Codename: Princess Trigger (COMPLETED)

Trigger 30 - The revelation

[Edited Ver.]

The revelation

Belle's PoV :

Dumiretso agad ako sa clinic ng BDA at pinatingin ko ang braso kong nagka-pasa dahil sa tama ng bala sa vest ko kanina. Agad naman tiningnan ng nurse ang pasa at nilapatan niya ng cold compress ang pasa ko at kahit papaano ay nawawala naman ang pananakit.

Selene: "Akin na. Ako na hahawak mangangalay ka e."

Belle: "Nagpaalam ka na ba sa parents mo, Selene? Sa bahay ka matutulog."

Selene: "Oo ginawa ko na iyon kanina pa bago ako pumasok. Sabi pa nga ni Momma, she trust you naman raw kaya agad siyang pumayag."

Tumango nalang ako at nanahimik. Biglang pumasok sa isip ko ang mga nalaman ko kanina kay Mamita Rosa. Si Jerome pala ang gustong magpapatay sa akin. Hindi ko man gusto pero talagang nagagalit ako sa taong iyon. Pinatay niya na ang Papa ko, tapos ako naman? Pati pa mga mahal ko sa buhay idadamay niya? Hindi ko alam kung anong mapapala niya sa ginagawa niya at kung dahil pa rin iyon sa inggit? Haha, siya nalang ang magpakamatay. 

Hinding-hindi ko siya aatrasan. If he wants to kill me, do it on his own.

Napaangat ako ng ulo noong marinig ko ang mahinang pag-click sa pinto at noong bumukas iyon ay si Therbie ang pumasok. Nag-iwas ako ng tingin sa kanya at narinig ko si Selene ang bumati sa kanya.

Therbie: "Maayos ka na ba, Belle?"

Selene: "Ay naku! Iyong pasa niya nag-swell pero nilapatan na ng nurse kanina kaya medyo umo-OK na rin siya."

Therbie: "That's good to hear."

Naramdaman kong naupo siya sa kabilang side ng hinihigaan kong gurney at dahil nakatalikod ako sa kanya kaya hindi ko siya makita. But I can feel it, he's staring at my back, nagtatayuan kasi ang mga balahibo ko sa likuran. 

Belle: "Why're you here?"

Therbie: "Ang sabi mo mag-uusap tayo after ng training mo? By the way, congrats sa pagkapanalo mo."

Belle: "Hmm. Hindi ko dala ang kotse ko."

I heard him chuckling softly.

Therbie: "I know, Belle. Ihahatid ko kayo ni Selene, don't worry. Sa bahay mo siya matutulog, right?"

Marahan akong tumango at alam ko namang naintindihan niya na iyon. Noong namanhid na ang pasa ko sa lamig ng cold compress, pinaalis ko na iyon kay Selene at naghanda na rin para umalis. Gusto ko nang magpahinga at talagang hinihila na ako ng antok ko. Mabuti na nga rin siguro na wala akong dalang kotse dahil baka mapahamak kami kung mag-d-drive pa ako.

Therbie: "Alis na tayo."

Selene: (Yawns) "...mabuti pa nga. Hinihila na ako ng kama e."

Belle: "Psh."

Naglakad na nga kaming tatlo papunta sa exit na diretso rin sa parking lot, kung nasaan ang kotse ni Therbie. Sumakay ako sa passenger seat at sa back seat si Selene. Mabilis lang naman at nag-b-byahe na kami sa daan.

Therbie: "Oh, shit!"

Belle: "Why?"

Therbie: "Belle, pwede bang pumunta muna tayo sa bahay namin? May nakalimutan akong kunin doon e. Sa condo ako uuwi ngayon."