⛓👱‍♀️صنع مني دميته👱‍♀️⛓|مكتملة✨️

14

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 145📖💜
جايكوب وسط الشارع تيضرب بالقرطاس فجميع الاتجاهات بعصبية و عروقو خارجين..حتا سالا لقرطاس عاد هبط يدو..فجأة وقفو حداه طوموبيلات كحلين و هو عينيه مستاقرين فلرض حتا خرجو منهم بزاف د الكاردز..حط يدو على طوموبيلتو مطلع فيهوم راسو: فييييييينننننن كنتووووووو؟؟؟ (هز القرطاس حتا شارجا لفردي و وجهو جيهة الشاف ديالهم لي حاني راسو) فين كنتووو؟؟
الكارد: مستر دراغون..الكاردز لي جاو معاك ثلاثة منهم ميتين وو و ووو
جايكوب : و و اااااش اااش؟؟؟؟؟
الكارد شاف فيه بحذر: لخرين ختافاو ا مستر دراغون
جايكوب خرج فيه عينيه و قرب منو حتى زييرو زاديه مع الطوموبيل و لفردي فعنقو: كيفاش ختافاو طلقق شرحلياااا كيفاااش؟؟..كيفاش تهزات لوبي هكاااا بلا منقدرو نتحركوووو؟؟ شررررررح!!!
الكارد: مستر..حنا مكناش هنا معرفناش شنو وقع بالضبط..تاصل بينا مستر يزيد و جينا للموقع
جايكوب هبط لفردي: يزيد!..لكاميرات!!
جايكوب ضربو بحافة الفردي لاحو بعيد و ركب طوموبيلتو بالزرربة مديماري من تما...

كايل فلبيرو ديالو حاط رجل على رجل ببرود و لوبي واقفة فزاوية مربعة يديها تتشوف فيه...
كايل تلفت ليها و بتاسم..
لوبي: واش غنبقاو هاكا؟؟
كايل شبك يديه: لا..انا موجد ليك حياة غاتعجبك بزاف..مغتبقايش دمية و غاترجعي انسانة بحالك بحال لي كانو حابسينك
لوبي: و شكون قال ليك انني باقة دمية؟ انا رجعت انسانة بفضل جايكوب مامحتاجاش للحياة ديالك
كايل ضحك بسخرية: ثيقتي بلي فعلا جايكوب باغيك؟..انا ونتي و كلشي عارف شكون لوبي بالنسبة ليه
لوبي عقدات حجبانهاا: جايكوب مستعد يبني عائلة معاياا سمعتي!!
كايل وقف: لوبي نتي بريئة بزاف..الشريحة لي دار ليك دراغون مقدراتش تمحي هاد البراءة و حتا عنادو و عنصريتو مقدروش
لوبي: ماتقولش عليه عنصري! هو تخلا على عنصريتو على قبلي!
كايل يالاه بغا يدوي و هو يتحل لباب...
الكارد دخل هاز ملف: مستر كايل..هادا هو ملف الميس لي طلبتي من فيليب يجيبليك
لوبي هزات فيه راسها و رجعات شافت فكايل: نتا منين جاك هدا؟؟؟
كايل هز الملف لاحو فوق لبيرو و شاف فالكارد: تقدر تخرج..
الكارد حنا راسو: مستر كايل..الكاردز د دراغون على برا باغيين المكافأة ديالهم عييت منحاول يرجعو لمن بعد ولكن خايفين و بغاو يبعدو فأسرع وقت..
لوبي خرجات فيه عينيها: الكاردز ديال جايكوب؟ مكافأة؟؟؟
كايل شاف فلوبي بنظرات جافين و جر لكارد لبرا ساد لباب عليها و ضار لعندو حتى قجو: واش هادشي تيتقال هكا فينما كان!! واش بغيتيني نقتلك؟؟
الكارد حدر راسو: سمح ليا مستر ماقصدتش
كايل طلقو بابتسامة: فيناهوما ياخدو مكافأتهم؟
الكارد: تفضل معايا مستر
كايل اشار بيدو للكاردز يحرسو المكتب و دخل للمصعد لي هبطو للطابق تحت ارضي فين واقفين اربعة د الكاردز تيقفقفو شي تيشوف فشي..
كايل دخل تيصفق ليهم: درتو خدمة نقية..نقية بزااف
الكاردز بتاسمو تيتسنااو فالمكافأة الخياااالية لي قتارح عليهوم كايل من قبل بالمقابل يخوونو الشاف ديالهوم "دراغون" و يقتلوو فكاردز معاهووم و يخطفو لوبيي لعندو...
كايل تيشوف فالديبو لي عامر اكياس مغلفين و بقا غادي تيتمشا قدام الاكياس كل مجموعة اكياس بالرقم ديالها مرتبين فصفوفا...
كايل توقف و تلفت ليهم: كيما كتشوفو هنا خمس مجموعات د الاكياس كل مجموعة فيها مكافأة و ليكم الاختيار د رقم من واحد ل خمسة (بتاسم)
الكاردز تيتلفتو لبعضهم بدات لخلعة تتسلل ليهم ولكن معندهمش اختيار حيت دراغون غايصفيها ليهم الا بانو قدامو...
كايل: طلقونا تنتسنا!!
نقز واحد فيهوم تيترعد: غنختار 1
كايل تيحرك فراسو و تمشا بخطواتو الثقيلة حتا حل السنسلة د الكيس و بتاسم تيشوف فيهم و تحنا هز بندقية صيد و حل جيب صغير هز منو الرصاص...
الكاردز بداو يرجعو اللور حتا من سلاحهم تيحيد ليهم قبل مايدخلو..
كايل بدا تيحسب فيهم و يحسب الرصاصات و حطهم فالبندقية..نيش البندقية مع راس واحد فيهم حتا فركعو و طاح بدون رحمة..قبل مايقدرو يهربو كل واحد كانت رصاصة من نصيبو بلا مايرمش ليه جفن...
كايل لاح البندقية فالكيس: الخيانة ابشع حاجة ممكن يديرها شخص (تلفت للكارد ديالو) بغيتك توجد جناح خاص ل لوبي..الى هربات ولا تآذات غانعتابرها خيانة منك..متلمسش حتا شعرة منها...
الكارد بلع ريقو بخوف بعد هادشي لي شافو...
كايل تابع الكارد بعينيه حتا دخل للمصعد و تسمعو خطوات فوق الارضية المعدنية..تلفت و تبدلو ملامحو لابتسامة...
كايل: Ace!! (معناه الجليد) آاايس..اخيراا جيتي...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 146📖💜
آيس تقدم بخطواتو الثقيلة و ملامحو الشقراء الباردة حتى وقف على كايل: مستر كايل..المهمة ديالي تمات بنجاح
كايل: بالطبع..متكونش ايس ذراعي ليمن الى فشلتي فمهامك
ايس حرك ليه غير عينيه الباردين الزرقين: سمعت فطريقي بلي تمات مهمة ضد داك العنصري؟
كايل شدو فذراعو: جا لوقت فاش غاندمو على الساعة فاش فكر يتحداني
ايس: اكيد غيندم قلت ليك من قبل نقتلو بيدي ولكن مابغيتيش...
كايل: لا..ماشي هذا هو الحل..لوبي معانا دابا و ملفها بين يدي و الخطة ديالي ابعد من اختطاف بسيط ولا قتل..ايس..بغيتك نتا لي تهتم بيها شخصيا!
ايس هز حواجبو: لوبي؟ شكون هادي؟
كايل: هادي هيا المهمة لي عاودو ليك عليها..تحفة ا ايس..عندي مشروع نرد منها عضوة فالمافيا ديالنا و قاتلة مأجورة محترفة
ايس دخل يدو فجيوبو: العنصر النسوي تيكون عائق فهاد المهمات ا مستر
كايل: نخاف لا تولي متشبت بيها ملي تشوفها هاه..(بابتسامة مستفزة)
كايل قرب منو حتا بدا تيسمع صوت لكارد و تلفت..
الكارد تيلهت شاد فعنقو لي معضوض: مستر كايل..دد ديك الدمية جعرات مقدرناش نشدوها..الدكتور المكلف و لفراملية بغاوك لفوق
كايل شاف ف ايس و جراو جيهة المصعد...