uni
ဧကရာဇ် ရွာထိပ်က ခုံအဖွဲ့တွေကို ခြံထဲခေါ်လာပြီး တစ်ခါတည်း တစ်တန်းလေးခုံစီကာ ခြံအပြည့်စီခိုင်းလိုက်သည်။
ပိုက်ဆံတစ်ခါတည်း ရှင်းပေးလိုက်ပြီး ခုံတွေကတော့ သဘက်ခါမနက်မှလာသယ် ခိုင်းလိုက်၏။
"Ding!"
"ဟယ်လို ကိုသော်ဇင်"
"ဧကရာဇ်ရေ အမိုးလုပ်မယ့်လူတွေ ရွာထိပ်မှာ ရောက်နေပြန်ပြီ"
"ဟုတ် ကိုသော်ဇင် ကျွန်တော်သွားခေါ် လိုက်မယ်"
အမိုးလုပ်မယ့်လူတွေကို ခေါ်လာပြီး ခြံအပြည့်အတိုင်းပေးပြီး ချုပ်ထားတယ့်မိုးကာကို သေချာကာကြည့်ခိုင်းလိုက်ကာ အဆင်ပြေပြီဆိုမှ အကာကိုပြန်ဖြုတ်ပြီး ခြံနောက်ဘက်မှာထားလိုက်သည်။
ပြီးတော့ ချက်ပြုတ်မယ့်လူတွေအတွက် ယာယီတဲတစ်ခု ဆောက်ခိုင်းလိုက်၏။
နေပူရင်တော့ အပင်ရိပ်နဲ့ဘာမှမဖြစ်ပေမယ့် မိုးရွာရင်တော့ အဆင်မပြေတာမလို့ အမိုးလုပ်ရခြင်းပင်။
မိုးကာခရော ယာယီတဲဖို့ပါ ပိုက်ဆံရှင်းပေးပြီး အထာနပ်သွားတယ့် ဧကရာဇ်က ကိုသော်ဇင် ဖုန်းမခေါ်ခင် ရွာထိပ်မှာ စောင့်နေလိုက်၏။
ခနကြာတော့ light truckကားနဲ့ရောက်လာတယ့် အိုးခွက်ပန်းကန်တွေ။
ဧကရာဇ် နေရာလိုက်ပြကာ ငှါးခတစ်ခါတည်း ရှင်းပေးလိုက်၏။
အသားတွေကတော့ မနက်ဖြန်မနက်မှ လာပို့ခိုင်းထားသည်။
ခုံတွေ ပန်းကန်တွေ နေရာချတာနဲ့တင် ညနေ6နာရီကျော်သွား၏။
solar မီးတိုင်တွေ ခြံပတ်ပတ်လည် ထွန်းလိုက်ပြီး ခြံမှာစောင့်အိပ်ဖို့ လူရှာဖို့ပြင်ပြီးမှ သတိရသွားကာ သူ့ရဲ့မတော်ရသေးတယ့် ယောက္ခထီးကို ဖုန်းခေါ်လိုက်သည်။
"ဟယ်လို ဦးလေး"
"အေးပြောလေ သား "
"ခြံထဲက လူတွေက အခုချိန်အလုပ်ရှိသေးလား"
"မရှိတော့ဘူး သား ဘာဖြစ်လို့လဲ"
"သားခြံမှာ ဒီနေ့ညအစောင့် သဘောနဲ့ထားချင်လို့ အလကားမနေခိုင်းပါဘူး"
YOU ARE READING
PhoeNya
Romanceငါ့မွာ အားနည္းခ်က္ဆိုလို႔ မင္းကိုခ်စ္တာရယ္ မင္းထိခိုက္ဒဏ္ရာရမွာကို ေၾကာက္တာရယ္ပဲ ရိွတယ္ စစ္ ငါ့မှာ အားနည်းချက်ဆိုလို့ မင်းကိုချစ်တာရယ် မင်းထိခိုက်ဒဏ်ရာရမှာကို ကြောက်တာရယ်ပဲ ရှိတယ်...