Soul Librettos

♬ 3

♬ Three

Enjoyment

Hindi ko na inantay pang matapos ang tugtog ng Creole at nagmadali n akong lumabas ng Fola Theater. Siguro ay hindi naman magagalit sa 'kin sila Lance at Chriselle kung sakaling hindi ako magpaalam sa kanila. Tinext ko nalang silang dalawa na hindi na ako bumalik pa dahil napanuod ko na ang Creole at bumalik na ako ng dorm.

Pagdating ko sa dorm ay agad kong binuksan ang laptop ko at tinaup ang banda ng damuhong lalaking iyo. Lumabas agad ang prodile nila at ang malalaki nilang pictures sa google. Dammit. Sikat na sikat nga sila.

Creole of Note

Hilton Reyes as vocalist
Clef Viray as bass guitar
Aldon Jesalve as lead guitarist
Dwaine Tolentino as drummer

Clef Viray. 'Yun pala ang pangalan ng lalaking iyon. Kunganu-ano pang mga blogs at news ang nabasa ko tungkol sa kanila. Siguro kug may makakakita sa akin ay siguradong sasabihin nilang stalker ako. Stalking and curiosity are different, right? I am just curious about them.

At isa pa maganda naman talaga ang music nila. This is the first time I actually liked a band. Sana pala ay hindi nalang ako umalis duon sa Fola Theater. Dapat kinuha ko nalang ang notebook ko sa kanya o kaya blinackmail ko siya at sasabihin kong nasa forbidden garden silang dalawa ni Searcy kahapon. Pero kahit naman sabihin kong ipagkakalat ko iyon eh alam ko ring hindi ko iyon sasabihin sa iba, ayokong maihelera sa mga kilalang chismosa sa school. Not even be involved in any matters related to Searcy. She's just too popular at ayokong maidugsong ang pangalan ko duon.

Siguro ay gagawa nalang ako ng ibang paraan para makuha ko iyon.

Humiga nalang ako sa kama at pinatugtog sa Iphone ko ang kanta ng Creole. There's something about their songs that I really like. 'Yun ang iniisip ko bago ako tuluyang makatulog sa malambot kong kama.

Kinabukasan eh balitang-balita pa rin kung gaano kagaling ang Creole dahil sa pagtugtog nila kagabi. Gusto kong sapakin si Chriselle dahil simula paggising ko 'yon na ang kwinekwento niya.

"Bakit kasi umuwi kana kagabi hindi mo tuloy sila napakiggang tumugtog" masayang sabi ni Chriselle habang naglalakad kami papunta sa Math Building.

"Napakinggan ko sila" ani ko sa kanya habang nagpipidot ako sa cellphone ko.

"Oh? Talaga? Nasaan ka nung tumutugtog sila?"

"Backstage" mahina kong sabi. Napatigil siya sa paglalakad niya dahil para tumigil din ako at lingunin siya. Nanlalaki ang mata niya sa akin at nakataas ang isa kong kilay sa kanya, "Bakit?"

"Nasa backstage ka kagabi? Ibig sabihin nakita mo sila ng malapitan?"

I just rolled my eyes. Malamang. Iniwan ko nalang siya duong gulat na gulat. Maganda ang musika nila pero tingin ko ay hindi naman dapat kabaliwan. At sino 'yung binabanggit ni Chriselle na gwapo? 'Yung Hilton? Siya 'yung humarang duon sa Clef nuong tinitignan ko 'yung damuho.

Hindi naman siya gwapo ah? Oh baka ito nanaman ako sa mga piling bagay na naappreciate ko.

Napabungtong-hininga nalang ako dahil hindi ko akalaing pati iyon ay iisipin ko pa. Narinig ko ang pagtawag sa akin ni Chriselle at liningon ko lang siya, humabol siya sa akin hanggang sa makarating kami sa classrooom namin. Ngayon kasi ay klase namin sa Calculus. Kahit na arts school ito ay hinid parin kami makaligtas sa mga math subject. Okay mas magaling ako sa science kesa sa math. Dito ay masasabi kong average na talaga ang utak ko.

Umupo ako duon sa dati kong inuupuan sa likod. Wala pa naman ang professor namin kaya't kinuha ko muna ang librong tatlong araw ko na atang binabasa.