လူတစ္ေယာက္၏ဘဝကို သိသိသာသာေျပာင္းလဲနိုင္ေစသည့္ ျဖစ္ရပ္ေတြက မၾကာခဏမျဖစ္ေပၚတတ္ေပ။ သို႔ေပမဲ့ ထိုသို႔အခ်ိန္ေရာက္ျပန္လွ်င္လည္း ရွိသမွ်ေသာအင္အားမ်ားႏွင့္ ႀကံ့ႀကံ့ခံလို႔ရင္ဆိုင္ရေတာ့သည္။
ေႏြဦးသည္ ထိုအခ်ိန္ကာလကို ထပ္ၿပီးျဖတ္ေက်ာ္ေနရျခင္း။
အၿမဲတမ္းသူ႕တိုက္ခန္းေရွ႕မွာေစာင့္ေနတတ္ၿပီး သူႏွင့္အတူအိမ္ထဲလိုက္ဝင္ဖို႔ ႀကိဳးစားေနသည့္ ဆယ္ေလးကို အသံတိတ္မသိခ်င္ေယာင္ေဆာင္ကာ ဆက္ဆံမိသည္။ ထပ္ၿပီးလာေနရင္ ငါအိမ္ေျပာင္းဖို႔ပဲရွိေတာ့တယ္ ဆိုေသာစကားမွာ ဆယ္ေလးကသူ႕ကို လုံးဝလက္လႊတ္လိုက္ဟန္ရွိသည္။ သူကလည္းသူပါပဲ...ဆယ္ေလးကို ေခ်ာက္ကမ္းပါးအစြန္းထိ တြန္းပို႔လိုက္တာ။ထပ္ၿပီး စီးကရက္ေတြကသူ႕ကို အေဖာ္ျပဳေပးသည့္အရာေတြ ျဖစ္လာသည္။
စားေပးမည့္သူမရွိဘဲ မုန့္ထုပ္ေပါင္းမ်ားစြာကို သူဝယ္သိမ္းထားမိတုန္း။
သူ႕ဘဝဟာ ေနေရာင္ျခည္မရသည့္သစ္ပင္လိုမ်ိဳး ေျခာက္ေသြ႕ေသဆုံးသြားသည္။ ဘဝကို ကိုယ္တိုင္ပိတ္ဆို႔ကာရံၿပီး ႏွလုံးသားကို ကိုယ္တိုင္ဖ်က္ဆီးပစ္သည္။
သူေနနိုင္ပါတယ္... သူအဆင္ေျပေနပါတယ္ ခ်စ္ရတဲ့သူကိုလက္လႊတ္ၿပီး ေမ့ပစ္
ေနနိုင္တဲ့ အေတြ႕အႀကဳံေတြသူ႕မွာအမ်ားႀကီး ရွိတာပဲေလ။အရာရာက ေႏြဦးေမွ်ာ္လင့္ထားသလို လွလွပပေလး ေၾကကြဲကာအဆုံးသတ္သြားသည္။
အန္တီေမခင္ဆီက ဖုန္းမလာခင္အခ်ိန္ထိ သူအဲလိုပဲထင္ခဲ့သည္။.................................................................
ဆယ္ေလးသည္ အိမ္ကိုလုံးဝျပန္မလာ။ ဘယ္မွာေနသည္ဆိုတာလည္းမသိရသလို တစ္ပတ္လုံးေက်ာင္းမတက္ေပ။ ဒီထက္ပိုၿပီးေက်ာင္းပ်က္ရင္ ေက်ာင္းတစ္ႏွစ္နားရလိမ့္မည္။ ဒီထက္ပိုသည့္ဆိုးက်ိဳးေတြျဖစ္လာမည္ဆိုလွ်င္ေတာင္ ဂ႐ုမစိုက္ဟန္ရွိသည္။
ေဒၚေမခင္ေရာ၊ လင္းမာန္ေရာ မိသားစုဝင္ေတြအကုန္ ေခါင္းမီးေတာက္ေနရၿပီ။ ဆယ္ေလးသည္ ထိုသို႔မေျပာမဆိုေပ်ာက္သြားဖူးတာ တစ္ခါလားပဲရွိဖူးၿပီး ထိုစဥ္က ေဒၚေမခင္ႏွင့္စကားမ်ားၿပီး၂ရက္ေလာက္အိမ္ျပန္မလာျခင္းသာ။ အခုတစ္ေခါက္ကေတာ့ ေတာ္ေတာ္ဆိုးသည္။ အဆက္အသြယ္လုံးဝလုပ္၍မရ။
ေဒၚေမခင္သည္ ေသြးက်ေဆးေသာက္ေနရင္းျဖင့္ သားေပ်ာက္ရွာေဖြေနရသည္။
YOU ARE READING
နွေဦးသည် နောက်တစ်ဖန်
Romanceပျော်ရွှင်မှု၊အလှတရားတွေနဲ့ အရာအားလုံး အသစ်တစ်ဖန် စတင်တဲ့အချိန်ကို နွေဦးလို့သတ်မှတ်ကြပါတယ်။ နွေဦးဆိုတာ ပြောင်းလဲခြင်းလေပြည် တွေ တိုက်ခတ်လို့ မျှော်လင့်ချက်တွေ အစွမ်းကုန်ပွင့်လန်းတဲ့အချိန်ပါ။ အကယ်၍ ချစ်ခြင်းမေတ္တာနဲ့ နွေဦးသာမရှိရင် ဘဝနေ့ရက်တွေက အလ...