I am Your Lady Butler [Revised 1-25]

[24] - F i n d i n g H e r

Yarumi's

Gumising ako ng maaga para maghanda ng almusal ni Dray. Monday na naman ngayon kaya magkakasama na ulit kami sa school. Hindi padin kami nag-uusap tungkol sa nangyari noong isang gabi. Pakiramdam ko naging OA lang ako dahil basta na lang ako pumutak noong mga panahon na yun na hindi ko man lang siya tinanong kung saan ba siya nang galing at kung bakit siya na late.

Nanligo na muna ako bago bumaba. Nagluto ako ako ng scrambled egg at nag gawa ng club house sandwich. Kahit ako na yung nag-antay sa ulanan nung gabi na yun parang ako padin yung kailangan mag sorry. Nakakainis.

Nakarinig ako ng mga yabag mula sa hagdan at sigurado si Dray na yun. "Ehem." pagpapansin ko sa kanya.

Diretso lang siyang umupo sa hapagkainan, yung ibang maids naman inasikaso yung inumin siya. Umupo ako sa may gilid niya at sinulyap-sulyapan siya.

"Dray.."

"Yarumi.."

Nagkasabay pa talaga kaming dalawa, ang awkward tuloy. Ano bang bago away bati lang naman kami ng kumag na 'to.

"I'm sorry.."

"I'm sorry.."

Ano ba yan magkasabay na naman kami, sakit nito sa ulo ah. Tumango ako sa senyas na siya na ang mauna magsalita. Saglit siyang umubo ng konti, sarap sana pakainin nito ng bicol express yung tipong isang kilong sili yung nakalagay.

"Kaya hindi agad ako nakasipot nung gabing yun ay dahil umuwi ang parents ko, urgent kasi. I'm sorry dahil pinag-intay kita. In addition nga pala ang pangit mong magalit."

Sinasabi niya habang nakain nung ginawa kong sandwich! Napahawak naman ako bigla ng madiin dun sa tinidor ko walanghiyang 'to konti na lang isasaksak ko na sa kanya itong tinidor eh. Huminga muna ako ng malalim bago nagsalita.

"Nag over act lang siguro ako. Okay na tayo ah? Hirap mo pa naman kaaway baka di mo ako paswelduhin." tumawa na lang ako ng malakas pero sa loob loob ko napapaisip ako, ano ba talagang status namin?

Noon sinabi niya na girlfriend niya ako hanggang valentines pero this past few days di naman niya nauungkat yun. Butler nga lang talaga siguro ako at amo ko siya. Hindi kami pwede. Hindi pa naman ganun kalalim ang nararamdaman ko sa kanya infatuation lang siguro 'to pero bakit parang nakakaramdam ako ng matinding kirot sa puso ko?

"Ano wala balak tumayo sa lamesa? Pati plato balak kainin?" napukaw naman niya bigla ang atensyon ko kaya napatingin ako sa relo ko oras na pala para pumasok na kami. Tumayo na din ako at pumunta sa kotse para ipag drive siya.

Binuksan ko ang radio ng kotse para naman di boring. Malay ko ba kasi sa isang 'to di na naman umiimik. Tumutugtog yung kanta ni Justin Timberlake na Not A Bad Thing. Nice song.