنا..
لوبي: توحشتيني تاني ولا شنو؟
جايكوب معنقها: ديما تنتوحشك..
لوبي: شحال زوين فاش تتكون هاكا....

هانك قطع واحد لعرمة د لورد من الجردة برا المقر و جابهم لسوكا...
هانك: هاكي زعما راك ضيفتنا
سوكا شداتهوم من عندو تتبتاسم: هههه شكرااا ياخوويا الصواااب و داكشييي كيييت المسخوط لي جااية عندووو ماحط ليااا حتى شيي حليوااات شي لعيبات
هانك: دراغون مغتفهميهش..متيبغي تاواحد و متتعرفي امتا ينزل عليك بحال اللعنة هاااغ
سوكا: هاداك تنعرفو فاش كان قد هاكا(هزات يديها فوق راسها شوية)احمم فالحقيقة كان ديما طوييل عليا و دابا ولا سلووم
هانك قرب منها و فنفس الوقت تيشوف جيهة البوابة: و زعما واش هو بنادم بحالنا هاكا؟؟
سوكا: هانك سميتك ياك؟ مهم شوف حتال عشيري و ماتوريهش ليا فهمتي
هانك تيرمش فيها: صراحة تنشك فيك مخلخلة بحالو و سمحيليا غا قلت (تيدور فعينيه)
سوكا جراتو من طابلييتو: فراسك بلي ماعنديش مع هدا كبير هدا صغير ياك واخا تكون قد با(خرجات فيه عينيها)
هانك تلفت ليها بشوية تقول شاداه كاميرا و شاف فيها: سوري سوري..غا تهدني اصلا فلتت بصعوبة من بين يديه
سوكا: الى فلتي منو راه انا مغتفلتش مني(طلقاتو) ايوا طلقنا نشوف دوك التجارب لي قلتي
هانك: عندي واحد العقار عاد صاوبتو تاع التخصيب يعني زعما تاع النسل فهمتي..درت منو د رجال و لعيالات
سوكا: ولكن غتكون بنت ياك راني مابغيتش نولد ولد
هانك تيخمم و شاف فيها: العقار متيحددش ليك الجنس ولكن حسب امتا غاتخدميه انا غانشرحليك ملي غانعطيه ليك
سوكا: غادي توريني كيفاش و مغنخدمو حتى نكون حدا حبيبي فاش نرجع لعندو
هانك بتاسم و شاف فيها: هادشي كيووت بزاااف
سوكا ضحكات عاجبها الحال و خبطاتو فضهرو: خصك تشوفو (تنهدات)اححح طحت اخويا طحت شكون قال سفاحة بحالي تبغي راجل هههه
هانك تيرمش فيها بدهشة: سفاحة؟
سوكا: ااه ولكن سابقا اه حكا ماقلتش ليك سميتي..(مدات يديها) انا سوكا
هانك سلم عليها: مم م متشرفين...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 95📖💜
تحطات طوموبيل راقية فالاسود قدام عمارة يزيد و هبط منها تورينتو و تبعوه زوج د لكاردز صحاح...
الكارد: مستر..واش ندقو ولا نهرسو لباب؟
تورينتو خنزر فيه: الا ماسكتي نتا لي غانهرس..
تورينتو جبد لفردي ديالو و دفع باب العمارة و الزوج تابعينو و طلع للطابق الثاني حتا وصل حدا لباب دار يدو تيدق و عاود دق...
الكارد: واقيلة مكاين حد..نهرسوه؟
تورينتو خنزر فيه: بغيتك تحلو بلا مايتهرس حيت ناوي ندير ليه مفاجأة..
الكارد بتاسم و جبد ساروت دخلو فالباب و بدا تيحاول يحلو حتى تحل...
تورينتو بتاسم ليه: اااوااا هكا نبغيك..
تورينتو دخل تيدور فالدار و خرج للسيجور جلس: زيدو جلسو و سدو داك لباب صحيبنا ماكاينش..
الكاردز سدو الباب و جلسو حتى هوما تيبتاسمو بشر...
يزيد عاد هبط من طوموبيلتو و حل لبريندا لي تتبكي و تنحط و وجهها و ذراعيها فيهوم سبارادرا...
بريندا: كلشي بسبابك اهئ معرفتش شكون هاديك
يزيد شاف فيها: كيفاش غنعرف انا؟؟ممكن تكون شي وحدة سكرانة ولا شبهتي ليها فشي وحدة مانعرف!!
بريندا وقفاتو ودارت يديها على كتافو: واش بصح مكايناش شي وحدة من غيري فحياتك؟
يزيد: راه قلت ليك لي كاين ا بريندا
بريندا شدات فيه و دخلو للعمارة..دار يزيد يدو حل الشقة و دخل تيضحك مع بريندا حتا تلفت و ملامحو تبدلو و بريندا تخبات موراه..و تلقائيا دار يدو تيقلب فجيب الجاكيت...
تورينتو حط لفردي فوق الطبلة: تتقلب على هذا؟
يزيد: شكووون نتا؟؟و كيف درتي حتى دخلتي للشقة ديالي؟؟؟!!!
زوج كاردز خرجو من جناب واحد شد بريندا لي صقلات مخرجة عينيها بخوف و لاخر يزيد حاطين لفرادا على عنقهم...
تورينتو وقف: احمم.. نتا هوا مستر ازيزي؟
يزيد: ايه انا هو اش بغيتي؟!!
بريندا تتحاول تفك و تورينتو هبط فيها مقرب من يزيد: بان ليا عندك الفائض فالبنات الزوينات اولا لا
يزيد: قول اش بغيتي و طلقنا خلااص حيت ماعاارفش مزيااان معامن تتلعب!!!
تورينتو: عجبتيني..شوف انا تنقلب على واحد لبنت هيا زوينة و ذكية.. و بغيتك تقوليا فيناهيا و تحافظ على حياتك..
يزيد هز حاجبو: ايناا بنت؟؟!!
تورينتو: جيهان..
يزيد عقد حجبانو: هااديك اللصقة شهرر بااش مسيفطهاا من عندييي و رجعاات ل سان فرانسيسكو منين جات!!
تورينتو: امم (شاف فلرض) بغيتي تقول بلي جيهان مشات لكاليفورنيا؟
يزيد بسخرية: لا مشاات لنيويورك!!! وااا خرج عليااا و سير قلب عليهاا و بعد مني!!
تورينتو: اشنو نوع علاقتك بيها؟
يزيد شاف فلكارد لي شاف فيه بتخنزيرة و حاول يتفك منو: هادييك وااحد الحمقةة تسلطاات عليا فالمطاار و بقات لاصقااني حتى تهنيت منهاا جااي لياا نتا؟؟؟
بريندا: تنظن انا تنعرف علامن داوي..طويلة و تتبان بحال الا مسطية شوية؟
تورينتو قرب ليها باهتمام...
بريندا: انا متأكدة متكون غا هيا وجهها تاع الاجرام اهئ شوف اش دارت لياا
يزيد: لا ا بريندا.. جيهان فكاليفورنيا..
تورينتو ضرب يزيد بحافة الفردي لاحو بعيد: شتتت..
تورينتو تيحرك راسو: هيا هاديك فين كاينة؟
يزيد تيشير ليها ب لا...
بريندا تترمش و شافت فتورينتو: راها هنا ف لاس فيغاس ماشي ف كاليفورنيا جات مؤخرا تتقلب على يزيد و هو معارفش فين كاينة..
تورينتو: اهااه..
طوموبيل جيهان تحطات فباركينغ قريب لعمارة يزيد ومشات لكيوسك حتا خدات باكية كارو و قرعة د الما و خلصاتو يالاه بغات تمشي...
البائع: تي اش هادشي؟
جيهان: وا متقولش ليا حتانتا باغي الصرف..عرفتي القشاوش و داكشي معنديش معاه مالكم وجوه الفقر..
جيهان خنزرات فيه و عاد تتمشا حتا تحلات عمارة يزيد و خرجو منها زوج رجال صحاح و تابعهم تورينتو دار نظاظرو لكحلين غا شافتو جيهان قلبها طاح بين رجليهااا ماعرفات باش تبلات واش تتمشا ولا ترجع ولا تركب طوموبيلتها لي بعيدة على لكيوسك ولا تغوت..الى شافها غايطير بلفرحة و غايقرقشها بين صباعو..بقات تتسول راسها كيدار حتى لقاها و يزيد ياكما يكون مات على يدو...
جيهان بدون ماتفكر رجعات للكيشي و هزات مجلة من لي معلقين و غطات بيها وجهها مسندة على لكونطوار تتشوف فوقها بعين وحدة حتا ركب و ديمارا...
مول لكيوسك بابتسامة: اهااه زهوانية شفتك عاجبينك هاد لمجلات د سيكسياليتي هههه
جيهان خنزرات فيه و سدات المجلة يالاه بغات تخبط بيها لكونطوار حتا تصدمات و تحلو عينيها حتى طيحات المجلة فوق الكونطوار و يديها تيترعدو... حاولات تهزها ثاني و فشلات..رجعات شافت فهاداك...
جيهان هزاتها تتشوف فالغلاف: بريندا؟
مول لكيوسك تيطل عليها من لكونطوار: هاديك ستيفاني ا زين..اشهر بائعة جنس فلاس فيغاس و الولايات...
جيهان: قق ق قطعها من لفلوس..
جيهان تجلا ليها طريق الباركينغ و تمشات تا حلات طوموبيلتها و ديمارات...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 96📖💜
فالطابق الخاص بالإجتماعات فمقر البلاكجاك..كانت لوبي واقفة قدام القاعة المسدودة غادية جاية تتسنا فجايكوب لي كاين فالداخل مع المحامي امتى يعطيهوم الإذن بالدخول هي و بعض العملاء المهمين فالمافيا ديالهوم لي جالسين تيتسناو تما حتى هوما على برا حتى تسمع صوت طالون قاصد المكان..طلعات لوبي راسها بانت ليها نويل جاية بشوية عليها و خيوراتها يميلو معاها بداك الطالون و اللباس المزيير و البيروك لي مايخطاش راسها حتى وقفات عليها تطلع و تهبط فيها عينيها بواحد الشوفة مخلطة بين الكره و اللامبالاة كأنها غير محطوطة تمايا كيف نيت المونيكة ماعندها حتاشي دور...
نويل حلات لباب بان ليها جايكوب مترأس الطاولة و حداه المحامي مفرشين الاوراق و الملفات فوقها...
جايكوب هز راسو بإنزعاج: نويل!..المفروض تتسناي برا حتا يتجمعو الاعضاء!!
نويل حدرات راسها: سمح ليا ماكانش فراسي...
سدات الباب دغيا و هي تلقا لوبي واقفة تما مربعة يديها دايرة فيها شي شوفات ياربي السلامة قرطاس حسات بيها بديك الفعلة بحالا همشاتها هي و العملاء لخرين لي تيتسناو تما من الصباح زعمة هي ملكة ولا مولات الشي ولا شنو باش تجي هي اللخرة و من لفوق تدخل بسلامتها...
لوبي مربعة يديها: تسناي بحالك بحالنا!
نويل هبطات فيها: علاه نتي احسابلك انا بحالك؟؟
لوبي قربات منها ببرود مطلعة حجبانها: كيفاش بحالي؟
نويل تتهمس بابتسامة خبيثة: قريب غاترجعي لمكانتك..غاترجعي حشرة و غانبجغك تحت رجليا..
لوبي زاد قربات منها بنضراتها الباردة حتى حطات رجليها على رجل نويل و بدات تضغط عليها و تبجغ بحال تتقتل فسراق الزيت..طلعات فيها عينيها و مييلات راسها بدوك النضرات الثلجية: بحال هاكا متلا؟
جايكوب حل لباب لقاهم مزاديين الريوس و شاف فيهم بزوج زعما اش هاد ال*لاوي.. و رجع شاف فوجه لوبي لي كلما تيشوفو تيبغي يخلي الاجتماع كامل يسمح فيه و يجرها لبيت النعاس..تلفت تاني لقا نويل لي واقفة بحال سحت ليل و وجهها متيبشرش بلخير..ما عندو مايدير هادي من لورث تاع فادر...
جايكوب شاف فيهم تاعيا: دخلو الاجتماع غايبدا.. (صفق بيديه)
الاعضاء لي كانو مشتتين فلكولوار و جالسين دخلو...
دخلات لوبي شدات كرسي حداه و نويل شادة الضد خدات كرسي حداها حتى هي...
لوبي مديرونجية بهاديك مولات الترامي لي حداها و جايكوب متجاهل كلشي لي فالقاعة و مركز فالملف لي بين يديه حتى شعل الداتاشو...
جايكوب: الصور تيبينو لينا حياة فادر فلبلاك جاك..اعمالو و كاع الخطوات لي قام بيها يا اما بتمرير السلاح من دول اخرى ولا بالترويج ولا التعامل مع مافيات خرى..الاسلحة المختلفة العلمية منها و المادية...
جايكوب تيدوي و نويل تتكتب فورقة حتى سالات و دوزاتها ل لوبي لي حداها...
لوبي كانت ساهية مع جايكوب حتا حسات بشي حاجة قاستها هبطات عينيها لقات ورقة.. "اسلحة علمية.. قاصدك بيها حيت دمية سلاح مع بابا اما معاه وليتي دمية جنسية تيفرغ فيها الكبت تاعو"..
لوبي كتبات فالورقة بخط عريض و واضح: "الدمية الجنسية غتوريك شوية من اسلحتها معاه"
رجعات ليها الورقة و عينيها على جايكوب...
جايكوب: ليوم فادر خلا ليا رسالة..تيكلفني فيها بشرف الاعتناء بمملكته..البلاك جاك اكثر من مافيا بالنسبة ليا.. دراغون..اليد اليمنى ديال فادر الاب الروحي ديالي وانا فخور بالشرف لي تعطاني و لبارح بحال ليوم غانوقف فوجه اي واحد يفكر يمس بخيط واحد من خيوط البلاك جاك...
جايكوب هز كاس من الشامباين لي محطوط فوق طبيلة تما و كلشي هز معاه الكيسان بابتسامة...
جايكوب جا جلس فالكرسي ديالو شرب شوية حتا تتبان ليه لوبي متوترة و شاف فيها باستفسار...
جمعات قوتها و ناضت بشوية عليها تتمشا حتى جلسات على فخدو مضورة يديها على عنقو حتى طلقات ابتسامة خفيفة: مبروك فرحت ليك(زادت قربات من وجهو)
جايكوب شدها من خصرها و هز لكاس و هزات كاسها مدورين الكيسان..شرب من كاسها و شربات من كاسو..قبل مايحطو حطات لكاس و شداتو من عنقو باستو بكل شغف فشفاهو حتا حط لكاس بشوية و شدها من عنقها تيبوس فيها متجاهل الحضور لي مبتاسمين عاجبهم المنظر الا نويل لي الدخان خارج من شعرها المستعار..وقفات بلا ميحسو بيها حتا تسمع لباب تخبط تما فين بعدات لوبي بشوية حتى هزات كلينكس تتمسح فمو لي فيه اثر من احمر الشفاه ديالها و طلعات راسها ببرود تتشوف فالباب دابا اكيد غتكون عارفة حتى اسلحة الدمية الجنسية كيف دايرين...
💜#تتمة_البارت_96💜
جيهان دخلات لشقتها و سدات لباب و جلسات فوق فوتوي..خدات تلفونها و المجلة حداها دخلات لاول موقع ازرق صادفاتو و حطات سمية بريندا المستعارة و اذا بها تتفاجأ بالخير..ها الفيديوات د اللور ها د لقدام..جيهان بقات تتبلع ريقها و تتهبط..ها دوبل ايلاج ها تريبل ها عشرة..ها لي رابطينها و كرة ف فمها..فالالوان ها السمر ها لكحل ها لبيض..لي عندو طويل و قصير و متوسط..جيهان هزات كاس دلما غرغراتو و رجعات تتهبط حتا قوس قزح واش جرباتو ستيفاني...
جيهان داخت حطات التلفون..كانت اخر حاجة تتوقعها ان منافستها تكون ساهلة لهاد الدرجة..واه زعما غاتحيدها بكل سهولة؟؟
وقفات و مشات للفيترينة هزات قريعة د المشروب كبااتو و يديها تيترعدو: ميمكنش..لا هيا بريندا..ستيفاني ريي..
رجعات تتقلب فالمواقع على معلومات عليها حتا طاحت فعائلتها لي ناكراها و باها لي وجه سياسي معروف...
جيهان تتبلل شفايفها و هزات تلفونها و خشاتو فصاكها و خرجات...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 97📖💜
فالبيرو د جايكوب لي جالس تيقلب فشي وراق و قدامو جالس يزيد...
جايكوب: هادي أماندا السيدة الاولى د مافيا البرازيل..سيفطاتليا و قبلت العرض ديالها.. عندهم اسلحة تتهمنا..
يزيد حط رجل فوق رجل مييل راسو تيطل على الوراق: هي اول صفقة ليك مع البرازيل ههه
جايكوب شبك يديه: هاد السيدة تعامل معاها فادر ملي عاد دخلت للبلاك جاك..كان باها عايش و كان ديما تيقول عليه بلي عندو الكلمة و هادشي لي مشجعني نتعامل معاها
يزيد تقاد فالجلسة: و هادي اهم حاجة فالبيزنس الكلمة..امتا غتبداو؟
جايكوب تيلعب بستيلو قدامو: اللي مزال مشوشني هو كيفاش غانتعامل معاها و هي امراة..اول مرة نتعامل مع هاد الجنس اللطيف فالصفقات(دار رجل على رجل)
يزيد بتاسم: ههه كيفاش زعمة؟ دير منها راجل علاه فهاد الضومين كاينة شي لطافة فعيالاتو؟؟
جايكوب تيحرك فراسو وقرب منو: فراسك لوبي بدات تتغير؟
يزيد باستغراب: وايلي الدمية لي ماعندهاش احاسيس ولات عارفة شنو هي الغيرة؟
جايكوب تيحرك راسو ب ااه: تأكدت من هادشي زوج مرات و الضحية نفس الشخص..اش بانليك مندخلوهاش فهاد العملية؟
يزيد: واش خفتيها تغير من أماندا؟
جايكوب جمع ملامحو: خفت تقتلها ا يزيد (بتاسم و وقف) هيا الغيرة تتحسسك برجولتك اكتر ولكن مع لوبي ميمكنش تتوقع اش ممكن تدير
يزيد ضحك بشوية: هه فالحقيقة شفتها كيف قتلات فريدريك و ليام ماعطاتهوم حتى فرصة فين يدويو ماحساك هادشي لي قلتي
جايكوب: داكشي علاش قررت ندير الصفقة بلا ما تعرف اصلا مغيكونش قتل و غتكون سلمية فقط غانعطيها فلوسها و تمدني بالسلعة..مكاين لاش ندخلوها واخا هيا عضوة من البلاك جاك
يزيد: الى تتشوف بلي هدا هو القرار المناسب احسن ليها تبقا فالمقر
جايكوب: حاول تعالج الكاميرات د الطوموبيلات لي غاينطالقو غدا الصباح للبرازيل بغيت كاميرا لي تقدر تصور الطريق و لداخل د الطوموبيل و تصور كاع الصفقة بحكم غاتم فمكان عام
يزيد: ماتخافش اسهل حاجة هي كاميرات الطونوبيلات ههه
جايكوب جلس و اشار ليزيد يتفضل و خرج حتا تيصوني تلفونو...
يزيد هزو باستغراب جاوب نمرة متيعرفهاش: الو؟؟
جيهان واقفة حدا عمارتو: تا فينك!..جيت و ملقيتكش..
يزيد مييز صوتها و نبرتها العفوية من الدقة الأولى و بدهشة: بعدييي من تمااا دغياا!!!
جيهان: فين غانبعد؟؟تا غا سمعني..
يزيد قاد التيلي فودنو: الى جيتي بشي طونوبيل دخلي ليها داباا!!اناا جااي نشوووف ماالك على هااد العناااد!
جيهان: تاغاسمع..
جيهان حساتو قطع عليها..زعما مالو تيخبي فيا..ااه يكون خايف عليا من تورينتو لحمق بففف..
جيهان دخلات طوموبيلتها تتسناه...