⛓👱‍♀️صنع مني دميته👱‍♀️⛓|مكتملة✨️

20 و الأخيرة

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 196📖💜

جايك عطاهم بظهرو و ربع يدو بتوثر و شاف بنص عين من الجنب: بغيت ندوي معاك على السلعة و لفلوس لي تتسالني..خصنا نلقاو شي حل!

البوص معنق وصال: خديت منك المقابل ديال كلشي ا دراغون..اه و باقي تنتسالك ولدها تردو ليها حيت ايلا مارجعش لينا لولد غانتقلق منك (تلفت ل وصال تيقيس شفايفها بطرف لسانو) و انا ملي تنتقلق تنخياب!

جايك تلفت ليهم ميمكنش يصبر كثر على هاد المنظر..ممعاهش السلاح حيت قبل ما يدخل خداوه ليه رجال لبوص..ماقدر يدير والو من غير يخرج و يخبط بلباب...

البوص جلس و جلس وصال فوق فخضو...

وصال ضورات ذراعها على عنقو بابتسامة: غيموت بالفقصة دابا ههههه

البوص: متيهمنيش!..بغيتك ترجعي لعندي غدا بالليل و لكن ماشي للمكتب (هبط صبعو لفتحة صدرها)

وصال شافت فعينيه: خلي ليا العنوان و نجي عندك فينما كنتي غير هو (حطات يدها على صدرو) ماتنساش ولدي!

البوص: انا متأكد بلي دراغون غايخليه ليك مقابل يخرج من الورطة لي تحط فيها معايا..

وصال: تنتمنى هادشي و دابا خاصني نمشي تشرفت بمعرفتك ا مستر (باستو فحنكو و نطقات بكل أنوثة ملحنة اسمو) تايلر

البوص تسند مع الفوتوي متربع فيه تيحك فصدرو لي مدلية منو سلسلة ذهبية غليضة و نطق سميتها بكل شغف حتا تسد لباب و هوا باقي ساهي جيهتها...

جايك فالمكتب ديالو غادي جاي شاد فالسمطة د السروال..عروق ذرعانو خارجين من التيشرت فيديه لموشومين..حتا تحل لباب و دخلات واحد البنت هازة معاها مذكرة بطابليتها لبيضة...

جايك تلفت ليها: فين الولد؟؟

المربية: كيفما امرتي ا مستر.. مشيت نجيبو ولكن الكاردز منعوني قالو بلي جاوهم اوامر من البوص..(هزات عينيها فيه) البوص لكبير..تيقولو بلي لولد غايتعطا ليه..

جايك بإبتسامة مريبة: شكون قالها؟؟

المربية: جا واحد المبعوث من البوص.. ايدگار يدو ليمنية.. و لكاردز تاعنا خايفين منو و طلبو مني نمشي..خايفة ياخدوه ا مستر..!

جايك مزادش لهضرة خرج و مشا نيشان للمصعد حتا هبط للجناح الخاص بالبيبي دفع لكاردز و دخل..لقا لبيبي بوحدو فلبيت عاد بدا تيبكي..بقا تيتلفت حتا دخل واحد من لكاردز حاني راسو..

جايك: حسابي معاكم من بعد..فين ايدگار؟؟

الكارد بعد من لباب و دخل المبعوث مربع يديه تيبتاسم و ففمو مركب سنة ذهب...

جايك اشار للكارد يسد لباب و خلاهم بوحدهم...

فالمكتب الراقي د البوص كان جالس تيكمي السيكار ديالو و تيفكر ف وصال حتا تفتح لباب و دخلو زوج د لكاردز هازين بين يديهم كونة اطفال..وجههم صفر و الكونة مغطية ب ايزار بيض شفاف...