انتقام كوبرا "الجزء الاول والثاني"( الرواية الاولى من سلسة روايات انتصار انثى)

الفصل الاول

الفصل الاول ❤️

في احد الأحياء في القاهره تستيقظ بطلتنا الجميله علي صوت المنبه الخاص بها لأنها تعيش بمفردها بعد ان تركت عائلتها لتسيقظ بكسل وبرود وتذهب للاستحمام لتتذكر معاملة عائلتها لها عندما كانت صغيره
فلاش باك منذ 10 أعوام
كانت سيلا في ذلك الوقت في 15 من عمرها في الصف الثالث الاعدادي
تستيقظ سيلا علي صوت والدتها المزعج والذي تكرهه
والدة سيلا «غاده» بصوت عالي:انتي يا زفته ياللي اسمك سيلا قومي قامت قيامتك اصحي خليكي تجهزي الفطار
ثم ذهبت وقامت بفتح الشباك لتدخل أشعه الشمس وتنزعج سيلا بسبب الضوء فهي تكرهه الضوء كثيرا
سيلا بغضب:يووووه بقي عليكي ياماما انا عايزه انام
غاده بغضب:ليه ياختي مكفكيش نوم كل وده قومي يابت اتحركي الساعه 9 وانتي لسه مكانك
سيلا:لا مكفنيش نوم هو فيه حد بيصحي بدري كده...وبعدين انتي قولتي الساعه9 مش 12
غاده بغضب:اااهههه ما كله من التليفون اللي سهرانه عليه لحد الفجر
سيلا:يووه هو كل حاجه التليفون التليفون يا شيخه ده انا حاسه ان انا لو موت هتجيلي الترب وتقولي ان كله بسبب التليفون
غاده:وكمان بتردي عليا ده انتي عيله قليلة الادب بصحيح....لتقول والدتها وهي خارجه من الغرفه بصوت عالي: يكش تموتي الثانيه دي وارتاح منك ومن قرفك ياريتني ما خلفتك
سيلا:آمين يارب عشان أخلص منكم عيله تقرف ثم اكملت بهمس وثقه: ولا اقول يكش تموتوا انتوا انا لسه صغيره علي الموت والشرطه محتجاني
وقامت بإعداد الفطار.....علي المائده
والد سيلا «احمد»:انتي يا زفته ده منظر أكلايه الأكل اللي ميتداقش ده ايه القرف ده
سيلا بلا مبالاه:يابابا الاكل حلو اهو ماله بس
أحمد: هو ده منظر يعني حته الشاي عباره عن ميه سخنه وشوية سكر واحده فاشله صحيح
محمد اخو سيلا الصغير بضحك : يافاشله يافاشله يافاشله
معتز اخو سيلا المتوسط بضحك: بس يا محمد دي اختك الكبيره احترمها شويه ومتقولهاش يافاشله كده في وشها استني لما تمشي وبعدين قول اسف اسف
سيلا بصوت عالى: اخرس يالا انت وهو
غاده: بتزعقي لييه
أحمد: هما عملولك حاجه عشان تزعقي كده
سيلا بسخريه : لا طبعا معملوش حاجة دول ملايكه نازلين من الجنه مش بيعملو اي حاجه خااااالص... هما بس كل الحكايه ان هما بيقولولي يافاشله
معتز: وصايعه كمان هههههه
سيلا: ااااه قولتلي صايعه تمام بكره تشوف مين الصايعه دي... واسمع اما اقولك انت وهو انا مش فاشله مش فاشله فاهم حطها حلقه في ودنك
ثم وجهت كلامها لوالدها بهدوء كأنهالم تكن غاضبه منذ لحظات
سيلا: بابا بعد اذنك انا عايزه أروح عيد ميلاد صحبتي
احمد: لأ ممفيش فلوس وانتي مش راحه عيد ميلاد صاحبتك
سيلا: ليه
احمد: عشان انتي بنت ومفيش بنات بتخرج تروح في مكان
سيلا: بس انت قولتلي قبل كده لو عايزة تروحي عند صاحبتك في بيتها ماشي صح ولا لأ
احمد:ايوه صح
غاده:بس انا مش موافقه تروحي ايه عايزه تروحي بيوت الناس ليه ملكيش بيت يلمك ولا ايه
سيلا:لا والله هو كده يعني
غاده: ايون كده
سيلا: ما تتكلم يابابا
احمد: سيلا من الأخر كده انتي مش خارجه ولا راحه في مكان انتي بنت والبنات مش بتخرج من البيت غير كده تبقي قليله الادب وصايعه
سيلا: ااهه تمام ماشي....طب انا عايزه فلوس
احمد:لأ مفيش
سيلا:طب مانت لسه عاتي لمحمد ومعتز امبارح
غاده:روحي يا سيلا علي درسك
لتذهب سيلا لتغير ملابسها الي بنطلون اسود ضيق
وبلوزه تصل الي فوق الركبه بقليل
غاده:ايه الزفت اللي لبساه ده
سيلا وهي ترتدي حجابها
:قليلة الادب وصايعه بقي هه
ثم غادرت
نهاية الفلاش باك
تخرج سيلا من ذكرياتها وتنتهي من الاستحمام
وتذهب لترتدي ملابسها المكونه من جيب اسود ضيق تصل إلى الركبه وبلوزه كت وفوق منها جاكت جينز وترتدي البوت العالي الخاص بها الذي يصل طوله الي ركبتها تفرد شعرها خلفها لتصبح جمييله جدا
وتذهب الي الجامعه لأن اليوم هو اول يوم لها بالجامعه