⛓👱‍♀️صنع مني دميته👱‍♀️⛓|مكتملة✨️

11

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 112📖💜
بعد ساعات وقفات طوموبيل جايكوب و تابعينو الكاردز بطوموبيلات...
جايكوب حل لباب خرج لفردي..خرج و خرجو حتى لكاردز جراو هازين لفرادا تابعينو حتا دخل لواحد الحي ففنزويلا كولو شقق و دروج و الحيوط ملونين و لبودرات مرسومين..كانو زوج دراري واقفين تيكميو غا شافوه من بعيد داخل مع الحي جراو طالعين مع الدروج...
جايكوب وصل للساحة د الحي كاع العيالات واش تخباو و سدو شراجمهم..طلع راسو تيشوف فدوك البيوت لملونين و الحيوط المشققين لي مغطيين بالالوان و الصبايغ و تلفت للكارد لي حداه..وشوش ليه و الكارد هضر معاه..جايكوب منعهوم يتبعوه و طلع مع الدريجات الحديدية تيتلفت حتا بان ليه دري من دوك الزوج طل عليه و هرب...
جايكوب جرا موراه و طلع مع الدروج تابعو حتا تعكل لولد و طاح لقا رجل جايكوب على يدو...
الولد: مستر..بالرب مدرت والوووو ماشي انا بالرب خليني نمشي
جايكوب: فين الغرينز؟؟..بغيتهم كاملين!!
الدري: انا راه مادرت والو مستر دراغون معرفتش اش واقع..
جايكوب نيش لفردي على راسو: فيناهوما؟؟!!
الولد: هنا هنااك
الولد اشار لباب الشقة لي فالسطح..جايكوب فركع ليه راسو بالفردي و طلع دفع عليهم لباب و تصدم ملي لقاهم كلهم مفرشين فلرض غارقين فالدم...
تمشا حدا الجثث و رجليه تيتخطاوهم و تحنا حتا قاس الدم فلرض و شاف فالمنظر و رجع هابط من الدروج حتا وصل عند الكاردز...
جايكوب: بغيتكم تتطلعو تتخلصو من الجثث لي تما..شي حد جا سبقني و صفاها ليهم!
حناو الكاردز ريوسهوم و مشاو تيجريو داخلين اما هو مشا لطونوبيلتو و ديمارا....

جيهان فاقت الصباح تتجبد فناموسيتها حتا بان ليها تلفونها تيطفا و يشعل الضو ديالو هزاتو تتشوف فيه حتا ضغطات...
جيهان: اشنو بغيتي؟؟
يزيد: هادي هي صباح الخير عندك؟
جيهان خوات شي كريم تتذهن بيه تحت عينيها: ختاصر راه ممسالياش ليوم
يزيد: واش باقة مقلقة؟
جيهان: شكون داها فيك
يزيد شرب جغمة القهوة: واش نقدر نشوفك؟
جيهان ناضت تتشوف فضفرانها لي تتفكر تعاود ليهوم صباغة جديدة: و علاش بالسلامة؟
يزيد وقف هاز الفنجان و مشا قدام لمراية فبيتو: زعما بغيتينا منبقاش ندويو ولا؟
جيهان: دوي غير دوي ولكن حجرك شدو عندك
يزيد: انا مصر نتلاقاو قوليليا فين نتي نجي ليك..متخافيش مغنعضكش
جيهان: انا لي غنعطيك البلاصة فين غنتلاقاو
يزيد: تنسمعك...

لوبي تتحل عينيها بصعوبة حتى تلاقاو مع السقف و البولا لي عاطية لون احمر للحيط بالزاج ديالها لملون بقات تتهبط نظراتها للحيط لي مزوق و الاثاث حتا تلاقاو عينيها بعينين لوكاس لي جالس فلرض شاد رجلها خاشي صباعيها ففمو تيمصهم و يلحسهم..لوكاس كولو عرقان ماحاسش بلي داير بيه...
لوبي هزات عينيها بتثاقل تتحس بشدة قوية على رجلها..حلات عينيها بقوة فاش شافت جسدها مربوط مع الناموسية بسلاسل و رجليها كذلك مدليين على حديد الناموسية..حس لوكاس بأنها فاقت و هو يطلع راسو...
لوبي خرجات فيه عينيها: شنووو تديرررر؟؟؟؟!!!!!
لوكاس مخرج لسانوو دخلو طلع عينيه فيها: هااا صباح الخير شكون فااق من نعاسوو
لوبي تتحاول تفك من السلاسل: جاااوبني شنوو تنديير هناا و علاش مربوووطة؟؟؟!!
لوكاس مسح فمو لي سايلين ريوgو: نتي ضيفة تاعي و ملي غانسالي غانسيفطك للملكوت مع الملائكة هههه
لوبي حركات رجليها حتى ركلاتو فوجهو بغضب: فكنيييي داااابااا!!!!!
لوكاس وقف منزعج تيقيس فنيفو: اشهاد الاسلوب العنيف؟؟ زعما معول نعطيك لخاطر حتا ناكل صبيعاتك لحلوين
لوبي خنزرات فيه: غنقتلك الى مااطلقتينييش سمعتييي!!!
لوكاس رجع تحنا على ركابيه حتا زير ليها لفيس د السمطة باش مربوطين رجليها..شد رجلها و فرق صبيعاتها مزيرهم حتا ولاو حمرين: هادو الذ من كاع الحلويات لي فالولايات...
لوبي حسات بالألم: طلق منييي شنو تدييير؟؟!!!نتا ماشي طبيعي!!!
لوكاس تيشم فصباعها و تيحكهم مع وجهو مزيرهم حتا ترسم عليهم اثر الخاتم ديالو و فلحظة جهل بدا يعض فيهم واحد بواحد...
لوبي غوتات بألم: ماااديييرش هكاااك!!!!(تتفلت رجليها منو)
لوكاس باقي جاهل على رجليها تيعضهم و مزيرهم بزوج...
لوكاس: تهدني..تهدني متنقاومهمش فين يبانو رجلين عاهرات الكازينو..تنشم فيهم ريحة دراغون المتسلط العنصري تنزيد نجهل شقراء جايكوب بين ايديا و مستمتع بيها..اااح زوينييين...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 113📖💜
لوبي مزييرة بيديها على فراش الناموسية بألم: رااه قلت ليك طلللق منييي واش متتسمعععش تتزيد تفكرني فالكلاااب طلق منييي
لوكاس ماتيسمعش ليها غادي و تيزيد فاللحيس د رجيلاتها و عضهم...