Codename: Princess Trigger (COMPLETED)

Trigger 37 - The accident

[Edited Ver.]

The accident

Therbie's PoV :

Lalapit na sana ako kay Tammy pero nagtaka ako ng bigla akong hampasin nito at hindi biro ang mga hampas niya dahil masakit talaga. Kahit kailan talaga mabigat ang kamay ng pinsan kong ito.

Tammy: "Bakit walang tao dito?! Nasaan ang mga kapatid mo?! I can understand if Sofia's not here dahil alam kong nasa school siya pero si Troy? Nakoo~ Kakagaling ko lang sa ere pinapasakit ninyo ang ulo ko!"

Therbie: "Aray naman, Tams~!"

Tammy: "Ate! Ate Tammy, John. I'm 5 years older than you. Anyway, nasaan ang bugok mong kapatid na lalaki? Kanina pa ako nandito at wala talagang sumalubong sa akin kundi maids lang. Hindi ba kayo sinabihan ni Auntie Mel na pupunta ako ngayon? My gosh, don't me!"

Walang humpay pa na sermon ang inabot ko sa kamay niya. Natigil lang iyon noong bumukas ang pinto at pumasok si Sofia na naka-uniform pa. Nanlalaki ang mga mata nitong tumingin kay Tammy at lumipat sa akin tapos sa kanya ulit, paulit-ulit niyang ginawa iyon.

Sophia: "K-kuya Therbie.. m-may babae dito.. sa room mo..--"

Therbie: "No, Sofie! Mali ka ng iniisip. Si--"

Biglang sumigaw ng pagkalakas-lakas ang bunso na kahit ako ay napatakip ng tenga pero iba ang ginawa ni Tammy. Parang wala lang na nilapitan niya si Sofie at binatukan ito. Tumigil rin sa wakas ang bunso namin sa kasisigaw.

Sophia: "Bakit mo ako binatukan?! You have no rights to--"

Tammy: "I have rights, of course. Because I am the only daughter of Stella Romero-Velasco, Tammy Velasco, your cousin. Ang dirty minded mo, little girl."

Napatulala ito, na parang unti-unti pang ina-analyze ang mga narinig niya. Kalaunan ay nanlalaki na ang mga mata nitong napatingin kay Tammy.

Sophia: "A-ate Tammy?!"

Tammy: "The one and only."

Sophia: "Ate Tammy!!!"

Niyakap ng bunso ang pinsan namin at iyon naman ang naabutan ni Renz na kasama si Xander at parang nagtataka ang mukha nito. Noong nakita naman niya si Tammy na kayakap pa rin ni Sophia, napahinto rin ito.

Xander: "Huy gago! Anong nangyari sa'yo?"

Renz: "Shut up! ....a-ate Tams?"

Tammy: "Talaga bang nakakagulat na makita ako? My gosh. I guess nakalimutan ni Tita Mel na dito ako sa inyo ng one month for a vacation. But, hi to you, too, my cousin na bugok."

Renz: "Hindi na ako bata, ate Tams. Binata na kaya ako."

Xander: "H-hello po, ate Tammy."

Tammy: "Xander? Ikaw nga ba iyan? Ang laki mo na nga--ay hindi pala, medyo lang pala."

Napatawa naman kami sa hirit nito habang nakasimangot naman si Xander. Kahit papaano nasiyahan naman ako at nakita ko ang nag-iisa naming pinsan. Sa America na naka-base ang pamilya ni Tammy simula noong 10 years old palang ako at 15 naman siya. So it's been eight years since then.

Tammy: "Tara na sa dining area. I prepared something for you. Since wala akong ginawa kanina kundi tumunganga, nagluto nalang ako for my beloved cousins."