Hello, Stranger! [BID II] [BxB] [FIN]

Chapter IV

* Jandrix 

" Kapag ang girlfriend/boyfriend mo, nagbago. May bago. " - a random text message na nabasa ko sa mga unread text messages sa cellphone ko. 

Sabado, walang pasok. Dalawang araw na ang nagdaan simula nung ipakita sa akin ni Gray 'yung unti-unti niyang pagkawala ng interes sa relasyon namin. Alam ko naman kung kailan nanlalamig ang partner mo sa iyo eh . 'Yun ang edge ko kay Reggo. Alam ko kung kailan nagloloko ang partner ko. Hindi ako katulad ng ibang tao o noong mga fictional character sa mga novels na nababasa nang kung sinu-sino jan na kung kailan tuluyan ng naagaw ng iba, saka lang malalaman na wala na pala sa kanila 'yung taong mahal nila. Hindi ako ganun at hindi ko hahayaang umabot sa puntong ganoon. 

Nasa department store ako ng isang sikat na mall. Naisipan ko kasing bilhan si Gray ng damit. Siyempre, nanlalamig na nga diba? Alangang wala akong gawin. Wala namang naiwang gawain sa school at isa pa, ang boring sa bahay. 

Tuwing itatanong ko sa kanya kung anong ginawa niya sa mall noong Thursday, pilit niyang iniiba ang usapan. Last thursday kasi, nagkaroon ng emergency meeting ang Officials, Professors and Instructors at pati mga non-teaching personnels ng school namin. Kaya kaagad nilang dinismiss 'yung klase. Pumunta pa ako sa room nila noon para sana sabay kaming umuwi ni Gray pero wala na daw siya doon. Hinanap ko 'yung barkada niya pero wala na rin daw. A few minutes later, tinawagan ko siya and he said nasa mall siya. Wala namang amor 'yun sa mga mall e. Tapos bigla na lang siya nawala sa linya. I mean, yea nasa linya pa rin siya pero bigla na lang siyang hindi nagsalita. All I can hear is humming sa paligid niya. Parang wala siya sa mall. 

" Ah Miss, may medium kayo nito? " nakkaita kasi ako ng polo shirt na siguradong magugustuhan ni Hon. 

" Meron po sir. Teka, kunin ko lang po. " 

Umupo ako sa upuang nakalaan para sa mga customer ng department store na iyon ng biglang may mahagip ang mata ko.

Teka... is that... No! Imposible! Oo, alam kong babalik siya dito pero, really? Nandito na siya agad? Ang bilis naman yata.

Bigla akong napatayo sa kinauupuan ko at sinundan ko kung saan siya nagpunta. Sakto namang lumabas 'yung saleslady at tinatanong kung kukunin ko pa daw ba 'yung polo shirt na pinakuha ko.