GENAHSYDE. -A Jamaican Love Story.

ZIDANE!

Two weeks now since di Dubai trip. And mi nah lie it eye opening, suh much life out deh fi live.
A nuh just guns, war and mek money. But life wah yuh cah just let guh and be free. Di smile mi see pan Kendra face throughout di trip pussyclat mi waah it stay deh permanently.

Forward back a View and mi nah lie di man dem hole down di grund pan a different level. Tings been a gwan good cah complain. Afta Shabba death every man quiet, but mi know betta dan fi get comfortable and fi got di main goal.

Just fahwud from West, drop a sum papers a di office and deh pan di endz a gwan hole a medz.

"Don yuh nuh have nutting pan yuh?" Ghana ask.

"Check Uncle Sunny just gi him sum fresh produces."

"Ah."

Haffi mek sure Uncle Sunny have di best ganja bout di place. Cah mek everybody else get a draw and mi yard nuh have access.

Talk bout Uncle Sunny nuh like how di man look. Look like him a cum down wid sumting talk to him, but him a say him good ...stubborn yuh fuck ...same man dem like Tony.

Best sum body fi talk to a Kens knock har she pick up instantly.

"Hey babyyy."

"Kens behave yuh self." Mi smile.

"Seriously mi just answer di phone Zee."

"Still do mi tings."

"Cah help it ...waah mi answer yow bredda." Wi laugh.

"Yuh really love gi joke."

"Suh y pree bredda?" She laugh.

"Kendra stop play wid mi."

"Cah please black people ...baby what's up?" Wi laugh.

"Hear wah gwan mi di a wonda if yuh coulda cum check pan Uncle Sunny afta work?"

Since Kens fahwud from vacation she tek ova mi office downstairs a work pan har Restaurant business. Pay one and two o'clock she a fahwud a bed, she serious bout it pan another level as should, but it like mi hardly have nuh time wid har between dat and work.

"WHAT HAPPENED?"

"Babes calm down a nuh nutting. Just dat him look like him a cum down wid a flu or fever or sumting."

"And that's nothing? Yuh know his symptoms?

"Nuh really him just nuh look him self."

"Where is he? Put di phone pan speaka."

Bossy yuh fuck mi laugh to mi self. One ting wid Kens nuh fuck around wen a serious business. Being obedient mi head inna di shop fi find Uncle Sunny.

"Man look fuck up." Ghana whisper to mi heading outta di shop.

"Uncle ...Kendra deh pan speaka." Mi lean pan di counta.

"Hey baby girl wah gwan? Cah see yuh sinc..." Him cough.

"Hey Uncle ...well mi just ago finish up here suh and cum look fi yuh, cause mi a hear yuh nuh look too good."

Uncle Sunny give mi a annoying tired look.

"Mi good man. Just a little cold it look like mi a ketch up."

"Nuh sound like a lickle one. How yuh feeling? Other dan di coughing any fever or feeling feverish or chills, sore throat, runny or stuffy nose, muscle or body aches, headaches or fatigue ...tirednes?"

"Mi good ma..."

"Uncle Sunny... "

"Kinda warm yea and mi throat feel a way to. "