uni
ဧကရာဇ် ဖိုးသားကိုနောက်မှာထားခဲ့ကာ ဒေါ်လေးစိန်တို့အိမ်ကို လမ်းလျှောက်လာခဲ့သည်။
'ဟား ညဧကရာဇ် ညဧကရာဇ် မင်းကကိုယ့်ဘာကိုယ်အထင်ကြီး လွန်းနေတာပဲ မင်းကမစားနဲ့လို့ပြောတိုင်း မစားရအောင် မင်းကို်ယ်မင်းသူ့ရည်းစားများမှတ်နေတာလား'
အတွေးနဲ့အတူ နဂိုတည်နေတယ့်မျက်နှာက ပိုတည်သွား၏။
သူအိမ်ထဲဝင်သွားတော့ ဒေါ်လေးစိန်က ရိူင်းထက်နဖူးကိုစမ်းနေကာ ဥက္ကာကလည်း ရိူင်းထက်ဘေးနားကနေ ဘာလုပ်လို့ဘာကိုင်ရမှန်းမသိဘဲ ထိုင်ကြည့်နေ၏။
"ဒေါ်လေး ဘာဖြစ်လို့လဲ"
သူ့အသံကြားတော့ ဥက္ကာမျက်လုံးက အရောင်လက်သွားကာ ချက်ချင်းလှည့်ကြည့်လာ၏။
"ဧကရာဇ် ရိူင်းထက် အန်နေလို့"
ဧကရာဇ်က ဥက္ကာတို့ရဲ့မျက်နှာချင်းဆိုင်မှာ ဝင်ထိုင်လိုက်၏။
" အန်တာပဲလား ဘာဖြစ်သေးလဲ"
ရိူင်းထက် ကိုကို့ရဲ့စိုးရိမ်နေတယ့်ပုံစံကြောင့် မပြောချင်တာကြောင့် ဒေါက်တာညဧကရာဇ်ကို တစ်ချက်ကြည့်လိုက်သည်။
"ဥက္ကာ ဆေးသေတ္တာသွားယူလာခဲ့"
"အေး ခဏ"
ဥက္ကာသွားတော့မှ ရိူင်းထက်က အနည်းငယ်နာကျင်နေတယ့်ပုံနဲ့ ဗိုက်ကိုဖိထား၏။
"ဗိုက်ထဲမှာတင်းပြီး အောင့်နေတယ်"
ဧကရာဇ်က ခေါင်းတစ်ချက်ညိတ်လိုက်ပြီး သူ့ရဲ့ထိုင်နေတယ့်ပုံစံကိုပြင်ပေး၏။
"ခါးကို မတ်ထား "
ဥက္ကာပြန်လာတော့ ရိူင်းထက်ရဲ့ဗိုက်ပေါ်ကို ကိုင်ထားတယ့်လက်က ခုံပေါ်ပြန်ရောက်သွား၏။
ကိုကို့ရဲ့စိုးရိမ်နေတယ့် မျက်နှာကိုကြည့်ပြီး ရိူင်းထက်အားတင်းကာပြုံးပြလိုက်၏။
"ကျွန်တော်ဘာမှမဖြစ်ပါဘူးကိုကိုရဲ့"
" ချွေးတွေထွက်နေတယ်လေ ရိူင်းထက်ရာ"
ဥက္ကာအကျီၤလက်နဲ့ ရိူင်းထက်နဖူးပေါ်က ချွေးကိုသုတ်ပေးတော့ ဧကရာဇ်ကဆေးကဒ်တွေ ကြည့်နေရာမှတစ်ချက် မော့ကြည့်လာ၏။
YOU ARE READING
PhoeNya
Romanceငါ့မွာ အားနည္းခ်က္ဆိုလို႔ မင္းကိုခ်စ္တာရယ္ မင္းထိခိုက္ဒဏ္ရာရမွာကို ေၾကာက္တာရယ္ပဲ ရိွတယ္ စစ္ ငါ့မှာ အားနည်းချက်ဆိုလို့ မင်းကိုချစ်တာရယ် မင်းထိခိုက်ဒဏ်ရာရမှာကို ကြောက်တာရယ်ပဲ ရှိတယ်...