⛓👱‍♀️صنع مني دميته👱‍♀️⛓|مكتملة✨️

17

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 174📖💜
فشقة جيهان خرجات من الدوش للصالة مدورة عليها الفوطة و رابطة فوطة صغيرة لشعرها..فرشات ورقة كبيييرة فوق الطبلة و فوق الفوتوي بطاقة الدعوة لشركة ساعات عالمية...
جلسات تتسرح فالورقة لكبيرة كان تصميم غرفة العرض د الساعات الراقية و الثمينة حتى بتاسمات متبعة صبعها: جيهان غاتكون هادي فرصتك..ملي غانحط يدي على الساعات الثمينة د المعرض غانخرج من تما وانا من اغنى بنات الولايات و غانقدر نغبر من جايمس لي مخرج ليا نيابو!
جيهان وقفات متبعة صباعها فتصميم الشركة لي ملاصقة مع غرفة العرض حتى وقفات فمخرج كبير و صغرات عينيها: هادا مخرج د العلب الخاوية و لكراطن (تبعات بصبعها) الممر تيدي للموقف د السيارات فين تتكون الشاحنة د نقل السلع ولا الازبال..اممم..خصني غير نتصرف بذكاء و مبقاش بزاف و نولي من الطبقة البورجوازية ههه..
جلسات رجل على رجل و هزات كاطالوك د الساعات الجديدة لي غايتعرضو تتشوف فيهم و تتحرك بانطوفتها: امم هادشي زوين.. واخا الساعات كلهم بلكحل (تتقلب فالصور) تيبان ليا بلي زادو ساعات نسائية..هادو غانكون اول وحدة تلبسهم من المصمم ليدين جيهان ههه (سدات الكاطالوك و تفطحات فوق الفوتوي)...

فجناح لوبي..كانت خادمة واقفة تتقاد ليها حوايجها فالفاليزة اما هي واقفة ساهية قدام البالكون تتفكر فهاد التطورات و التغييرات الكبيرة لي وقعو فحياتها..هي دابا سميتها وصال و كايل هو الأب ديالها غتولي أم بعد أشهر و حاملة من حبيبها السابق جايكوب و دابا بمساعدة الأب ديالها غتختافي من هاد العالم المافيوزي باش تبدا حياة صحية هي و جنينها بعيدا على النزاعات و الأسلحة و تعيش تجربتها كأي أم عادية غير هو أم عازبة...
تسمع الدقان فالباب و مشات الخادمة حلات لقاتو كارد من ليكارد ديال طابق الإستقبال...
الخادمة: شنو بغيتي الميس؟
الكارد مد ليها دعوة: هادي دعوة وصلاتنا بإسمها
الخادمة شداتها من عندو و دخلات تتقرب من لوبي لي كانت عاطياها بالظهر...
الخادمة: ميس هادي ليك
ضارت لوبي بهدوء حتى لمحات جوا فيديها..مداتو ليها الخادمة و تراجعات حانية راسها تكمل توظيب الحقيبة محترمة خصوصيتها...
لوبي حلاتو تتشوف فالبطاقة و تتقلبها حتى مداتها للخدامة...
الخدامة خدات البطاقة تتبتاسم: هادي ا ميس دعوة ليك لحضور معرض ساعات..امم شوفي عندك توقيع شخصي د (الخادمة وجهها تبدل و شافت فلوبي)
لوبي: د اش؟
الخدامة بلعات ريقها تترمش فيها: مستر دراغون..راه عارض عليك للحفل لي غايكون بمناسبة الساعات النسوية (دورات ليها البطاقة) شفتي vip بسميتك ا ميس..
لوبي عقدات حجبانها: واش هدااا مريييض ولا شنو ياك تفاارق معاياا؟!!!
الخدامة تتشوف فيها حتى خطفات لوبي لورقة منها عاد غاتقطعها و حبسات طلعاتها تتشوف فيها..الخدامة رجعات لخدمتها...
بقات تتشوف فيها و تقلبها بين اصابعها مكتوب فيها تاريخ اليوم يعني اليوم غيتم المعرض..خرجات من الجناح و بقات غادية فالكولوارات حتى تلاقات مع ايس لي كان عاد جاي من واحد المهمة فمدينة خرى...
اييس شدها من ذراعها: لوبي؟ فين غادية تتجري؟؟
لوبي هزات فيه عينيها: مابقاتش سميتي لوبي سميتي وصال
ايس تيشوف فيها: اش واقع ليك؟؟
لوبي: ماعاودش ليك كايل قصدي بابا؟
ايس تيشوف هنا ولهيه وجرها حدا واحد الحيط فوقهم كاميرا: اش تتقولي؟؟؟ اشمن باك؟؟
لوبي: داكشي لي قال ليا و الفحص اجابي لي دار
ايس: تتقصدي بلي مستر كايل..كايل باك؟؟ بلاتي كيفاش وقع هادشي؟؟؟
لوبي: قال بلي ماكانش عارف حيت شحال هادي باش ماشافش ماما يعني لي فهمتو انه ماما يمكن ماقالتهاش ليه حيت قال بلي ماكانش عارف بلي عندو بنت
اييس دار يدو فوق الحيط و لوبي حداه قريب منها..هبط عينيه لعينيها: هادشي صدمني ولكن مستر كايل كان بحال الاب ليا و هادشي غايقربني منك..
لوبي هزات فيه عينيها: قصدك نكونو خوت؟؟
ايس حيد يدو ربعهم: فين غادية بعدا؟(بتاسم)
لوبي: غادية لعند ك... بابا راه قلتها ليك
ايس بعد و دازت للسانسور لي هبطها للطابق د مكتب كايل...
كايل تيهضر فالتلفون بعصبية حتى دق لباب و كمل المكالمة... سدو و حط التلفون: دخل !!
دخلات لوبي و تبعها ايس واقفين قدامو...
لوبي: وصلاتني هاد الدعوة(مداتها ليه)
كايل هز البطاقة تيدوز فعينيه حتى بتاسم بسخرية: واش هادا خرج ليه لعقل؟؟
لوبي ربعات يديها: داكشي لي تيبان ليا
كايل وقف و حط البطاقة فوق البيرو و تسند عليه: اش ناوية تديري؟
لوبي: قال بلي غيخليني نجي لعندو و نطلب المساعدة و غنكون مدلولة تحت رجليه دابا مسيفط ليا بطاقة vip باش نحضر لمعرض؟(بسخرية) تنظن هو لي ولا مدلول!
كايل وقف دار يديه فالسمطة: لا هو تيعرف اش تيدير..بغاك تجي لعندو غاتسماي نتي لي تابعاه ملي تقبلي الدعوة...
لوبي حطات صبعها على حنكها تتفكر:و الى مشيت مع شي رفقة؟ (مييلات راسها) طبعا راجل هادشي غيعصبو اخر مرة خلاه هادشي يجي برجليه لهنا
كايل بتاسم و شاف ف ايس: مخفتيش يدير شي ردة فعل؟ داك المريض المتناقض ميمكنش تعرفي اش غيدير (تيكب المشروب فكاس)
لوبي شافت فيه ببرود: اخر ردة فعل دفع ثمنها برصاصة فكتفو
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 175📖💜
كايل شرب و شاف فيها: اييس (غمزو)
ايس ربع يديه: فهمت ا مستر
لوبي شافت فيه: يعني ايس لي غيمشي معايا؟
كايل حط لكاس: بغيتك تحط عينك عليها..اي حاجة وقعات لوصال غانحملك مسؤوليتها..
ايس شاف فيه باستغراب من كلامو حيت بيين اهتمام كبير بيها: احم مستر واش بصاح...؟
كايل اشار براسو ب اه و رجع للبطاقة: ليوم؟
لوبي: ااه اليووم
كايل: غايرافقك ايس و غاتلبسي احسن ما كاين..بغيت العنصري يزيد يندم حيت مسيفطليك الدعوة!
ايس بقا ساكت تيستوعب الأمر هادشي صعيب يتقبلو العقل كيفاش حتى تحولات ديك الدمية لي بغا يستفز بيها جايكوب و يرجع بيها البلاكجاك و أملاك خوه لبنتو!!!...
لوبي ماحسات حتى بتاسمات بواحد الشر من كلامو لي حسات من خلالو فعلا بالنتيجة: اكيد راني وصال دابا ماشي الدمية لوبي لي صنعوها بيديهم!
كايل قرب منها و شد فكتافها: نتي دابا بنت كايل..من عائلة البلاك جاك الاصلية..بالدم.. ماشي بالتبني و السرقة بحال دراغون!
لوبي: مغنخليهش ابدا يفرح فحياتو! كيفما عذبني خصو يتعذب!!
كايل تمشا لخزانة زجاجية حلها و جبد منها فردي مع قرطاس و قرب منها دارو فيدها: خصو يكون معاك!!
لوبي شداتو من عندو: اكيد توحشت يكون السلاح معايا
كايل اشار بيدو: سيرو لا تعطلو..
لوبي خرجات و كايل شد ايس: رد لبال معاه..ردة فعلو ونتا مع وصال غاتكون متهورة..
ايس شاف فيه بنضراتو المتعطشة للقتل: تنتسنا فالنهار لي غتخليه ضحيتي الجاية!
كايل دار يدو فوق كتف ايس: غاتجيك الفرصة..صبر حتى ناخد المكتب د جوليان و نحط يدي على المقر..
ايس حرك ليه راسو...