GENAHSYDE. -A Jamaican Love Story.

ZIDANE!

Fi di past two weeks all mi do, a handle mi business and fuck mi woman...frass yuh fuck but still a gwan hole it. View nice fi di most part, like di place still a mourn Tony death. But still nah drop mi guard, a wen di place quiet suh mi haffi deh pan mi guard di most.

And done know di yard haffi get clean up now more dan eva.

Know say sum intimidation, bribery and money laundering a gwan pan di low, but dem deh a quick maths wah di dawg dem have lock.

Suh just a gwan focus pan expansion inna di business dem. Finish up a Ochi, start construction pan di Portland property and a wuk pan getting a casino license. Drop few casino cross di country same speed.

Di Atlanta deal fi smuggle in di weed fi medical use fall through. As well as a deal fi smuggle in two million GBP a cannabis inna di UK by early next year. Suh a pree fi get another one or two hundred acre fi get dat up and running quick and fast. Lans a show mi a pree say him waah tek him shipping company to another level and mi deh yah fi it. Ghana a say him have a few investment him waah run in pan and Boysie a pree di car rental business same way. Once di man dem have a dream or a goal just waah get di four one one and know di man dem serious bout di ting.

See di fourteen light up and mi baby name pop up.

"Wifey." Mi answer.

"Last time mi check nuh ring nuh deh pan mi finger...yuh coulda a call every woman suh fi all mi know."

"Yah move suh strong inna di day yah babes... how bout wid tie di knot tomorrow deh?" Mi joke.

"Need a classy proposal Zee wen di time cum..one fi books."

"Say nuh more."

It right round di corna have Miss Charmaine and Kins blessing already. Just waah get a few tings outta di way first.

"Anyways just did a call fi say hi"

"Hi." Mi smile.

"Your so wired."

"Love mi though."

"Too bad...cah help it."

"If yuh coulda?"

"Wouldn't want to."

"Good...how yuh day suh far?"

"It's ok...but mi woulda rather a ride yuh dick right now still." She say whispering di last part.

"Drive cum a di office cum gimme a quickie now den nuh." Mi tell har.

"Shoulda tell mi before mi break up."

"Haffi guh mek dat happen still...bless up di office enuh." Mi smile.

"How bout afta work?"

"How bout mi tek yuh pan a date...been a minute."

"Sound like a good idea...suh rain check pan di office christening?"

"Yea...rain check."

"Wah yuh say bout Miami?"

"Miami what?"

"Miami dinner?"

"Zee yuh di a smoke sumting?"

"Just waah flight mi woman out fi dinner... wah?"

"Babes yuh cah just spring tings like dis pan mi...wi need fi plan tings out."

"Kens dat a yuh problem babes...yuh need fi learn fi just live inna di moment...just do di do and nuh ova think di ting."

"But Zidane..."