⛓👱♀️صنع مني دميته👱♀️⛓
للكاتبتين✒: Victoria Kaelin و Mina Ab
💜📖الجزء 120📖💜
جايكوب تيتمشا حتا وصل حداها..وقف شاف فيها لثواني عاد خرج و خبطات عليه بالباب...
تمشا للسانسور بعصبية تيورك على دوك الارقام حتى هبطو و وقف فأحد الطوابق تحل و دخل يزيد هاز لبيسي...
يزيد: هااااي جايكوب (مد ليه يدو) وا غبرتي..تنجي للمكتب د الكاميرات متنلقاكش!!
جايكوب مهضرش معاه و تم خارج من السانسور..يزيد تبعو من اللور...
يزيد: اش واقع ا جايكوب؟؟!
جايكوب تلفت ليه و صدرو طالع هابط بالأعصاب لي ركبات فيه لوبي ممولفش يتنازل ولا يحزر شي حد بديك الطريقة و هيا رافضة حتا تهضر معاه!!...
جايكوب: غادي للخدمة اش بغيتي؟
يزيد بهدوء: قبل ماتمشي دوز على المختبر صاحبتك وصاتني نقولها ليك
جايكوب رجع تاني للسانسور يشوف اش بغاتو سوكا...
بينما فالمختبر كانت نويل باقة محبوسة فغرفة فيه حتى تحل لباب تلاحت منو ميكة كحلة كبيرة و دخلات سوكا سدات لباب تتبتاسم...
سوكا مييلات راسها تتبتاسم ليها: مانسيتكش داكشي علاش نتي اول وحدة جيت لعندها و جبت معايا حتى صحييبك
نويل تتحاول توقف حتى طاحت فالأرض تبومبات: دابا واش رجعات المونيكة؟؟ اش بغيتي عندي واش قتلها؟؟
سوكا: كنتي باغية يقتلها ياك؟ ههه طلي شنو كاين فديك الميكا الكحلة و غتعرفي الجواب
نويل بلعات ريقها و طلعات راسها تتشوف فسوكا و فلميكة: لا.. لا خليني نمشي عافاك ياك قلتليك لي كاين..اش مزال بغيتي؟؟
سوكا حلات يديها ببراءة: و حتى انا قلت ليك غير طلي على الميكة الكحلة
نويل بتردد وقفات على ركابيها تتحنا بشوية حتا حلات لميكة بشوية فلول مقشعات والو حتا زادت حلاتها و رجعات اللور: اش هادشي؟؟ شكون؟
سوكا: ياك نتي بنت صانع البلاك جاك جمعي شوية د الزعامة و طلي مزال تعرفي شكون
نويل شادة صدرها شداتها التقية: منقدرشش
سوكا تحنات بتعبيرها د الامبالاة تتقلب فالميكة بحالا تتحرك فالقرعة د العيالات فاش تيوصل لافان
الشهر حتى حسات بالشعر و هي تجبد الراس: ها لي قلت ليك طلي عليه
نويل قفزات مخلوعة مخرجة عينيها بصدمة و قلبها غيخرج من بلاصتو بالخوف: ل ل لوكاس؟؟
سوكا رجعاتو للميكة و هزات يدو لي باقي فيها خواتمو تتلعب بيهوم و هي تدوي بكل برود: اش بان ليك تبعيه؟
نويل غتموت بالخوف: اشنو بغيتي مني مزال راه هوا لي برزطني باغيها حيت مريض بالرجلين د العيالات انا فلحظة غضب و صافي خليني نمشي
سوكا يالاه جبدات الشاقور ديالها و هو يتحل الباب كان هانك و موراه جايكوب...
جايكوب دخل شاف فسوكا و هز عينيه ياربي السلامة بواحد الشوفة فنويل باينة عاود ليه هانك كلشي فالطريق...
نويل: جايكوب عتقني من هادي راها سايكوباط تنقسم بالرب ماعندي علاقة بلي وقع ل لوبي
جايكوب شدها من عنقها حتا بداو عروقها يتنفخو: نتي اكبر *حبة نشوفها!! منافقة و خصك تموتي على يديي!!!
سوكا خرجات شفتها التحتانية بحال الدراري الصغار: وا عاد كنت باغية نقطعها حتى هي تلحق على صحيبها!
هانك خلاهوم و مشا...
جايكوب: لا انا غانقجها بيدي..قولي ليا اش دارت ليك لوبي؟؟؟
نويل ماقادراش تدوي حيت قاجها فقط تتقاوم و تتحاول تنفس...
سوكا هزات حاجبها: راه المحروقة باينة تتغير منها حيت زوينة عليها و حسن منها ههه
جايكوب تيزدي نويل بعصبية مع الحيط و راسها تيتخبط حتا سال منو الدم...
نويل: اااااييييي جايكوب عافاااك سمحليا تنترجاااك ايييي
جايكوب وقف فلحظة تيحاول ما امكن يتحكم فأعصابو و غوت فوجهها: غاتخليني ننساااا شكون نتي!!!!
سوكا: غير خلي الزمر و خلي بحال هاد الشغل لماليه(هزات الشاقور) غنبدا من ديك الترمة يا النملة
جايكوب طلقها و طاحت فلرض شادة فراسها لي تقسم بداك الضرب...
جايكوب: سوكا..منقدروش نقتلو هاد الق*بة للأسف منقدرش!! (زير على يدو فاش تفكر وصية فادر)
سوكا هبطات حجبانها: و شنو فيها؟ (حطات الشاقور و جبدات الفردي) اه بغيتي ليها موتة ساهلة ماشي مشكل
جايكوب: لا ا سوكا (جا قدامها) هاد ال*حبة راها من تريكة فادر منقدرش نصفيها ليها
سوكا بتاسمات مييلة راسها تطل عليها: ولكن غنصفيها ليها انا
جايكوب شد فيد سوكا لي فيها لفردي: خليك منها راه عندي مشكل اكبر منها..الكلبة غانسيفطها للمصنع تاعها تعيش بين القرطاس! (تلفت ليها و هيا تترجاه براسها) مغانبقاش نشوف كمارتها فالبلاك جاك!!!
سوكا ناضت: اممم بصراحة انا حلولي فيها غير القتل و السلخ و الدبح ولكن مهم تيبقا الأمر تيخصك و انا هنا غير باش نعاون (هزات يديها ببراءة) و صاافي
جايكوب: مضطر نخليك..تابعاني الخدمة فالشركة حتى هي..(بجدية)سوكا متقتليهاش راه تنعرفك!
سوكا خرجات شفتها التحتانية تتخنزر فنويل و شافت فيه ببراءة: لا ماتخافش اصلا خصني نمشي نشوف لوبي كيف بقات و من بعد ناكل شي حاجة ويلي من الفطور ماكليت
جايكوب خرج و تبعاتو سوكا اما نويل بقات تهرس فالانابيب حتا دخل عليها هانك غير شافتو خنزرات فيه و خرجات خابطة بلباب...
⛓👱♀️صنع مني دميته👱♀️⛓
للكاتبتين✒: Victoria Kaelin و Mina Ab
💜📖الجزء 121📖💜
جيهان خارجة من ال spa بعدما دارت الميك اب و الماساج غادية تتضرب بصاكها و طالونها حتا تصدمات و خرجو عينيها بالرجل الاخير لي توقعاتو يجي قدامها...
تورينتو: شحال زيانيتي واه واه هادشي كلو فلوس أليكس ولا شي ضحية خرا؟؟؟
جيهان رجعات خطوات للوراء: بعددد مني ولا غنغووت نجمع علييك الناس
تورينتو: من نيتك؟ قرطاسة وحدة و غانفضي معاك..طلعي !!
جيهان مزييرة على صاكها يالاه غتغوت و هو يهجم عليها ساد ليها فمها و لاحها فالطونوبيل...
YOU ARE READING
⛓👱♀️صنع مني دميته👱♀️⛓|مكتملة✨️
Action⛔ممنوع الإقتباس جميع الأفكار و الأحداث من مخيلتنا الخاصة⛔ عاشقات قصص الهوس و المافيا و الفلوس و أكيد الأفكار الجديدة😌 جيناكوم انا و صاحبتي مينة بالجديد بعدما دازو سنين على كتابتنا لقصة بنات الميتم لي عجبات بزاف د البنات رجعنا هاد المرة بحاجة مغايرة...
