Kens bed comfortable yuh fuck wonda if a dis why she waah cum home. Roll ova but she nuh deh deh. Fuck ...check mi phone nine twenty one am. Nuh normally sleep suh late but nah complain, cause a di most sleep mi get from week.
Use di bathroom and find har toothbrush stash. Wash mi face and brush mi teeth and start search fi har. Find har inna di kitchen weh di food smell a cum from.
"Good morning beautiful." Mi hug har from behind.
"Hey."
"Wah yuh a mek?" Mi kiss har pan har temple.
Leaning against di island mi tek har in. Inna waah lickle white top, burgundy high waist tights and sum fluffy funny looking slippers. Nuh sure how longa mi cah last wid out touching har.
Oops! This image does not follow our content guidelines. To continue publishing, please remove it or upload a different image.
"Ackee and salt fish."
Mi smile to mi self Kens nuh eat ackee suh mi know a specially fi mi.
"Wen yuh buy ackee?"
"Did have sum inna di frigerator always a cook it fi Mel."
Only Kendra feeding di nation. Talk bout Mel mi need fi link Lans.
"Oh ...suh wah yah eat babes?"
"Maybe egg or sum tin sum ting nuh sure yet."
"Ah. Yuh waah help wid anyting?"
"No mi good."
"Sure?"
She just nod har head. Fuck ...unsure wah fi do wid mi self. Mi decide fi link Lans.
Kens living room fully white out wid a lickle touch a black. Wen yuh in deh yuh nuh sure if yuh fi stand up or sidung down. Search fi di remote and mek mi self comfortable. Mi look through di sports channel dem think di gunna dem might a play today.
Oops! This image does not follow our content guidelines. To continue publishing, please remove it or upload a different image.
Couldn't tell wen last mi feel suh relax. Although mi nuh sure wah gwan wid Kens mi still feel at home. And mi realize any weh Kens deh dat a home fi mi.
Find di match and knock Lans him pick up pan di third ring.
