Unicode
ကံကောင်းခြင်းဟု ဆိုရမည်လား
ကံဆိုးခြင်းဟု ဆိုရမည်လားပင်
Chanyeol မဝေခွဲ မဆုံးဖြတ်နိုင်တော့ပါ ။
နောက်နေ့မနက် မိုးလင်းလာချိန်တွင်
Baekhyun ဘာကိုမျှ မမှတ်မိ ။မမှတ်မိသည်လည်း ဖြစ်နိုင်သလို
မေ့ချင်ယောင်ဆောင်နေတာမျိုးလည်း ဖြစ်နိုင်သည် ။
သို့သော် Baekhyun သည် နေ့စဥ်ထနေကျအတိုင်းထ ၊
တစ်ကိုယ်ရေ သန့်ရှင်းရေးလုပ်ပြီး မနက်စာစားမည့်
စားပွဲ၌ လာထိုင်နေသောကြောင့် မမှတ််မိသည့်
ဟန်အမူအရာမျိုးပင် ။
အရက်နာကျနေသော မျက်နှာဖောင်းအစ်အစ်နှင့်
မျက်စိပင် သေချာမဖွင့်နိုင်ပဲ လည်ပင်းကို
ကုတ်ကာ သူအမူးပြေပဲပင်ပေါက်ဟင်းရည်
ချပေးလာမည်ကိုသာ ငြိမ်၍ ထိုင်စောင့်နေသောကြောင့်
ခန့်မှန်းရ ခက်လှပါ၏ ။' ညက ဘယ်လောက်ထိ မူးရူးနေလဲ ဆိုတာရော
မှတ်မိရဲ့လား ´ပဲပင်ပေါက်ဟင်းရည်ကို သူ့ရှေ့ချပေးရင်း မေးတော့
Chanyeol အမေးစကားကိုပင် ဂရုစိုက်မနေအားတော့ပဲ
မြန်မြန်ဇွန်းဖြင့် ခပ်ကာ သောက်တော့သည် ။
လက်တစ်ဖက်က ဇွန်းကို ကိုင်ထားရင်း
တစ်ဖက်ကလည်း လည်ဂုတ်တွေ ကိုက်ခဲနေဟန်
လက်နှင့် ဖိနှိပ်နေတော့ Chanyeol လည်း
ဘာမှ ဆက်မမေးနေတော့ပဲ အေးအေးသက်သာ
စားခွင့်ပေးလိုက်၏ ။ကိုယ်ကိုယ်တိုင်လည်း ပဲပင်ပေါက်ဟင်းရည်နွေးနွေးလေးကို
မှုတ်ပြီး သောက်ရန် နှုတ်ခမ်းတွင် တေ့တုန်းပင်ရိှသေး
လတ်လတ်ဆတ်ဆတ် မနေ့ညကမှ အကိုက်ခံထားရသော
ဒဏ်ရာက ရုတ်တရက် စပ်ဖျင်းသွားရ၍ အာ့ ခနဲပင်
ညည်းညူမိရသည် ။' ဘာဖြစ်တာလဲ အဲ့ဒါက ´
ထိုအခါမှ မျက်နှာချင်းဆိုင် ထိုင်နေသော
ကောင်လေးဆီမှ ခပ်အေးအေးထွက်ပေါ်လာသော
စကားသံကြောင့် Chanyeol မော့ကြည့်လိုက်တော့
သူ့နှုတ်ခမ်းကို မသိမသာ စူးစမ်းကာ ခပ်အေးအေး
ကြည့်နေသည်ကို မြင်ရ၏ ။
ဒီကောင်ကလေးက သူဘယ်လိုလုပ်ခဲ့သလဲ
တကယ်ကို မမှတ်မိတဲ့ပုံပဲ ။' ကိုယ့်ဟာကိုယ် မတော်တဆ ကိုက်မိတာ ´
' အော် ´