⛓👱♀️صنع مني دميته👱♀️⛓
للكاتبتين✒: Victoria Kaelin و Mina Ab
💜📖الجزء 75📖💜
جايكوب مدوز يدو على شعرها: كان عندي واحد الصديق..(نعسها على صدرو و تنهد) هو صديق طفولتي..جينا انا وياه ل لاس فيغاس اول مرة..كان صاحبي يتيم الأب..تنظن مغتكونيش عارفة طعم اليتم على الأقل دابا(باسها فراسها)...
لوبي طلعات راسها بخفة لعندو...
جايكوب: صاحبي مات باه و هوا فكرش مو عاش الفقر حيت عمامو خداو منو كل ما تيملك..ماكانش تعرف على باه الا عن طريق الصور..كلشي خداوه عمامو..مو لي بقات تتخدم من بلاصة لبلاصة باش تجيب الماكلة د يومهم(تيحك شعرها بشوية)
لوبي طلعات راسها و عينيها تيلمعو...
جايكوب: صاحبي فصغرو كان تيحلم يهاجر و يخلي الارض لي عاش فيها داك الفقر و الاهم يقدر يعتق مو من الحفرة لي تحطات فيها و العذاب لي داز عليها...
لوبي شافت فيه: واش انا هاجرت ولا انا من هنا؟
جايكوب هز يدها حطها فوق قلبو: نتي من هنا!!
لوبي حنات راسها مخشية بين اضلاعو...
جايكوب زيرها لعندو: للاسف الام ديالو ماتت و مقدرش يحقق ليها ولو جزء بسيط من احلامها..و قرر ميبقاش يواجه..الام ديالو لي كانت سبب عيشو ماتت و طاح فالمخدرات و السرقة
لوبي: كيفاش مخدرات و سرقة؟
جايكوب: المخدرات مادة تتدوخك و تنسيك لفترة و مفعولها تيمشي تيخصك تاخدها ثاني..
لوبي: واش المخدرات لي درتو ليا حتى ماكنتش عارفة راسي؟
جايكوب: نتي دابا هكا خصك تكوني و هادي شخصيتك و هادي بلاصتك حدايا..المخدرات مادة تتشرا و تتخلي مولاها مدمن عليها عكسك نتي
لوبي: و واش ولا مدمن؟
جايكوب بتاسم بسخرية: صاحبي كان ذكي..كان تيبيعو و تيعرف يتعاطاه بلا مايوصل لدرجة الادمان ولكن كان تيحتاج لفلوس باش يشري السلع و كايضطر يسرق..
لوبي: امم و السرقة هي بحال فاش جبت USB ديال سيمون ياك؟
جايكوب: لا.. ل USB ديال البلاك جاك رجعات ليها ولكن لعيالات لي حاول صاحبي يسرقهم كان تيهز ليهم صيكانهم ولا مجوهراتهم
لوبي عقدات حجبانها: هادشي مامزيانش
جايكوب بابتسامة: هاد الدرس تعلمو مع اخر امرأة حاول يسرقها
لوبي: و كيفاش تعلمو؟
جايكوب: المرأة لي تلاقا بيها كانت اقوى منو..قدرات انها...
#فلاش_باك
فقدام شركة كبيييرة خاصة بالمجوهرات..الظلام طايح و الدنيا خاوية بحكم المكان لي بعيد على الديور و العمارات حتى خرجات امرأة شابة أنيقة هازة راسها ضاربة لكلاس و فيديها صاكها غادية تشد طونوبيلتها فالباركينغ حتى حسات بشي واحد موراها...
غير ضارت و هو يحط ليها موس على عنقها و زداها مع الطونوبيل: حطي الصاك و المجوهرات لي فيديك..و حتا السلسلة لي فعنقك...
البنت عقدات حجبانها: حييد الخرا على عنقي
الشاب: قلتليك حطي مجوهراتك بلا منبقا نتعصب معاك (الشاب تيتلفت ليمن و ليسر)
و فاللحظة فاش تلفت ثواني كانو كافيين تضرب يديه حتى طاح الموس و هزات رجليها محييدة منها طالون كعبو عالي حطاتو على عنقو مزييرة على سنانها....
البنت: شنوو دابااا نخشيه فالقرجوطة ديالك ولا شنو؟؟
الشاب توثر ماعرف باش تبلا حاول يهز الموس من لرض...
البنت ركلاتو دافعاه بعيد برجليها: بلا ماتحاول دابا قول ليا شكون لي غيصفيها ل لاخور دابا اممم؟؟
الشاب هز يديه بزوج: صافي..صافي..خليني غير نمشي
البنت بنضرات شك: دابا كون كانت بلاصتي شي بنت خرى من ديك الشركة! ااا دوي؟؟؟!!!
الشاب: صافي سمحيليا دابا غاتدوز السطافيط و مافيا مايتكلاصا..
فجأة تسمعات صوت سطافيط جاية بعيد و هي تجرو من قبو و طالونها على عنقو حتى تخباو مورا طونوبيلتها...
البنت شافت فيه: شششش ديما تيدوزو من هنا
الشاب: انا مخالط السيكتور كثر منك..
البنت ضحكات: ههههه كون كنتي مخالطو كاعما تحاول تكريسي فبلاصة تدوز منها سطافيط هههه
الشاب: شكون نتي؟؟ مخفتيش مني لانخسر وجهك؟؟ كيفاش هاجمتيني؟؟ (تيهبط فيها)
السطافيط دازت و البنت طلعات راسها منوضاه معاها...
البنت: ههههههه الخوف بك*رو تيخاف مني انا يمكن ليا نقولك بلي انا وحدة دازت من تجارب كتيرة مايمكنش عقلك يستوعبها ماعلينا قول ليا شنو لي وصلك للكريساج الحطة لي درتي على عنقي ماشي ديال القتيلة يعني نتا ماشي قتال غير شفار
الشاب بلع ريقو: اه انا غا شفار..صراحة عمري قتلت (تيقاد القبية تاعو) كان خصني ننحارف باش ننسا تمارة لي دازت عليا..
البنت حييدات طالونها على عنقو و لبساتو: هكا مزياان خليتييني حفيانة(قادات شعرها) وي باينة فعينيك ماتحتاجش تقولها
الشاب: دابا انا منيش عليك من اللحظة فاش دخلتي للشركة د المجوهرات و نزلتي من ديك لحديدة.. و مشا ليا نص نهار دابا ماديت معايا حتا عشا ليلتي
البنت ربعات يديها و صاكها معلق فكتافها عاقدة حجبانها: دابا ماشي حشومة تقول هادشي؟! انا ماشي وحش(قلبات عينيها) زعمة غير فهاد الحالات اما مهم...(بجدية)قول ليا شحال بغيتي؟
الشاب باستغراب: زعما تدوري معايا؟..(تيتلفت) لي كان غا سربي عافاك حيت انا معروف عند لبوليس
البنت: ههه لسوء حظك تلاقيتي معايا متنحملش الزربة مالنا ا خويا بشوية عليا تابعاك مرا؟ تابعينك وليدات؟؟!!
جبدات ساروت و حلات الطونوبيل...
البنت حركات راسها: طلع يالاه
الشاب: لاا ياكما ناوية ليا على شي حاجة؟؟ صراحة نتي زوينة ولكن ماقاد على مشاكل..
البنت هزات حاجبها: كون كنت ناوية ندير ليك شي حاجة كون دابا كاعما تكون عايش حييد الشك كيفما حييدتو انا فاش لبست طالوني لي مابقاش فوق عنقك
الشاب حل الباب و ركب معاها...
#نهاية_الفلاش_باك
YOU ARE READING
⛓👱♀️صنع مني دميته👱♀️⛓|مكتملة✨️
Action⛔ممنوع الإقتباس جميع الأفكار و الأحداث من مخيلتنا الخاصة⛔ عاشقات قصص الهوس و المافيا و الفلوس و أكيد الأفكار الجديدة😌 جيناكوم انا و صاحبتي مينة بالجديد بعدما دازو سنين على كتابتنا لقصة بنات الميتم لي عجبات بزاف د البنات رجعنا هاد المرة بحاجة مغايرة...
