⛓👱‍♀️صنع مني دميته👱‍♀️⛓|مكتملة✨️

4

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 31📖💜
المستر: تبييض الاموال هوا ملي تتشري ليه شي سلعة بفلوس مهربة و ديك السلعة تتولي حلال عليه.. متنسايش بلي الا بيضتي ليه فلوسو راه تيتضاعفو حيت تيخدمهم فالتجارة باش يبعد على الشبهات.. و تتولي نتي تاخدي فقط الفتات لي بغا هوا.. ايفانا.. لخدمة لي درتي دابا اخطر من التبييض حيت وجهك فالجرائد من الذكاء تاعك انك تنكرتي ولكن خصك تلعبي لعبتك و تبعدي على تورينتو..
جيهان: كيفاش لعبتي؟
المستر: تورينتو تيوهم الناس لي معاه بلي متيديرو والو ولكن ملي نتي قدرتي تشفري تحفة و تهربي بيها بلا متخلي اثر راه تقدري تخدمي بوحدك
جيهان عطاتو بالظهر شادة فصدرها..
المستر تيقرب منها جا موراها تيهمس: اصلا لفلوس لي غنعطيك ماعمرك غاتحتاجي تخدمي مزال..
جيهان تلفتات ليه: شحال؟
المستر بتاسم و جبد زوج فاليزات حطهم قدامها: الكوفرات كلهم تحت يديك ايفانا.. عمري لي بغيتي منهم..
جيهان تلفتات للكوفرات الوسطانيين و لتحتانيين لي كلهم مدكسين بالدولارات و تلفتات للمستر لي مبتاسم...
جيهان: من بين المميزات ديالي ا مستر ملي تنشوف لون الدولار عينيا تيلمعو شوف غاتخلي ليا زوج دقايق نجمع هاد لخير ههه
المستر جلس تيشوف فيها بابتسامة...
جيهان حلات الفاليزات بزوج تتعمر فاللولة حتا سداتها و حلات الثانية تتعمر حتى سالات و جراتهم مثقلين عليها..
جيهان حيدات لخاتم شافت فيه و باستو: فعلا تنحلم يكون عندي خاتم الماس ولكن متيهمنيش يكون تحفة.. اليكس خودو و بكل حب عطيه لمرتك..
المستر وقف و مد يدو ليها سلمات عليه..
المستر : تتعرفي فين غتلقايني الا حتاجيتي اي حاجة..
جيهان غمزاتو: انا غانبدل لمدينة ا مستر تهلا..
جيهان طارت بالفاليزات و خينارو دخل عند المستر..
خينارو غمز المستر: كيف جاتك السلعة؟
المستر: واو.. غاتعجب انجيليكا ياك؟
المستر طلع الخاتم للضو تيشوف فيه..
خينارو: اكيد مستر...

يزيد دخل للمقر د جايكوب و لقاه تيشوف فصورة لوبي فالداتاشو...
يزيد حط محفضتو: جايك هانا جيت تنتمنا منكونش تعطلت عليك
جايكوب فاق من سهو: لا لقيتيني تنشوف فشحال من حاجة
يزيد شاف فصورة لوبي: هادي هيا الدمية ديالك؟ (قرب منها) تتبان بحال دمى الكراكيز باردة
جايكوب: شكلها تيعصبني بعد المرات ولكن كلشي من داك المختل هانك!
يزيد: و علاش تتعصب انا بان ليا شكلها تاع الدمى..
جايكوب: حيت كنت باغيها تكون سمراااء ولا بشرتها داكنة ماشي بيضة بل شهبة!!
يزيد: ااه رجعتي لمعتقدك السابق.. ولا اصلا متخليتيش عليه (ضربو فصدرو بلكمة خفيفة) خصك تتخلا على هاد التفكير و جلس عاودليا شنو قصة هاد الدمية لي بانت فجأة فلبلاك جاك(اسم المافيا ديالهوم)
جايكوب زيير على يديه: ماشي لخااطري!! (تنهد) القصة طويلة ولكن غنحاول نختاصر ليك
يزيد جلس و كب كاس: يالاه عاودليا هاد لبنت امتا و فين تعرفتو عليها؟
جايكوب: قبل 4سنين بدينا مشروع الدمية البشرية أو بالأحرى بداه هانك هو و الفريق ديالو باش يصنعو واحد الشريحة هي كيف قال لي غترد من البشر دمى على شكل اسلحة لينا..خدا ليه هادشي 4سنين من البحث و التطوير و التجارب باش غير يصنع شريحة مثالية و ينسخ منها عدد كبير من بعد قال لينا انطلاقا من دراساتو و استنتاجاتو من الأفضل العيينات لي غنجربو فيها الشريحة يكونو مراهقين و سطر على مراهقين عندهوم سوابق حيت غيتعلمو دغيا بلوس الصحة و الجسد باقي شباب و نتا عارف فين غنلقاوهوم
يزيد: يس فالإصلاحيات و لكن علاش جبتي عينات من المغرب ا جايك؟
جايكوب: حيت تمنيت حلم فادر أو الدمية تكون تتحمل أصولي انا بلوس لي قلتو قبل على الشكل ولكن هاانك ولد الكلبة دخل عيينات من البيض بلا خباري و منهوم هاد لوبي! صدقات هي لي نجحات فيها العملية و كلشي مات أو وقع ليه خلل
يزيد حط لكاس: شفتي ا جايك هادشي تيدل على ان القدر باغيك تبدل النظرة تاعك المتعصبة للبيض
جايكوب عقد حجبانو: مايمكنش نبدلها و نتا عارف انك نتا و فادر حالة خاصة!!
يزيد: ههه صافي المهم لي بغيتك تعرفو اني غدا فالعشية غانسافر لكاليفورنيا باش ندرس شبكات الكاميرات تما..غاندي معايا المخطط لي صاوبت
جايكوب: ولكن ماشي بكري؟ لوبي مزال ماتعلمات!
يزيد: هادشي فيه لخدمة بزاف.. خصني نتلاقا بشي ناس تما عندي معاهم علاقات و ندرس تحركات سيمون.. الموضوع اكثر تعقيد من كيفما تنتصور
جايكوب سكت لثواني و نطق: تنتخيلها فشلات!!
يزيد: واش ممتأكدش من قدراتها ا جايك؟ شكون لي خلاك تدخل هادشي ماشي من عادتك تدخل تجربة مشكوك فيها؟؟
جايكوب: على قبل حلم فادر فقط! انا لدابا تنتعجب كيفاش المدة لي عطاه الطبيب يموت فيها ماماتش و عاش 4سنوات من بعدها هدا دليل على ايمانو الكبير و تشبتو بالحيااة باش يشووف السلاح لي ديما تيحلم بيه!
يزيد: عندك لحق.. فادر من ديما كان تيدوي على هاد المخطط و تنتمنا فعلا ينجح.. انا غندير كل جهدي نضلل الكاميرات و يمكن ليها تنفذ العملية بكل امان
جايكوب: تانكس برو نتا الشخص الوحيد لي تنتيقو فيه الى تعلق الامر بالكاميرات
يزيد بتاسم حتا صونا تلفونو و شاف رسالة صوتية وصلاتو من بريندا...
يزيد وقف: تنضن كلشي واضح دابا نستاذن منك نمشي..
جايكوب حرك ليه يدو: تفضل...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 32📖💜
يزيد خرج برا و طلق الرسالة لي فيها غير تخرخيش متسمع والو.. و مشا مسرع فخطواتو حتى ركب طونوبيلتو مديماري بسرعة من تما...
بريندا بطابليتها واقفة قدام لكونطوار و المدير بالكوستيم ديالو البني واقف حداه رجل حاني راسو بطابليتو...
المدير: واش احسابليك غاتديري هنا مابغيتي المكلف تشكا ليا منك ديما الغيون تاعك مافيه حد حتا لكليان مبقاوش تيجلسو فهاد لكراسا مع العلم هنا كاين منظر النافورة و البلكون كبير..
بريندا: شاف غير سمعني راني كنت عيانة بزاف مقدرتش نفيق و نجي فلوقت و فالايام الاخرى راه تنمشي نزور ماما لي فالسبيطار عذرني غير هاد المرة
المدير: عذرناااك حتى طبنااا بالأعذاار بزااف للصبر حدددود الى ماقدرتيش على الخدمة خليها لماليها!
بريندا: تنواعدك (باست زوج صباعها اشارة القسم) تنقسم ليك معمرني منتعطل انا محتاجة لهاد لخدمة مستر
المدير: ما بقا لا قسم لا والووو صااافي طلعتي ليا فراسي!!!
بريندا قربات منو: مستر غا سمعني راه محتاجة للخدمة بزاف نتا عارف بلي حتاواحد مغيخدمني معندي لا شواهد لا والو
المدير: ديك الهضرة ولات كاسيطة فودني سمعتييي و داباا خرجي عليا
بريندا قربات منو بغات تمد يدها لذراعو و هو يدفع ذراعها و جر طابليتها من صدرها ولاحها بعيد...
بريندا حطات يدها على صدرها لي فيها جرحة صغيرة بالخاتم النحاسي تاعو...
يزيد بخطوات سريعة هاز سوارتو عاد وصل و قرب منهم...
يزيد: اش واقع هنا؟؟ شكون نتا باش تمد يدك عليها!! (دفعو)
بريندا تتشدو: عافاك خليه راه بغيتو يسمح ليا..
المدير: مكاين لا مساامحة لااا الزمر براا عليا من مطعمي!!!
يزيد ضربو بلكمة لوجهو حتا زدا ليه جبهتو مع لكونتوار و طاح سخفان.. مولات جهة لبار جات مخلوعة تتفيق فيه...
يزيد: واش هادا هوا لي بغيتيه يسمحليك و تبقاي عندو؟؟
بريندا: راه معندي فين نخدم (دموعها تيهبطو) دابا ياكما قتلتيه؟ (تتلفت ليه)
يزيد شدها من يديها و جرها غادي مخرجها من تما: الخدمة مغتحتاجيهاش و نتي معايا!!
بريندا تتشوف فيه: يزيد نتا ماعارف والو..
وقفاتو حدا الريسطو: انا محتاجة نخدم على قبل الدار راه مبززين عليا نبقا نسيفطلهم لفلوس و ختي الصغيرة محتاجة الدوا..
يزيد: ولكن ياك قلتي بلي نتي من دار كبيرة؟؟
بريندا بدموعها الهابطين: هاداك راه المجد د دارنا.. بابا خسر كلشي فلقمر و بقات لينا غير السمية وانا مضطرة نخدم باش نبقا نرجع نشوف ماما و ختي الا موصلوهش لفلوس غايسد عليا لباب..
يزيد حط يدو على كتافها: يالاه معايا لداري دابا رتاحي و من بعد ندويو
بريندا تمشات معاه حتا دخلات طوموبيلتو و ديمارا بيها للشقة تاعو...